العودة   المنتدى الرسمي للرادود الحسيني الحاج ملا جليل الكربلائي > ~*¤ô§ô¤*~ || المنابر الأدبية و العلمية || ~*¤ô§ô¤*~ > منبر أشعار أهل البيت عليهم السلام > منبر أشعار خاصة بأحزان آل بيت محمد ص

منبر أشعار خاصة بأحزان آل بيت محمد ص يختص بالشعر الحسيني فقط

إضافة رد
 
أدوات الموضوع انواع عرض الموضوع
قديم 17-12-09, 12:16 PM   #1
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
 اوسمتي
المراقب المميز المشرف المميز المسابقه المهدويه العضو المميز 
لوني المفضل : Darkgreen
وللحمامي عبرات في عاشوراء((قصائد جديدة))



بسم الله الرحمن الرحيم
اللهم صل على محمد وآل محمد وعجل فرجهم

السلام عليكم ورحمة الله وبركاته

عظم الله لكم الاجر بمصاب اهل البيت سلام الله عليهم

اليكم اقدم قصائد الشاعر القدير السيد عدنان الحمامي

لشهر محرم الحرام

وستكون مرتبه على حسب الايام

***********
اليوم الاول

بسمه تعالى

سلام عليكم

-----
(1)
--

المستهل

--

يهلال الحزن يهلال -- بيك انگطعت الآمال

هم رديت -- لاهليت

---

يهلال الحزن والفاجعه والدم -- بدرك من عسن هذا البدر لاتم

چم دار الذي بطف كربله اتهدم -- مو حتى الرضيع امن اهلي مايسلم

چم جسم الذي اتبضع -- وذبحوا چم طفل يرضع

وتمنيت --- لاهليت

--

يهلال ابطلعتك لاتحيرني -- وتفجّر الدمع لمن تذكّرني

اشلون انسه الشمر بالسوط ينهرني -- واطفال العطاشه اللي تمرمرني

وخيامي الخذتها النار -- لاخيمة ستر لا دار

ماظل بيت -- لاهليت

--

يهلال الصور لساعه بعيوني -- الأشد يوم الذي مسبيه مشوني

ويم حسين اظلن مايخلوني -- بچوني اشكثر يهلال بچوني

اعاين لخوتي صرعه -- وچفين الذي امگطعه

عليها ابچيت -- لاهليت

--

يهلال ومصابي مايحمله أحد -- على تل الصبر والفاجعه اصعد

واشوف حسين من أثيابه يتجرد -- صحت وين أخوتي محّد سمع محّد

صحت عباس مايسمع -- لعضيده ردت يفزع

يجي ظنيت -- لاهليت

--

يهلال وشفت يم النهر شوفه -- أخويه اللي كفلني امگطعه اچفوفه

اظل يمه گلت للغالي ماعوفه -- ومن يمه خذوني اميسره للكوفه

جوده ورايته يمه -- وعلى وجهه نزف دمه

اله حنيت -- لاهليت

--

حنيت اذكرت كل المصاب الصار -- أمذبحه أخوتي ومذبّحه الانصار

والخيل الاجتنه بنارها الاشرار -- وبذيال العليل اتلاهب هالنار

خفت اعليه وأباريله -- عليل وگمت اتچيله

ماني انسيت -- لاهليت

--

يهلال الطفل عبد الله بيد حسين -- مذبوح وعليه تهمل دمعها العين

وعلي الاكبر لو جسام مذبوحين -- ما انسه مصابي اشما تمّر اسنين

اظل انصب عزه اعليهم -- يبچوني وابچيهم

حزينه اصفيت -- لاهليت

--


(2)
اليوم الثاني
--

موشح

--

--

وين عازم عالسفر يحسين وين -- روح ودعّ فاطمه بدمع وأنين

--

روح لمك فاطمه قبل المسير -- وگلها هم اوداعچ ابگلبي چبير

وأدري يمّه علم عنچ باليصير -- لاچن الله يمّ حسن هوه المعين

--

بچت عين الكعبه لوداعك تهل -- شافتك يحسين رايد ترتحل

تدري ماشي خطر دربك مو سهل -- شلون لو لرض الوطن عاد الحنين

--

وين رايح تگطع ادروب السفر -- أشلون بيك الوكت لوخان وغدر

ياحسين اهناك چن ارض القدر -- اي وحق ضلع امك وذاك الجنين

--

تعتمر رايد وتظعن بالضعن -- مو خواتك لو مشن يتروعن

ياحسين او بالدرب يتصدعن -- فوگ ظيم الوكت وأحزان السنين

--

روح يم جدك ابدمعك ودعه -- ونتّك يحسين اگعد سمعّه

وخبره ياجد للظلم مابايعه -- ولا أمد للذله ياجد الادين

--

سولف الجدك محمد بالتريد -- خبره أرد اعلن جهادي ضد يزيد

لو يكلفني يجد دم الوريد -- ودم أخوتي او تنذبح كل البنين

--

(3)

--


المستهل


--


تودعني تودعني -- آنه امك تودعني


حسين اتوادع اويه امه -- يسمع فاطمه اتكلمه


تودعني تودعني


--


حسين ودمعه يتهامل -- للزهره يودعها


يسمع من لحدها الصوت -- تبچي ابحرگه يسمعها


هذا اوداع وين اتريد -- لمك ليش تفجعها


مو تدري الصدر مجروح -- والبسمار روعّها


وين اتريد وين اتريد -- يبني حسين وين اتريد


ضلعي يبني لتلچلمه -- يسمع فاطمه اتكلمه


تودعني تودعني


--


گاللها بحزن گلبه -- ويتلاهب دليله ابنار


يمّه عنچ امسافر -- هليله اصبحت خطار


وباچر احدي بضعوني -- ولا واحد يظل بالدار


عندي بس عليله اتظل -- ماتحمل سفر وأخطار


تبچيني تبچيني -- اعاينها تبچيني


كثرت للگلب همه -- يسمع فاطمه اتكلمه


تودعني تودعني


---


سمع من اللحد فد صوت -- صوت اختنگ بالعبره


ونتها ابضلع مكسور -- بألمها أتكلمه الزهره


يحسين المسير اطويل -- يبني ورحلتك خطره


وعني لو خذت ولياك -- گبر أمك منو ايحضره


لاترحل لاترحل -- يبني حسين لاترحل


گبري من يجي يمه -- يسمع فاطمه اتكلمه


تودعني تودعني


--


جاوبها ييمه الدين -- حرفوا كل معانيه


وعالذل مابعد اصبر -- ولا ارضه بعبوديه


ابدمي ارد اضحيله -- ولآخر نفس بيّه


حتى لو عدوي ايجور -- تذبحني مواضيه


اجاهدله اجاهدله -- ديني كون اجاهدله


وتراب الگبر شمه -- يسمع فاطمه اتكلمه


تودعني تودعني


--


ظل ايسولف او تسمع -- ويسمع من گبرها اونين


گالتله يرحانه -- المحمد يبني ورياحين


ولمك يبني چنت الروح -- ومهجتها وضواها العين


وحدك عالسفر ناوي -- لو كل الاهل ماشين


شبانك شبانك -- تظعن كلها شبانك


مو صدري نزف دمه -- يسمع فاطمه اتكلمه


تودعني تودعني


--


يُمه فاطمه الشبان -- واخوتي كلهم الطيبين


بحزام الوفه وياي -- يمه ابغيره متحزمين


عباس وثلاث ابطال -- ابسوح الموت معروفين


وحتى البلمهد يرضع -- ايجاهد رايد الهل الدين


رايدهم رايدهم -- يمّه المجد رايدهم


قربان الدمه انقدمه -- يسمع فاطمه اتكلمه


تودعني تودعني


--


نشدت يبني اختك وين -- زينب خل اكلمها


اودعها وتودعني -- عزيزة فاطمه امها


لختك من يباريها -- ابها المسره ويلازمها


ماريد الدهر يحسين -- منك يبني يحرمها


ترعاها ترعاها -- لختك يبني ترعاها


وعمرك ربي اليسلمه -- يسمع فاطمه اتكلمه


تودعني تودعني


(4)


المستهل
----

عازم يحسين اعله المسره

---

يالظاعن باهلك واعيالك

شبان أوياك واطفالك

عن مكه لوغاب اهلالك

گلب الكعبه اشراح ايصبره

---

يحسين أوجدّك ودعته

بآلامك والهم احملته

ودمع العين بحرگه اذرفته

من مريت ابگبر الزهره

----

گبر امك ودعته اشلونك

يحسين ابدمعات عيونك

گلتلها الكوفه يردونك

وبصدرك تتلاهب جمره

---

گاصد يحسين الياديره

وگلب اختك زينب بالحيره

أمصيبتها اتعاينها اچبيره

باچر يادم يجري اتنظره

----

صبّرها الزينب صبرّها

ياخوها أوطيب خاطرها

يحسين ابهل الرحله اخبرها

وگلها الدين ايريد النصره

----

أيريد الدين النصره بدمي

ونتي ابصبرچ يابنت أمي

وهمچ يابت حيدر همي

أدري اخلافي ابخدچ عبره

----

(5)


المستهل

--

وين ابمسيرك يحسين -- من ودعت اوطانك

--

يحسن وين ابسفرتك -- كل الحراير وياك

ودعت المن ودعت -- ودموع تهمل عيناك

هاي اظن للزهره رحت -- تودعها وبچيت اهناك

اشگالتلك أبقه بالوطن -- شسولفت يحسين اوياك

هيجت كسر الضلعين -- من ودعّت اوطانك

--

يحسين لمك فاطمه -- هم سولفت وين اتريد

گلتلها اعلن نهضتي -- لجل الشرع ضد ايزيد

گلتلها للذله ابد -- يالزهره ما مدّ الايد

لو كل اخوتي اتذبحت -- وآنه يگطعولي الجيد

او بچيت للزهره العين -- من ودعت اوطانك

--

والگبر جدك مارحت -- يولا يبو اليمه اتروح

لابد تبين له الوضع -- وتخبره دينك مجروح

وشرعك يسلطان البشر -- والعدل والحگ مذبوح

ورايدني ياجد انتفض -- وقربان اقدمله الروح

والنهضه من اجل الدين -- من ودعّت أوطانك

--

يحسين وبمكه اشلون -- تعتمر وتطوف البيت

آخر طواف أصبح الك -- وگبل اليحجها حجيت

ماردت للدم ينسفك -- بيها المسيرك لبيت

وظعنت باهلك واخوتك -- الساحة كفاحك ومشيت

درب النصر تدري امنين -- من ودعت اوطانك

--

درب الجهاد ابمسلكك -- تسلك طريق الثوار

ونويت تگطع هالدرب -- لو ينفرش دربك نار

اتخلد تريد اعظم درس -- وجامعه اتخّرج احرار

يحسين ماناهض نهض -- مثلك ولاثاير ثار

الساحة جهادك لاوين -- من ودعت اوطانك

--

يحسين وبسوح الشرف -- قدمت دمك قربان

وبگطع نحرك والدمه -- منهج محمد ينصان

لو ماتجود بهل النفس -- وراسك يرتل القرآن

لادين ظل ولاشرع -- وردوا يعبدون اوثان

لاچن ابدم الطيبين -- من ودعت اوطانك

--

سيد عدنان الحمامي


******************

يتبع..
</b></i>

ساعد في نشر والارتقاء بنا عبر مشاركة رأيك في الفيس بوك


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك


آخر تعديل بواسطة عاشقة زينب ع ، 17-12-09 الساعة 12:23 PM

رد مع اقتباس
قديم 17-12-09, 12:20 PM   #2
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



(6)
لليوم الثالث

بسمه تعالى

سلام عليكم


--

--

--

المستهل

--

عيني تظل اعله الباب -- يمته يجون أحبابي

عالصبر گلبي ازغيرون -- وآنه عليله يدرون

يمته يجون احبابي

--

يبويه حسين هاي اختي رقيه اوياك -- وعبد الله رضيع وچن خطر ممشاك

خل يمي يظل يابويه أترجاك -- أحب ايدك أحب صدرك أحب عيناك

ماينكسر گلبك ليش -- بويه وتحن الحالي

ويه اخوتي امشي ايكون -- وآنه عليله يدرون

يمته يجون احبابي

--

صبري مايطاوعني ودليلي اينوح -- وأيام الحزن بيّه تخلي اجروح

وأصبح كل أمل يابو علي مذبوح -- دخيل الله او دخيلك بويه لا لتروح

يابويه بس عني اتغيب -- ميته بقهر تلگاني

خاف الصبر بيّه ايخون -- وآنه عليله يدرون

يمته يجون أحباب

--

ثغري مابعد يابويه يتبسم -- وبوجهي دشوفه مابقه كل دم

لا أنته تظل لا أخوتي لاعم -- وجودك بويه هوه العلتي بلسم

يابويه روح الله اوياك -- سالم ترد لوطانك

بس لا لختهم ينسون -- وآنه عليله يدرون

يمته يجون احبابي

--

مشه عني ابويه وعافني أشحسب -- بنت آنه وعليّه صعب يتغيب

أشلون اعله الصبر هالروح تتغلب -- اظل بس انتظر بالدار وأتعذب

ظعن الاهل لمن راح -- دم الدمع بچاني

أشلون الهم اتنام اعيون -- وآنه عليله يدرون

يمته يجون احبابي

--

ظعون اهلي حدت لا وين ممشاهم -- أخوتي أعزاز گلبي وأمي وياهم

چن صوت القدرلحبابي ناداهم -- وين أنشد وأدور حتى الگاهم

شما بعدوا عني الغياب -- تبقه الصور بعيوني

الحالي شعجب ميحنون -- وآنه عليله يدرون

يمته يجون احبابي

--

ماعوف البواچي أخلافهم ماعوف -- وأطفي بالمناحه امن العيون الشوف

شتشوف العيون أخلافهم شتشوف -- وحتى مايمر بيها لخوتي اطيوف

جرح الاودهم ماشوف -- واحد يجي ويروفه

ابظيمي اظلن يردون -- وآنه عليله يدرون

يمته يجون احبابي

--

(7)


المستهل


--


بضعنك بويه -- اوياك اوياك


ماخذ عمري -- اوياك اوياك


طفله ازغيره -- بعله امحيره


---


يالماخذ اوياك الگلب -- ماعيش اخذ بعد العمر


شتسوه حياة ابلا أبو -- ومنين أجيبه للصبر


وحدي عليله من اظل -- اليوم بسنه اعليه اليمّر


ودمع المفارگ من يهل -- يغفه على خدي جمر


لتودعني -- اتروح اتروح


لتضيعني -- اتروح اتروح


بدمعه وحسره -- بعله امحيره


--


يابو علي أوداعك صعب -- وتحدي تريد ابهل الضعن


كلفه اعله روحي اتودعك -- ماترحم اقدار الزمن


يابويه لمن تعتمر -- يابويه لتعوف الوطن


مكه ومنى اعليك بحزن -- ويايه يابويه بچن


لاجت روحي -- اعليك اعليك


بوني او نوحي -- اعليك اعليك


وگلبي اتكسره - بعله امحيره


--


عادت الرايد يرتحل -- ويشيل عن موطن هله


بكل اهل بيته لو ضعن -- مايترك امن العايله


وآنه يبويه شالسبب -- برهبه اظل وموجلّه


مثل اليتيم أبلا ولي -- لا والد ايباري اله


بعينك حالي -- اتشوف اتشوف


الهم يبرالي -- اتشوف اتشوف


عمري أشكبره -- بعله امحيره


----


احچيلي بويه لو رحت -- وبالدار وحدي من اظل


لاأخت لا أم لا أخو -- وشلون لو جاني الاجل


خليني بويه بهل الضعن -- هم حالي من حال الاهل


من عودي لاتگطع غصن -- لاتگطع ابروحي الامل


بويه اهلالي -- ايغيب ايغيب


شلون الوالي -- ايغيب ايغيب


تمشي بسفره -- بعله امحيره


--


يافاطمه صبري بعد -- حسين ويصبر فاطمه


كافي البواچي والدمع -- دمعچ الگلبي أيألمه


بعيد الدرب بنتي وخطر -- وعالصعبه مامتعلمه


بدارچ أمان الحالتچ -- ونتي برغد متنعمه


چلچل همي -- آه أو آه


محد يمي -- آه أو آه


وشمنتظره -- ابعله امحيره


--


گالتله يابويه الصبر -- ماله مكان بهل الگلب


ونته بمسيرك لو رحت -- عيني تظل اعله الدرب


ملهوفه روحي اتظل الك -- لو خيمت برض الغرب


لا ليل يغمضلي جفن -- شيسكن الدمع اليصب


ويه احبابي -- اوداع اوداع


هذا امصابي -- اوداع اوداع


أجري العبره -- بعله امحيره


--


--


عليله شلون اسكن الدمع يادار


ومايرحم زماني عكس يادار


أصبّر الروح بيمن بعد يادار


ومشوا أهلي ويلوج الحزن بيّه


--

(8)
تجليبه

--

--

علي خويه يالاكبر رايده وياك -- عليله ولاصبر وأصبر على فرگاك

--

علي خويه يالاكبر خل اسولفلك -- خويه اهلي نفسهم همه هم اهلك

ايعيفوني عليله شلون مو أهلك -- وأموت بدار موحش خويه هم يرضاك

--

يرضاكم يالاكبر من اظل وحدي -- أشكبرني وهاكثر احمل هظم چبدي

ما أگدر وحگ المرتضى جدي -- يومي لاعشت خويه عگب عيناك

--

فرگاكم صعب وآنه عزيزتكم -- وتطيب خاطري لوشفت لمتكم

مهيوبه يخويه ابهاي هيبتكم -- مكسورة گلب ما اظل اترجاك

--

ابلياكم أظلن بس جسد لاروح -- وعبد الله يخويه اوياك هم ايروح

دليلي على أغيابه مو يظل بالنوح -- و جفني اعليه بعد مايغمض ابممشاك

--

اتنطر يخويه لو بعد هيهات -- تعال أسمع ونيني وأسمع الآهات

ودمع عيني چواني بيه احس جمرات -- تجافيني وأختك ماتريد أجفاك

--

دنياكم يالاكبر لارحم بيها -- لأختك فاطمه ايتيمه تخليها

متهزك لمن تسمع بواچيها -- هم ترجع بعد للدار واتلگاك

--
(9)

دار أهلي مست وحشه وخليّه -- عليله ولا صبر يلحگ عليّه

--


يبويه البت عزيزه اتصير بالعود

صحت لمن رحت للدار بلعود

صدگ ثغرك يضربه ايزيد بالعود

وعله راسك تموت أختي رقيه

دار أهلي مست وحشه وخليه -- عليله ولاصبر يلحگ عليه

--

شكثر قاسي الدهر ياناس لودار

ومثل دمعي اعله أبويه الراح لادار

عليله وشيلمني بعد لادار

وحدي بالصراع اويه المنيه

دار اهلي مست وحشه وخليه -- عليله ولاصبر يلحگ عليه

--

اخذ روحي الضعن من سار وحده

عليله ولا أخت وياي وحده

اخاف ايظل ابويه حسين وحده

ويتولاه عدوه شلون بيّه

دار اهلي مست وحشه وخليه -- عليله ولاصبر يلحگ عليه

--

الضعن يحدي اسمعت بالضعن ون صار

وابويه حسين واهل الشيم وانصار

بعد مارجع ليّه انشدت ون صار

گالو جثته أمگطعه ورميه

دار اهلي مست وحشه وخليه -- عليله او لاصبر يلحگ عليه

--

رحيلك للچبد يحسين مارد

عليله ومن اظل بالدار مارد

يبويه شلون ضعنك لوّن مارد

تخليني بحزن وآلام بيه

دار اهلي مست وحشه وخليه -- عليله او لاصبر يلحگ عليه

--

عليله افراگ أحمل بعد ماعاد

وگلبي اويه الحزن چن عنده ماعاد

بيّه اشلون ابويه حسين ماعاد

مناحه انصب ابداره وعزيّه

دار اهلي مست وحشه وخليه -- عليله او لاصبر يلحگ عليه

--

الدهر غير الحزن وياي ماراد

وضعنهم من حده للروح ماراد

عليله وخبر من الاهل ماراد

ولا طارش لاهلي يرد ليّه

دار اهلي مست وحشه وخليه -- عليله او لاصبر يلحگ عليّه

--

سيد عدنان الحمامي


**************
يتبع


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 12:28 PM   #3
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



(10)

اليوم الرابع

بسمه تعالى

سلام عليكم


--

--

--

يامن ابعسر الزمان اتحيرت -- أطلب أمن أم ابنين أشما ردت

--

يامن اتريد العسر منك يروح -- وبيك هم امن الوكت خلّف جروح

روح لأم عباس انخاها دروح -- ولله ساعتها تفرّح مهجتك

--

يامن اتريد الشفاء أمن العلل -- وأيست من كل طبيب او لا أمل

انخه ام عباس ويروح الوجل -- كل مرض تشفيه وتشفي علّتك

--
يللي مظنوك وحياتك بالعسر -- وسنه اعليك اليوم من همك يمر

اطلب أمن الحره متقدم عذر -- وشوف من همك اذا مانجتّك

--

هاي ام عباس وفاية عهد -- هاي حلالة مشاكل والشدد

هاي حُره وأبد ماتخلف وعد -- لو طحت بالشده تحظر شدتك

--

ياهو عنده اعزيز طالت غيبته -- ويرف گلبه ورمش عينه الشوفته

ينادي يم ام البنين ابدعوته -- تريد جرّب وجه الها دعوتك

--

نادي يم عباس لوحاجه تريد -- اعليها اقسم بابو السجاد الشهيد

وحگ نون وقاف والذكر المجيد -- بيدك اشما ردت منها سلمتك

--

--

ثدايه الطيب در الوفه داريت

وعليّ دنياي دورة حزن داريت

آنه أم البنين شكثر داريت

وفديت أشبول للزهره الزجيه

--

(11)

آنه أم البنين ابنوح خلنّي -- وين حسين فگد حسين دوهنّي

--

وين حسين ليش أويه الظعن ماجاي -- بس ايتام نظرت للظعن عيناي

احس جمرات فگده اتواگدت بحشاي -- وأحس بالروح هالجمرات يجونّي

--

يچوني سمعت الناعي من ينعه -- وعله أخدود اليتامه يابسه الدمعه

متوقعه أشوف حسين متوقعه -- وبشوفة حسين اظنوني خيبنّي

--

خيبني الظنون الچانت اتنطره -- حسبالي أشوفه ارويحة الزهره

والعباس يحدي برايته الخضره -- شو بس الارامل اجن روعنّي

--

روعنّي الارامل واليتامه بنوح -- وخبروني الگمر بالطف بقه مذبوح

گلتلهم لخوه حسين فدوه ايروح -- بس حسين سالم كون بشرنّي

--

خبروني بنينچ بالطفوف اجساد -- فدوا برواحهم لحسين ابو السجاد

وبغير الارامل هالضعن ماعاد -- وصرخات اليتامه اسمعت عذبنّي

--

عذبنّي الحراير تنعه ولياها -- لارايه البني هاشم أكو اوياها

مثل صب المزن من تهل عيناها -- ومن ظيم العليهن شفت بچنّي

--

(12)

المستهل


--


عجيبه شلون ظليتي -- يم عباس ماجيتي


وتظعنين -- ويه حسين


يم عباس ماجيتي


--


يم عباس ظعن حسين -- من ارض المدينه سار


وانتي اتشاهدين بعين -- دمعتها جمر من نار


ليش أوياه ماجيتي -- يالحّره شنو الي صار


ودعتي أخوته أوياه -- وعنچ غابت الاقمار


وصيتي اخوته بيه -- كل واحد عمر ينطيه


هالطيبين -- ويه حسين


يم عباس ماجيتي


--


يا أم البنين أبدور -- لأيام الشدد ذخرچ


مراضعهم وفه وغيره -- يرضعهم أبه صدرچ


وأتعاب اليالي السود -- الويتيها بعزم صبرچ


بيهم عاقده الآمال -- لو يجزي الوكت عمرچ


تعبچ للوفه ردتيه -- والحيدر علي توفيه


تعب اسنين -- ويه حسين


يم عباس ماجيتي


--


حرّه ومايصح حرّه -- مثلچ طيبه وفايه


چانت نصرة المظلوم -- عندچ نصرته الغايه


ومن حيدر علي بيدچ -- سلم للگمر رايه


بيها للنصر ميعاد -- حصنّها علي بآيه


هالرايه حرز بيها -- چف حيدر علي اعليها


تسر العين -- ويه حسين


---

وانتي من هذاك اليوم -- هاي الرايه خذتيها

وصية والده حيدر -- ابها الرايه عگتيها

وأديتي الامانه ابزود -- يم عباس صنتيها

لبو فاضل ابيوم السار -- بظعونه نطيتيها

صعبه من تودعيهم -- أشلون الهم تعيفيهم

وماتمشين -- ويه حسين

يم عباس ماجيتي

---

من أتوادعوا وياچ -- چان الفضل شايتله

عله امتونچ يرفعة راس -- وجمر الدمع هاملته

وصيتي الگمر عباس -- يباري للعقيله اخته

وقبّل ايدچ وعينچ -- وباسة غرتچ شفته

عينچ بعد متشوفه -- اهناك ايطيحن اچفوفه

عليه تبچين -- ويه حسين

يم عباس ماجيتي

---

راحوا كل خوته اوياه -- وروحچ راحت أوياهم

وعينچ عالعزيز حسين -- وهمه اعليچ عيناهم

چم مرّه عثر جدمچ -- من عاينتي ممشاهم

شلون ام البنين اشلون -- گلبچ حمل فرگاهم

عينچ من بچت لحسين -- ليش اوياه ماترحين

شتشوفين -- ويه حسين

يم عباس ماجيتي

--

وداع حسين يم عباس -- ابروحچ وگدّ الجمره

وظليتي ابجفن سهران -- حتى الوسن مامرّه

ماندري صبرتي شلون -- عفيه صبرچ شكبره

روحچ بالامل ظلت -- ايعود الضعن تنتظره

وانتي اربعه امودعه -- أوداع العمرچ ايضيعه

شتصبرين -- ويه حسين

يم عباس ماجيتي

--

(13)


-- گعده


--


--


المستهل


--


ماضاع تعبي باربعتهم ماضاع -- أولادي اعرفهم نشامه وسباع


شمعة ضوه لعيوني -- أبتعب الربه أيجازوني


--


اربعه بحظني رباهم وبيهم اعله الناس أفخر


أشبول من الاسد حيدر بدر واحدهم ويزهر


مثل ابوهم بالحرايب حيدره بغزواته من كرّ


للطف تعنوا بالهمم -- فرسان وبأعلى القمم


وللنصر بيديهم علم -- وبيهم أمأمنه الخدر


سيافه ويخاف الخصم يدناهم -- النصرة اخوهم حيدره رباهم


ابهذا الوفه ايفرحوني -- ابتعب الربه ايجازوني


--


آنه أمهم بيهم أعرف مايهابون المصاعب


عزم عدهم من أبوهم حيدره سبع الكتايب


منهم الفرسان تجفل من ينزلون الحرايب


عالسيف ولدي أمعلمه -- وعباس راعي الغانمه


من علي الرايه سلمّه -- راية الحق والمناقب


هالرايه من غزوة بدر ذاخرها -- عباس غيره كل كفو ما ألها


من رادوا أيودعوني -- ابتعب الربه ايجازوني


--


حسين من شد الرحال او راد أخوته بهل المهمه


تريدهم سوح الكفاح تريد دمهم گبل دمه


وآني مني اتريد أوفي بالعهد فاطمه أمه


وصيت ولدي الاربعه -- بحسين گبل أموادعه


كلمن يجازي مرضعه -- وللحسين ايصير عزمه


لحسين فدوه اعماركم ضحوها -- جازوني ولدي او فاطمه اتجازوها


ماخيبوا لضنوني -- ابتعب الربه ايجازوني


--


عهد يولادي النشامه أمعاهده فاطمه الزهره


ضحوا لحسين ابمهجكم خل يظل سالملي عمره


أمكم الربت وتعبت وكل لياليها مسهره


من عدكم اتعابي ردت -- وآنه لبوكم عاهدت


لازم أوفي أمن أوعدت -- وهالوفه منكم انظره


خلوني بيكم عالخلگ اتباها -- ومن فاطمه أكسب يولدي ارضاها


أولادي ماخيبوني -- ابتعب الربه ايجازوني


--


گبل مابالظعن يحدي گمر هاشم بالضعينه


أجه يمي او باس أديّه او بسته آنه من جبينه


والزمت چفينه بيدي وقبلتهن ويه عينه


وگتله يعباس الاخت -- مهيوبه بيكم كل وكت


ماريد مدمعها يكت -- وللحزن تبقه رهينه


جاوبني زينب تظل مرفوعة راس -- من يدنه يمها وآنه أخوها العباس


ادريكم اتوفوني -- بتعب الربه ايجازوني


--


راحوا او مابعد واحد رجع سالم للمدينه


بس حرم واطفال كلها أمگبعه بالهم حزينه


جيت اتنشد وأعاين بلچي أشوف حسين وينه


الله وسشوه القدر -- بس اليتامه بالقهر


ولحسين ماكو كل أثر -- ايعود سالم ردته لينه


فدوه بنيني ليّه لو ميردون -- بس أ[و اليمه سالم وكلشي ايهون


ابولدي اجوا واسوني -- ابتعب الربه ايجازوني


--


بچت عيني ونزف گلبي راحوا أعزاز أمن أديه


غابت اقمار اليالي الچانت اتضوي عليّه


والگطع گلبي او مردني حسين مارد ليش ليّه


لحسين حن گلبي اله


مذبوح ظل ابكربله


بالضعن بس العايله


ردت ايتام او ارامل عافت الوليان كلها


--

(14)


المستهل

---

بس تنخاها -- بس تنخاها -- حُره وماتبخل يمناها

----

انخاها وجرّب فد مرّه

ام عباس الهيبه الحره

گلبك لابد ولله اتسرّه

كرمهّا الباري وعلاها

----

كرمّها الباري وأيدها

شبان اللي كرمت يدها

چم شاره أم عباس العدها

شافتها الناس وشفناها

----

شفنه المعجز منها وأكثر

اطلب منها ماتتعذر

متخليك الحره امحير

مافشلت واحد ناداها

----

ناديها يالطحت ابشده

واليطلب خايب مترده

اقسم بيها باللي اتعبده

لوعّله بجسمك عافاها

----

بالمعبود اتوسل بيها

وللحاجه اطلب من راعيها

اشگد ناس الحره امجربيها

متقصّر من تترجاها

----

اربع شبان الضحتهم

طيبه وللزهره كرمتهم

اينصرون حسين بخوتهم

بس لحسين اتهل عيناها

----

سيد عدنان الحمامي








 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:05 PM   #4
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



(15)
اليوم الخامس



المستهل


--


صاحت حميده بصوت -- آه يابويه


ياريت أخذني الموت -- آه يابويه


كل أبو شمعة بيت -- شلون ألك لو حنيت


--


راحت آمالي يبويه ابروحتك ليّه اشيردها


غير أبوها البت يبويه سلوه ماظن هيه عدها


طفله محتاجه الحنانه الصدره اليظمها بعدها


وحتى لو كبرت أبوها هوه هيبتها وسندها


بعد العطف ماشوف -- آه يابويه


ابرهبه اظل وخوف -- آه يابويه


ابحظن الحزن ظليت -- اشلون الك لو حنيت


--


كل أبو للبت حنانه ايغطي بالطافه عليها


لو مشه من داره تبقه الجيته لهفتها بيها


تنتظر يمته تشوفه الداره تفرح من يجيها


هيه تتلگاه تحظنه هوه ايده اتظل بديها


خيمه الي مريود -- آه يابويه


ابعطفك عليّه اتجود -- آه يابويه


لمن رحت ماجيت -- اشلون الك لو حنيت


---


ودعته او ودّعها رايح بالمهمه الهاشميه


كلفّه حسين بسفاره الكوفه من بعثتله هيه


ايعرفه سياف ومبارز والشجاعه الحيدريه


عالم وعنده فراسه مسلم ونفسه أبيه


من اوصلت غدروك -- آه يابويه


ومن القصر يرموك -- آه يابويه


ابگلبي جرح خليت -- اشلون الك لوحنيت


-----


الكوفه غداره ابطبعها قبله غدرت بالصميده


هذي مو اول خيانه هذي لا لا مو جديده


هيه بعثت بالرسايل يقدم حسين وتريده


المسلم ايرشحه عليهم هوه عينه وهوه ايده


نكثت عهد وياك -- آه يابويه


يالغيبتك دنياك -- آه يابويه


للكوفه من امشيت -- اشلون الك لو حنيت


---


هيه لا ما چان أملها مسلم ايفجر دمعها


كل أملها ابجاله تفرح تنسعد طيب وضعها


ابلهفة الوالد يشمها بويه لوصاحت سمعها


حگها من ونت او ناحت حگها من تعلن جزعها


من عيني غفله اتروح -- آه يابويه


لجروحي زدت اجروح -- آه يابويه


گبلك متت ياريت -- اشلون الك لو حنيت


--


آنه اعيش ابحظن ابويه هالقدر منطاني مهله


همك وهمي يعمي او صبرك وصبري نحمله


لا چن افراگه لبويه صعبه ماظن عمي سهله


ابدمعك او دمعي اعله مسلم خلي نتواسه نهمله


ايلمني بعد يادار -- آه يابويه


وبروحي جمرة نار -- آه يابويه


عگبك يتيمه اصفيت -- اشلون الك لو حنيت


--
(16)
راية الاصلاح مسلم رايته -- أنشد الكوفه عليمن غدرته

واويلاه -- واويلاه


--

أنشد الكوفه وجميع اقطابها -- من بعد هالظلم لمن صابها

كلها وقعت عالعهد بكتابها -- للحسين العهد هذا نكثته

واويلاه -- واويلاه

--

من بعد ماصابهم ذل وهوان -- لامسوات او عدل لاظل أمان

وصار بس بحسين يلهج كل لسان -- يجي ايخلصهم امن الذل رادته

واويلاه -- واويلاه

--

صار آلاف الكتب بعثوا اله -- وگالوا أقدم اي يبن عقد الوله

وبعث مسلم بالسفاره ايمثله -- طاع امر حسين راح ابهمته

واويلاه -- واويلاه

--

وصل للكوفه يريد الها الصلاح -- مثل عمه البطل حيّ اعله الفلاح

راد يصلح شهروا ابوجهه السلاح -- وكل قبايلها وعدها نكرته

واويلاه -- واويلاه

--

نكرته المسلم وباعتها الذمم -- اعقول عفنه وكل ظمايرها عدم

بالغدر جازته ومنهم ماسلم -- وبالحبل بالكوفه جرّوا جثته

واويلاه -- واويلاه

--

اول امصيبه على حسين التمر -- من رموا جثة سفيره امن القصر

انفجع گلب حسين من هذا الامر -- وصار برض الطف يخيّم نيته

واويلاه -- واويلاه

--

(17)

اليوم السادس



المستهل


--


يحسين الك انصار -- طيبه المراضع


يوم الحرب لوصار -- عالحگ تدافع


الله الذي يختار -- هالصفوه والاخيار


--


يحسين الجهاد ايريد -- ناس الماتهاب الموت


ترفض كل عبوديه -- وترفع عالطغات الصوت


للذل ماتمد يدها -- تسحگ عالمنايا أتفوت


وكل أسم الذي اختاره -- ربك بالعرش منحوت


بيهم يريد الدين -- يعله مقامه


الحكم الطغاة ايدين -- يرفض نظامه


والفازوا بهل الدار -- هالصفوه والاخيار


--


ابساحات الكفاح انشوف -- ما واحد بقه خالد


بس انصارك السبعين -- واحدهم بالف واحد


منهم للشهاده ايريد -- ويحصل المجد رايد


ظلت كربله تفخر -- بيهم والزمن شاهد


السان الزمن كل حين -- يذكر فضلهم


هالفتيه المضحين -- ميصح مثلهم


من يوصف الاحرار -- هالصفوه والاخيار


--


لبّوا للعقيده الصوت -- يالاحرار نادتهم


وبأرض الشهاده اصفوف -- سور اتصير وگفتهم


والرايه حبيب بايد -- هزها وهيه جمعتهم


بيها الشرف والوجدان -- بيها العزّه رايتهم


هالرايه بيد احرار -- اتحير خصمها


همه حماة الدار -- همه قممها


سيوف وعصف من نار -- هالصفوه والاخيار


--


صبوا هالحمم وسيوف -- ظلت عالرگاب اتطوف


وارتعبت بني أميه -- الموت ابهل السيوف اتشوف


ليهم من نزل عابس -- انصابوا بالذعر والخوف


ابصدره يشگف الطعنات -- وارماح العليه وسيوف


خلي الاحرار اتشوف -- هاي البساله


ويه الحسين اصفوف -- ابساحة نظاله


ماقدموا أعذار -- هالصفوه والاخيار


---


هذا اللي يريده حسين -- كون امن الصلابه اصلب


ايريده بالعزم ثابت -- وخصمه منه يتهيب


يصبر لو يحزه السيف -- ايخلي الصبر يتعجب


ويريد ابسمه الامجاد -- يتخلد يظل كوكب


لبوا نداء الله -- لمن دعاهم


نادوا ياحسيناه -- بذلوا دماهم


نالوا رضا الجبار -- هالصفوه والاخيار


---


قدموا دم مناحرهم -- كل قطره صفت ثوره


واخذوا منهم الثوار -- ادروس التضحيه وعبره


واليبذل لجل هالدين -- عند الله عله قدره


ومن ضحه ابو السجاد -- حي مامات ظل ذكره


كربله روح وشوف -- نور الامامه


عالگبر من اتطوف -- اتحس بكرامه


ومن صحبته الانوار -- هالصفوه والاخيار


(18)

عالعهد يحسين نبقه ومن دمانه انوقعه -- والذي بحبك تمسك هذا طيب مرضعه


--


للابد باقي عهدنه أمن ألأزل عدنه عهد -- وشوف يحسين الموالي بخدمتك أخلص وجّد


ياسفينه او للنجاة أيأمن البيها صعد -- وبالحشر صك بيده ياخذ من أبوك أموقعه


--


يبو اليمه امقصرين اوياك شنهو انقدمه -- بالبنين او مال نقسم الك نبذل والدمه


أنته ريحانة محمد أنته روح الفاطمه -- يبن نون وقاف أنته وهل أتى والواقعه


--


جدك ل لله حبيبه ونته للهادي حبيب -- لو دعه الداعي ابضريحك الله للداعي يجيب


مايخيب العنده حاجه وگصد يمك مايخيب -- ومايرد مهظوم ضيفك لو بشباچك دعه


--


الله خصك بالشفاعه ونته تشفع للمحب -- بيك يغفرله الذنوب أيروح مغفور الذنب


ومن يزوغ البصر باچر علي يروينه العذب -- لأن أحنه بكل فريضه أمن الصلاة أنبايعه


--


يظل شلال المحبه يروي بينه كل نفس -- ياحسين أنته الامان وكل موالي بيه يحس


تظل غالي يبو اليمه وخصمك ايظل البخس -- وينها أگبور الخصوم بهل البريه ضايعه


--


وگبرك انشاهد ضريحه صار كعبه لليطوف -- ناس تتعنه ابجدمها ناس تتعنه زحوف


وها لملايين التزورك يبو اليمه مو ألوف -- كلها لبت للنداء لأمر جدك طايعه


--


بيك من وصه محمد گال ريحانه الي -- بيوم من كان بصلاته وعلى ظهره تعتلي


واحنه بالاصلاب صحنه يارسول بلي -- لأن أمه الزهره هيه الكل موالي شافعه


--

(19)

انته نور فوق نور ياحسين -- انته للرشد طريق التائهين


--


ياحسين انته الامان امن الخطر -- الشيعتك بالرحمه بارينه نظر


واليضدك باچر ابنار وسقر -- واليزورك كمن حجَ واعتمر


انت للنجوى ملاذ الخائفين -- ياحسين ياحسين ياحسين


-----


ياحسين المجد انته والخلود -- دمك الحررنه من كل القيود


وعلمتنه بوجه كا طاغي الصمود -- صار واجب بالدمه لجلك نجود


يشهد الله الاه العالمين -- ياحسين -- ياحسين -- ياحسين


--


ياحسين التاج انته والشرف -- والتمسك بيك نال اعلى الغرف


حور والولدان والراده قطف -- والذي يحسين فظلك ماعرف


غداً يسقى عنوةً ماءً مهين -- ياحسين -- ياحسين -- ياحسن


--


والذي حرموك من عذب الشراب -- دورهم ظلت يبو اليمه خراب


أتبّره من اجسادهم حتى التراب -- وينهم يحسين شو صاروا سراب


انت باقي رغم انف الحاقدين -- ياحسن -- ياحسين -- ياحسين


--


ياحسين ابحبك احنه نعتصم -- بيه طريق الجنه شفناه منرسم


ابغيظه يهلك خلي ويموت الخصم -- باچر ابسجيل باچر ينرجم


يحشرُ في النار جنب الكافرين -- ياحسين -- ياحسين -- ياحسين


--


عالعهد وياك نبقه عالعهد -- وأبد مايوم الذي نخلف وعد


حبك ابدمنه ويغذي للجسد -- وحتى رضعان الذي بدور المهد


لك شوقٌ يعتريها وحنين -- ياحسين -- ياحسين -- ياحسن


--


--




--


بحب حسين شرد اوصف وشملي


اسمه اموسّم ابگلبي وشملي


بالمحشر لون شمله وشملي


انجمع وأشكيله حبه اشعمل بيّه


--

(20)
--

عد عيناك -- كلنه اوياك -- انصارك يبو اليمه

--

الك انصار من انصار -- لو صار الطعن تصمد

تمطر موت من تغتاض -- عواصف من تهب ترعد

تطگ بركان بالميدان -- منهم كل جسر يشرد

عابس لو حبيب او جون -- منهم ياشجاع اتعد

ميهابون -- ويضحون -- كل واحد نذر دمه

--

يحسين الشهم طبعه -- كل صعبه يلاويها

وانصارك يبو السجاد -- غير العزم مابيها

باچر والحرب لوصار -- سور أرماح تلگيها

الك مختارهم ربنه -- أهموم البيك تجليها

برير وجون -- شيگولون -- الموت الموت ميهمنه

--

يحسين الكفاح ايريد -- جدم الثابت وميزل

ابشفرت صارمه الابدان -- ايگوم الروسها يعزل

وحوافر خيلها امن الخوف -- اتغوص بگاعها وتنزل

وبيهم ينفجر بركان -- الدنيه وكونها ايزلزل

هالاصحاب -- ليوث الغاب -- عدهم للنصر همه

--

كلها اتعاضدت يحسين -- ارواح ابجسد واحد

قائدهم شهم معروف -- حبيب الزاهد العابد

حامل راية الايمان -- بيها للنصر رايد

يفدي عمره دونك راد -- بأشرف ملحمه ايجاهد

حسم نصره -- بدمه نحره -- عمره لجلك ايقدمه

--

باچر من تهب الريح -- وعج الخيل بالميدان

اتشاهد كل صوارمها -- حممها اتصبها والنيران

ومشراد الزلم منهم -- الخوف ايموّت الفرسان

وعسكرهم يبو السجاد -- بيد اهل الشرف ينهان

صبح باچر -- العدو حاير -- عليهم تنزل النقمه

--

من صار الطعن بحراب -- وصدور النشامه اتصد

واحد من بعد واحد -- ابعزمه اعله المنايا ايهد

وبروس الرذيله اتشوف -- واحدهم غده يحصد

وگامت هالرگاب اتطيح -- والسيف النصر تسجد

هاي ابطال -- تهز اجبال -- واحدهم صبح قمه

--
(21)

ماننساه -- دوم اوياه -- حب حسين بالشريان

--

حبنه مامثيله حب -- وأحنه الهل الحبيب انذوب

حب حسين بالشريان -- يسري ايغذي حبه اگلوب

حبينه بصدق واخلاص -- حبينه اعز محبوب

ولآخر نفس وياه -- بالدم هالعهد مكتوب

يبقه حسين -- وسط العين -- أجمل صوره للايمان

--

يحسين الگلب واحد -- لا لا مايصح لثنين

ونته بالگلب ساكن -- بغيرك مارضه يحسين

انته النه الهوه والماي -- يحسين وضوه الهل العين

من عندك تعلمنه -- درس التضحيه الهل الدين

بعزم صبرك -- بدمه نحرك -- للثائر صرت عنوان

--

يحسين اليحب يسخي -- ولايبخل يظل ايجود

وأحنه لجلك الغالي -- نبذلك اعز مجهود

بالمال وبنين ودم -- اعلينه يشهد المعبود

مآتمنه يبو السجاد -- لمصابك تظل أشهود

جرح بينه -- يواليه -- عليك وكل گلب حزنان

--

يحسين بمآتمنه -- نخدم كل وكت كل عام

وجرح امصابك الهل اليوم -- ينزف بينه مايلتام

انته منهج الهل الدين -- انته كل شرع وأحكام

ونته مشعل الايمان -- يبقه ايضوي للاسلام

للمظلوم -- اسمك دوم -- ثوره ايصير عالطغيان

--

يحسين الدمع من دم -- لو مرّ أسمك وطاريك

واحنه بهل الخدامه هاي -- اشنبذل أبد منجازيك

امك فاطمه الزهره -- وريحانه النبي امسميك

وجبريل اليهز مهدك -- يتباها ابخدمته ليك

الك خدام -- وبكل عام -- دمنه أنقدمه قربان

--

--

بحب حسين شرد اوصف وشملي

اسمه اموّسم بگلبي وشملي

بالمحشر لوّن شمله وشملي

انجمع واشكيله حبه اشعمل بيّه

--

--

بحور أمحبتك يحسين ماجن

وجن ليل الولاء وغيره ماجن

عابس لوله حبك چان ماجان

مثل عابس غرامك صار بيّه

--



 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك


آخر تعديل بواسطة عاشقة زينب ع ، 17-12-09 الساعة 01:10 PM

رد مع اقتباس
قديم 17-12-09, 01:17 PM   #5
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



(22)

-- المستهل

--

كلمن خدم لحسين -- باچر قرير العين

والزهره تشفع ليه -- بهل الخدمه وتجازيه

--

اسعي يالرايد نجاتك وأربح بهاي الخدامه

الغيره هالخدمه مذله وخدمة حسين الكرامه

واليجّد بالخدمه حصّل يرفع الباري مقامه

الهادي گال حسين مني وآنه منه ابنص كلامه

والي الذي والاه -- وعادي الذي عاداه

وحبله تمسك بيه -- ابها الخدمه وتجازيه

--

اتمسك ابها الخدمه جاهد يالمحب واعلن ولائك

وافتخر عالدنيه كلها ابخدمتك طرّز لوائك

ابذل اشما غالي عندك ياحسين ايظل ندائك

وأسخي بالمال وبنين وفدوه لو تبذل دمائك

لاتبخل المجهود -- جود ابخدمتك جود

شتضحي متوفيه -- ابها الخدمه وتجازيه

--

ياشرف هذا التحمله يالمحب خدمة أمامك

لو ردت باچر محمد بالحشر يكرم مقامك

اتوشح اوشاح الخدامه ابصدرك وعلگ وسامك

عابس وجون وبرير اوياهم اعلن عن غرامك

ابساحة ولاء حسين -- وي صحبته الطيبين

ابدم منحرك افديه -- ابهل الخدمه وتجازيه

--

عالعهد يبقه عهدنه انجدده وبالدم نوقعه

ونهتف ابصوت الولاء وللسمه السابع نرفعه

ياحسين ياحسين وخلي كل لايم يسمعه

احنه عدنه حسين ثوره حسين عبره حسين دمعه

لمن يجي عاشور -- دمنه يظل ايفور

وكل شيعته اتواسيه -- ابهل الخدمه وتجازيه

--

نبقه اصحاب المبادئ عدنه نخوه وعدنه غيره

واليحب حسين لابد عايش حسين ابضميره

هوه علمنه الصمود ابوجه الاحقاد الشريره

ابدربه قدمنه ضحايا سرنه كلنه بهل المسيره

قدمنه دم انحور -- ومشينه درب النور

ايفوز الذي اتواليه -- بهل الخدمه وتجازيه

--

يالخدمت حسين افرح هالخبر واثق اخبرك

وانته متفاني ابخدمتك وانگظه بهل الخدمه عمرك

لو متت لتظن تعوفك فاطمه الزهره تحظرك

وهيه بعيون الشفاعه بت محمد من تنظرك

والزهره ماتنساك -- بالوحشه هيه اوياك

وكل خادم اترضيه -- ابهل الخدمه وتجازيه

-----


(23)
اليوم السابع
المستهل


--


عباس عباس -- زينب نادتك


عباس عباس -- هزها رايتك


ترضه يمنعوني -- امن الماي يعيوني


--


اخت حگها اعله الاخو من نادته


نظرت اطفال او حريم ابعازته


زينب الها الساعه هيه رادته


الكل طفل هوه اليبرد مهجته


وياك وياك -- جودك ياگمر


وياك وياك -- أخذه للنهر


وسفه يحرموني -- امن الماي يعيوني


--


گوم ياعباس خويه اشتنتظر


أدري بالشده أبد ماتعتذر


مثل حيدر كون عالشاطي تكر


عالعدو بركان خويه وانفجر


سياف سياف -- ادري بالحرب


سياف سياف -- تجلي للكرب


احتار رادوني -- امن الماي يعيوني


---


انته رفعة راس وكت الموزمه


وآنه بيك أتباها خويه امعلمه


اليوم ياعباس يوم الغانمه


للنهر لزمته گوم المجرمه


للجيش للجيش -- خويه حيّره


ادريك ادريك -- سبع الگنطره


اطفال بچوني -- امن الماي يعيوني


--


نزل سبع الگنطره ابراية بدر


وگامت الفرسان من يمه تفر


مثل غربان وأجه اعليها الصگر


بس هذاك اليشرد ايظل له عمر


شوباش شوباش -- طش روس الزلم


شوباش شوباش -- يحصدها ويلم


عنك يسئلوني -- امن الماي يعيوني


--


ظلت اعله البعد عيني اتناطره


ايعود سالم لاخته سبع الگنطره


اچبود من الظمه اعليه متحيره


ياطفل للظمه ايحمله انصبّره


اطفال اطفال -- ظلت تنتظر


ايجيبلهم الماي -- عباس البدر


ياعمه نادوني -- امن الماي يعيوين


--


ظلت الاطفال تتنطر يعود


وجمر تتلاهب امن اظماها الچبود


مادروا گطعوا اچفوفه امن الزنود


وعالنهر مهشوم راسه بالعمود


من طاح من طاح -- يم المشرعه


چفين چفين -- منه امگطعه


ابعباس فجعوني -- امن الماي يعيوني


--


--


شعجب عباس راح وبعد مايه


صحت ارجع وعوف النهر مايه


لوّن لختك يصح أولاد مايه


يفدوك وترد سالم اليه


--
(24)
سهم العين -- والچفين -- خويه گطعن اضنوني

--


ناده حسين ياعباس -- فگدك يصعب اعليه

دربي اشلون اشوفه اشلون -- ونته الناظري ضيه

ظهري مو كسرته ليش -- وماظل كل أمل ليّه

من شفت العلم عالگاع -- بكتره أچفوف راعيه

گوم اوياي -- رد اعداي -- عگبك وحدي شافوني

--

وحدي من بعد عينك -- وهذا اليوم للخوّه

للكلفه الاخو ينراد -- اي ولله الاخو تچوه

لوشاف الاخو مظيوم -- ابشده طايح وبلوه

مثل مهوه النجم خويه -- لخيّه ابشدته يهوه

وأنه بحيره -- يبو الغيره -- ياهو اليحرس اضعوني

--

أدري أمن الاسد حيدر -- شبل والجابتك لبوه

ماينراد احشم بيك -- ماينراد الك نخوه

وحدي شلون ترضاها -- واعرفك صاحب امروه

عفتني ورحت ياعباس -- بيمن بعد اتگوّه

يليث الغاب -- چبدي ذاب -- من الماي حرموني

--

يعباس الاخو مريود -- صعبه اعله الاخو فگده

ومثلي يبن ابويه ايصير -- اتعيفه ابشدته وحده

وغيرك تدري ياعباس -- أخوك حسين ماعنده

العسكر يطلب بدمي -- وماغيرك كفو ايرده

شر هالناس -- ياعباس -- ماظنهم يرحموني

--

زينب يم اخهوها حسين -- وگفت حايره اتنظره

لا أخوه بعد وانصار -- لامن ناصر اينصره

راد حسين ابو فاضل -- ابهاي النايبه ايحظره

لايمه علي الاكبر -- ضحه الاكبر بعمره

بچت عينه -- عله اسكينه -- ابعمچ گلها فجعوني

--

گالتله يبويه وين - عمي مارجع لينه

واعدني اجيب الماي -- واروي چبدچ اسكينه

شنهو العطله ومارد -- سبع الگنطره وينه

عساني لاطلبنه الماي -- وتظل نار الظمه بينه

هم ايعود -- راعي الجود -- عمي اتشاهده اعيوني

--
(25)
يبني يبني -- مني عباس الوصيه

يبني يبني -- كل احزام لأخيه

ضحي دمك -- جازي امك

--

عباس أمك وصتك -- حفظ الوصيه واجب

ربتك يبني وجاهدت -- وأمك بحقها اتطالب

وانته يبن موت الزلم -- سيفين أبوك الضارب

عينين لحسين اخوتك -- اتصيرون ونته الحاجب

يبني يبني -- اعضيدك بروحك تظمه

يبني يبني -- عالعهد للزهره امه

شده عزمك -- جازي أمك

--

عد عينچ آنه واخوتي -- يم البنين اتشوفين

ابريحانة الهادي الي -- يايمه جاي اتوصين

فدوه العمر شنهو العمر -- سالم يظل بس حسين

مايدنه شر يمه أبد -- واحنه أخوته موجودين

يبني يبني -- ادري اولادي نشامه

يبني بني -- جاهدو دون الامامه

خلي همك -- جازي امك

--

والنعم منك والنعم -- عباس شبل الامجاد

من حيدره عندك عزم -- للشدد عزمك ينراد

الها اليوم امك ربتك -- من هالربه ردت امراد

احزام لأخيّك ياگمر -- عن عيني لو صرتو ابعاد

يبنتي يبني -- للشدد آنه ذخرتك

يبني يبني -- اتخلد الهل الخوّه ردتك

خلي اشمك -- جازي أمك

--

بشري ييمه بالعزم -- يوم الحرب عندي عيد

مثل النجم اهوي اله -- لحسين لو مني ايريد

بركان ازلزها الارض -- لعضيدي لو تنمد ايد

الكل عين اصيرن حيدره -- ايشوفون ابويه امن اجديد

يبني يبني -- والنعم تسلملي عينك

يبني يبني -- ياگمر يزهي جبينك

بعيني رسمك -- جازي امك

--

ودعها عباس ومشه -- بالرادته وفاها

تتعثر الخيل ابزلم -- ابطف كربله خلاها

هيه ولوا ماشافته -- لاچن يگر عيناها

ام البنين الطاهره -- رد الها حق ارباها

يبني بني -- تمتلك ماي الشريعه

يبني يبني -- تروي الحسين ورضيعه

روحي يمك -- جازي امك

--

أم البنين ام الوفه -- اليوم الشدد ظمتهم

ابطف كربله ابدور وزهت -- اشبول اربعه ابهيبتهم

وللزهره وياها عهد -- اولادها نذرتهم

والحيدر اتوافي الوعد -- بس بعد ماشافتهم

يبني يبني -- روحي لهفانه تريدك

يبني يبني -- يالتضحي بدم وريدك

فدوه لسمك -- جازي امك

</b></i>

(26)
گعده

--



--


المستهل

--

عباس عباس -- أرجع خويه عباس

ابجمر العطش خلينه -- سالم بس ترد لينه

--

عين من الخيم تربي بيها حرّ العطش أثر

وعين ماتصبر تشاهد صاحب الرايه تاخر

وعين مدمعها ابغزاره وگلب من خوفه تمرمر

ياعين تصبر ياگلب -- وكل العيون اعله الدرب

يالحظه لخيامه يطب -- وتفرح ابجيّته الخدر

بالنار بالنار -- چبود أموجره بالنار

خلها تشتعل بينه -- سالم بس ترد لينه

---

گبل مابالجود يمشي مرّت الحسبات بيّه

أشلون لومايرد تالي للخيم ما اله جيّه

أشلون ظلن بانتظاره سكنه وتحاچي رقيه

وحده أويه وحده اتباصرت -- لو عمي جيته اتاخرت

والخيل لينه لوسرت -- من يرد گوم آل اميه

ردناك ردناك -- عمي هيبه ردناك

لاتهظمها لسكينه -- سالم بس ترد لينه

--

تمر لحظات العصيبه اعيال مايحرسها والي

وآنه ما بالدنيه واحد جسر ويشاهد خيالي

أدري مايرضه أخويه يظل صيوان اخته خالي

لامن اخو لامن ولد -- الزينب يحاميها بعد

عافوها ابطال الشدد -- بالحزن تسهر ليالي

أقدار أقدار -- مارحمتنه الاقدار

أشگد حشمنه ونخينه -- سالم بس ترد لينه

--

رحت من عالتل أشاهد شفت الحسين اعله وضعه

نايم وذباحه يمه رايد الراسه يگطعه

وسلبه أمن اهدومه شفته وگطع من چفه اصبعه


من عيني چن راح النظر -- وجهت صوتي للنهر

متگوم ياخويه الگمر -- چفك الزندك ترجعه

لن صوت لن صوت -- من الشمر لن صوت

أخوچ أگطعنه چفينه -- سالم بس ترد لينه

--

بعد وين انروح والمن ياشباب ابساحة الدم

اهناك جاسم يم الاكبر اهدعش من العمر ماتم

اهناك عبد الله ابوريده نبله من عدها ميسلم

كل جثه مرميه ابكتر -- عالنهر غيبولي البدر

اتعثرت بذيال الصبر -- من عليّه الحزن خيم

ننخاك ننخاك -- يابا الفضل ننخاك

ماتسمع بواچينه -- سالم بس ترد لينه

--

فرّت اطفال او تريدك ياگمر هاشم ابحرگه

بيهم اليوگع ابظيمه وتجي الخياله تسحگه

وبيهم اعله النهر دورغير چفينك ميلگه

للجود رادوه ياگمر -- بيه ماي بلچي أمن النهر

عطاشه وتصد ليك النظر -- وكل طفل عبره تخنگه

اطفال اطفال -- عمي اتصيح الاطفال

غير اچفوف ملگينه -- سالم بس ترد لينه

--

طحنه بيد المارحمنه اعلينه فزعوا فرد فزعه

ابسوط من يضرب امتوني أشهگ او غصبا اجرعه

شافوا الوليان كلها أمذبحه وعالارض صرعه

ياهو اليردلي هيبتي

راحت اوياكم يخوتي

من بعد خدري وعزتي

حرمه وبولية عدوي وبطرف كل عين دمعه
(27)
المستهل

-- عباس أخوك حسين -- لدموعه يجري

من طحت صاح بصوت -- أنكسر ظهري

عالچفين -- ياخويه -- هل العين -- ياخويه

--

يعباس الحمل لومال -- غير اهله منو ايشيله

آنه عالعهد من جيت -- ظعني انته تباريله

مهيوبه چنت بحماك -- ماشفت الحزن ليله

ولاترضه الدمع عباس -- من عين أختك اتسيله

لاتضل نايم گوم -- وحده عضيدك

ابعازتك ظل حسين -- خويه ويريدك

گول اشبيك -- ياخويه -- ويناديك -- ياخويه

--

يعباس وأخوك اعزيز -- ونته اتعاضدت وياه

حسين ابحيرته هاليوم -- اشلون اعضيدك وتنساه

انكسر ظهره عليك وطاح -- خويه وشكبر بلواه

وحده ابساعة الشده -- حاير من تجي تلگاه

لحگ لخوك حسين -- لايظل حاير

تدري بيه ياعباس -- هالعدو جاير

هم يرضيك -- ياخويه -- ويناديك -- ياخويه

---

يعباس انته من امشيت -- چان الماي كل همك

خويه وعسكر ابن ازياد -- وذاك الجمع ماهمك

مثل صولة علي الكرار -- وجعفر مثّلت عمك

ادري بيك ابو الغيره -- وراضعتك وفه أمك

بسيفك تطشر الگوم -- خويه وتلمها

عنك تميل الخيل -- شردت زلمها

متجاريك -- ياخويه -- ويناديك -- ياخويه

--

يعباس الحرم وجله -- ومنك تنتظر جيّه

من باب الخيم نظرن -- اعيون وظلت اربيه

وسكنه اباب خيمتها -- وگفت هيه ورقيه

وآنه من اعاينهن -- تشب نار الحزن بيّه

كل ساعه يمي اطفال -- تنشدني عنك

ترويها رادت ماي -- ياخويه منك

وين الگيك -- ياخويه -- ويناديك -- ياخويه

--

يعباس الرباب اتلوج -- عبد الله يريد الماي

لأن جف الصدر منها -- ظلت لافكر لاراي

أسمعها تناغيله -- تگله اشرب دمع عيناي

يبني هاك اخذها الروح -- عساني ودعت دنياي

اعصر اعيوني وشوف -- لادمع بيها

يبني شجنيت اتموت -- ظامي بديها

وتناجيك -- ياخويه -- -- ويناديك -- ياخويه

--

يعباس ابحياة امك -- گوم ورجع اچفوفك

عين اختك يبو فاضل -- متعلمه على شوفك

عفتني ورحت ياعباس -- آنه شلون ماعوفك

اظل اتنطر بكل ليل -- عليّه اتعاود اطيوفك

يبن ابويه بياحال -- بالطف عفتني

من الوطن وياك -- انته الجبتني

مابچيك -- ياخويه -- ويناديك ياخويه

--

(28)
سهم عينه يصوبه وگطع بيّه -- وهوه السور يحمي الفاطميه

--

لخويه حسين ابو فاضل يساره

يمنته شلون گطعوها ويساره

بخواته مادره راحن يساره

وعافن للجثث فوگ الوطيه

سهم عينه يصوبه وگطع بيّه -- وهوه السور يحمي الفطميه

--

يعباس انته واليها يسده

يسبع الگنطره خويه يسدها

الحزن بابه بعد ياهو يسدها

عگب عينك تظل ناري سريه

سهم عينه يصوبه وگطع بيّه -- وهوه السور يحمي الفاطميه

--

يخي عباس مهرك هذا غيره

تجيب الماي ماكو أمل غيره

ادري بغيرتك مامثل غيره

شهم انته او وفي ونفسك ابيه

سهم عينه يصوبه وگطع بيّه -- وهوه السور يحمي الفاطميه

--

أچبود امن الظمه اتوج نار عبره

الجمر ماينطفي من تهل عبره

جيش العلنهر عباس عبره

وهاك الجود اخذه من أديه

سهم عينه يصوبه وگطع بيّه وهوه السور يحمي الفاطميه

--

شعجب عن النهر هالعدو مالاذ

ومنهم للشهد هالريج مالاذ

ابغيرك كل طفل عباس ما لاذ

لاذوا بيك يبو چفوف السخيه

سهم عينه يصوبه وگطع بيه -- وهوه السور يحمي الفاطميه

--

الدنيه واسعه وعامر بحرها

أچبود اتلوج عطشانه بحرها

الشريعه من گمر هاشم بحرها

گامت ترتعش من عنده هيه

سهم عينه يصوبه وگطع بيه -- وهوه السور يحمي الفاطميه

--

عشت عمر بحزن مامّر ولا ايسار

وجدمي اتعثر ابظيمي ولا ايسار

يمنته شلون من طاحت ولا ايسار

وگع وبصدره يتلگه المنيه

سهم عينه يصوبه وگطع بيه -- وهوه السور يحمي الفاطميه

--

(29)


المستهل

--

ابعطش ترضه امروتك -- زينب اختك نادتك

گوم من العطش خويه تروي العيال

--

گوم ياتربات حيدر والنعم -- گوم يبن ام البنين اعله الزلم

گوم سيفك خل يطشرها ويلم -- وللنهر توصل يبو فاضل حتم

خلها تدوي رايتك -- زينب اختك نادتك

--

هاي رايه المثل بيها ينضرب -- وعالنهر فرسان گطعت هالدرب

ونته ياعباس سياف الحرب -- گوم خويه يبن چشاف الكرب

مثل حيدر صولتك -- زينب اختك نادتك

--

نزل شتت هالعساكر صارمه -- من نهار الدنيه صارت مظلمه

لن رچاب الخيل غاصت بالدمه -- گمر هاشم هذا سبع الغانمه

مامثلها غيرتك -- زينب أختك نادتك

--

نسر والغربان من يمه تفر -- وجنح جبرائيل راية هالبدر

والكتايب صابها ابخوف وذعر -- حارت الفرسان چن يوم الحشر

من ابويه هيبتك -- زينب اختك نادتك

--

عجزت الفرسان لا مامنعته -- وصل للماي وركزها الرايته

مله جوده وشال ماي ابيمنته -- لن سمع صوت العطاشه نادته

جيب ماي العيلتك -- زينب اختك نادتك

--

صعد بالماي وتوجه للخيم -- وتنتظر سالم يرد ليها الحرم

لنه وسط العين ينصاب ابسهم -- وراسه بالعامود عباس انهشم

ليها ترجع رادتك -- زينب اختك نادتك



 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:22 PM   #6
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



اليوم الثامن

30
المستهل

--

جسام المن عفتني -- جسام من ودعتني



--


شجاني مارحت وياك ومشيت -- وطاوعني الگلب لمن أودعك


جمرة نار وسط حشاء وجيت -- ومن ايدي يجاسم ليش اضيعك


جسام أبچي شفتني -- جسام من ودعتني


--


مو حسره ابدليلي يبني خليت -- صوتي ماوصل يوليدي سمعك


گوم وشوفني ابياحال ظليت -- وأجري الحالتي جسام دمعك


جسام مو روعتني -- جسام من ودعتني


--


يوحيّد ييمه الك ونيت -- حين اللي شفت جسام وضعك


مادام الفرح يوليدي وبچيت -- دعيت الله الي سالم يرجعك


حسرات يبني چوتني -- جسام من ودعتني


--


شمعه انته وعمد جسام للبيت -- يالغالي الوفه يوليدي طبعك


ريت الموت اجاني ومتت ياريت -- ولا گبلي الدهر يبني يصرعك


بيدك يبني جبتني -- جسام من ودعتني


--


آنه أمك يجاسم لمك انسيت -- تنساني وحناني اللي يرضعك


هزيت اشكثر وشكثر لوليت -- حسبالي تزفك يبني ربعك


دنياك بالهم رمتني -- جسام من ودعتني


--


صوتي بح عليك اشكثر ناديت -- هاي الحنه يبني وهذا شمعك


يبني الحنتك بچفوفي حنيت -- شو حالي يجاسم مايصدعك


جسام چن دولبتني -- جسام من ودعتني

31
تجليبه

--


--

--

يحسين أبن أخوك القاسم اتودعه -- يادمعه التطفي الجمره يادمعه

--

يادمعه التهل وتطفي نار البيك -- يحسين الحسن خلاه امانه ليك

وصه القاسم أبدم منحره ايجازيك -- صاحب غيره جسام او وفي طبعه

--

وفي طبع الشهم لو شالته النخوه -- يحسين والك شبل الحسن سلوه

اتشوفه أشلون لو من المهر يهوه -- وصوت النايحه بخيامك اتسمعه

--

هذا أبن الحسن يحسين باريته -- بوجودك عزيز وانته ربيته

أوليدي مثل الاكبر لوّن ناديته -- اشلون اتفارگه وفراگه شيجرعه

--

لفراگه تجرعه وشكبر صبرك -- يحسين او يفجعك تدري بيه دهرك

رايد يفدي عمره جاسم العمرك -- يحسين ولبسهن لامته ودرعه

--

لابس لامته والسيف بيمينه -- ومن غرّة جبينك نور بجبينه

يحسين الشجاعه امكحله عينه -- او متهمه الجيوش الحربه مجتمعه

--

الميدان الشهاده هالشبل من راح -- كلها أمشرعات اسيوفهم ورماح

آنه أبن الحسن جسام بيهم صاح -- لا چنها المنايا تطفي هالشمعه

--

--

ذخر للشيب كلمن راد يبني

وزماني للحزن والنوح يبني

طفوها الشمعتك جسام يبني

وبعد ماشوف دربي اشلون بيه

--

32


المستهل

----

باريتك -- باريتك -- آيبني شگد باريتك

عني غفل يبني اتروح -- عريس ولمك مذبوح

آيبني شگد باريتك

-------

خل يبقه بجروحي الالم -- وخلي الدمع بيه ايخون

كون ابقه بثياب الحزن -- فگدك يجاسم ميهون

وانصب مآتم للعزه -- ولمك الناس ايعزون

اوحيّد وعن عيني غبت -- بحال امك اوليدي شلون

حاچيني -- حاچيني -- صبري انهدم حاچيني

والگلب مليان اجروح -- عريس ولمك مذبوح

-----------

يوليدي بالمصرع شفت -- هالشمعه وتبچيني

انظرها چنها اتكلمت -- اسمع الي اتحاچيني

يم جاسم اتگلي بعد -- صرتي بحزن طفيني

ساعتها گلب أمك وگع -- ماشوف بعد بعيني

يالغالي -- يالغالي -- دمع وألم يالغالي

ماينشف دمعي المسفوح -- عريس ولمك مذبوح

------

يبن الحسن ردتك ذخر -- يبني ترد تعب ارباي

مارحم دهري ولانصف -- گاصي الدهر يبني اوياي

امك تظل بس بالحزن -- ولافكري يبقه ولاراي

هم يرجع اوليدي الوكت -- تفرح بشوفك عيناي

ماشوفك -- ماشوفك -- صعبه بعد ماشوفك

يالماخذ اوياك الروح -- عريس ولمك مذبوح

----------

يوليدي ياتعب العمر -- ياسلوة امك جسام

باريتك ابروح الصبر -- اسهر واعد الايام

امدلل وحظن امك مهد -- ابحظني رغد يبني اتنام

چنت احلم بعرسك واظن -- يبني تدوم الاحلام

مادامت -- مادامت -- يافرحتي المادامت

بالحزن امك والنوح -- عريس ولمك مذبوح

------

وين الذي فگدت ظنه -- وين الذي عدها امصاب

خل تجي اتشاركني الحزن -- ونبچي دمه عالغياب

آني افگدت بالطف بدر -- آني افگدت اروع شاب

ماشفته من يمي مشه -- ولارجع عن عيني غاب

ودعني -- ودعني -- مارّد بعد ودعني

بالطف اظلن ماروح -- عريس ولمك مذبوح

--------


32

أنهدم يبن الحسن داري عليه -- على امصابك ردت يبني المنيه


--


العدو ابذبح الهواشم شرع وآمر


أشد امن المنيه السبي وآمر


اريد المصرع العريس وآمر


بلچي أنشوفله أمن الشمس فيّه


أنهدم يبن الحسن داري عليه -- عله امصابك ردت يبني المنيه


--


الگلب من ينكسر مايصح يبره


وصواب الكلف مابعد يبره


نظر عيني يجاسم الك يبره


ردت سالم يغالي اتعود اليه


انهدم يبن الحسن داري عليه -- على امصابك ردت يبني المنيه


--


الك درّ الدمع للغير مادار


ابحال أمه المكدره اظن مادار


يجاسم ريت هذا الفلك لادار


ولا هذا النهار انشوف ضيه


انهدم يبن الحسن داري عليه -- على امصابك ردت يبني المنيه


--


بدلال اربيت بتعابي وداري


سنين اشكثر اباريلك وداري


العمد انته وضوه عيني وداري


عساني لاشفتها الغاضريه


انهدم يبن الحسن داري عليه -- على امصابك ردت يبني المينه


--


ابوك الحسن يفرح بيك ودّه


وجرح گلبي يجاسم شوف ودّه


وين اتريد أخذه العمر ودّه


ولاچتالك اللي حده بيه


انهدم يبن الحسن داري عليه -- على امصابك ردت يبني المنيه


--


يجسام اسمع اونيني ولي عود


ودمك خضب أچفوفك وليعود


ذخر ردتك لمن تكبر ولي عود


ترد اتعابي من تكبر اليّه


--


يجاسم من رحت ماگلت مترد


وبالمصرع ذبيح شلون مترد


تعيش أمك عگب عبناك مترد


تريد الموت يوحّيد الّيّه
--

هذا البيت مشاركة الشاعرالاخ مازن الشطري وبطلب منه

يبني احلفلك ابربنه واقاسم

حبك شاطر اگليبي وقاسم

اليعرس حنته اخضابه وقاسم

تخضب بالدمه ابيوم المنيه

----


33

گعده طريقة -- أنه ام البنين ودهري ذبني


--


--




المستهل


--


ياهو الفگدت أوحيد تجيني -- اتشاركني ابدمع عيني أو ونيني


أصفگ راح بالراح -- جاسم من فگدته


--


وين يا أم عدها واحد راح من يمها وفجعها


او نصبت ابداره المناحه وينزف اعله الخد دمعها


خل تجي اتسولفلي همها هم طوت مثلي ضلعها


هم مثلي محنية ضلع -- هم جمر من تبچي الدمع


مو آنه طفولي شمع -- مصيبتي محّد جرعتها


جاسم من أبوه عندي أمانه -- لابي يرحم او بيّه زمانه


تعبي وعمري چن راح -- جاسم من فگته


--


هذا يوم الام تريده بالأبن مهجتها تفرح


تبتهج كل الجوارح بالأماني الفكر يسرح


رمله ما حسّبت لمن فاگده أوحيدها تصبح


مايرحم اصواب الدهر -- ضيّعت اتعاب السهر


ابجسام يفجعها القدر -- والقدر شفراته تذبح


ذباحك عسن گبلك ذبحني -- ولا فرگاك ياجاسم جرحني


لاطّر يوم مصباح -- جاسم من فگدته


--


گبل ميودعني گلي رايد العمي انصره


هوه رباني ابحنانه كون اطش عمري اعله عمره


ولازم أوفيله وأضحي هالنحر من گبل نحره


أفديله روحي ومهجتي -- لو طفوّا حتى شمعتي


ومن دمي تصبح حنتي -- وجسمي سيافه تطبره


ياشمس النصر حني أديه -- عرس الطف كفاح ونصر ليّه


هالنهضه للاصلاح -- جاسم من فگته


--


اهدعش كوكب عدد عمره سنين جاسم هاشميه


اتربه بحظان الامامه النصر يوم الغاضريه


عرسه للثوار فرحه وفوز لنفوس الابيه


جسام قدوه الكل فته -- الاحرار كلها عرفته


ماراد ذله ابدنيته -- راد نصره بهل القضيه


ساحات الشرف والعز تريده -- وبدم النصر حناها ايده


وليل الظلم ينزاح -- جاسم من فگدته


--


هاي فتيان الكرامه الأصبحت للحق طلاسم


حلمه من الحسن عوده وصبر عمه عنده جاسم


والشجاعه حيدريه وبالحرايب وجهه باسم


ابساحة الحريه ظفر -- وبدمه كل طاغي اندحر


جسام خلّد هالاثر -- بأنتصاره الچان حاسم


كل حرّ وشهم هذا اختياره -- لابد يحسم ابدمه انتصاره


وهلال النصر لاح -- جاسم من فگدته


--


هاي هيه الدنيه بيها لوفرح لوحزن قاسي


والذي تفگد ضناها اتبچي لجبال الرواسي


وآنه فگد اوليدي مني شيب اعله اوليدي راسي


ظليت بجروح الحزن-- لا أهدأ ولا أستچن


كون أجرح ابدمعي الجفن -- وياهي لأام جاسم تواسي


واسوني أفگدت زينة الشبان -- واسوني ابدمع عيني والاحزان


شيطيّب هالجراح -- جاسم من فگدته


--


انطفت شمعة بيتي اظلم صار بعيوني نهاري


والعمد طاح أو تهدم بالمصيبه اعليّه داري


بيش أسكن دمع عيني بيش أطفي ابگلبي ناري


راح العزيز او مارجع


من صدري چن گلبي وگع


ونّ البروحي ماهجع


راح من ايد أمه جاسم بعد ماتنفع مناحه

34

گومو زفافه يخوتي أويانه ناخذ شمعته -- اليله شبل الحسن قاسم كلنه نحظر زفته

يعريس -- يجسام


--


اليله عريس الهواشم زفته ابطف كربله


أهناك ملتمه عمامه وكل أخوته وكل هله


اويانه ناخذ شمعه تضوي وناخذ الحنه اله


ويه عمه حسين نوگف حتى تكمل فرحته

يعريس -- يجسام


---


يلله يحباب ابو اليمه اهناك رمله تنتظر


اتريد زفه المامثلها اتريد بيكم تفتخر


تريد تضوي اشموع ابنها بكربله عدها نذر


اتشوفه للقاسم تهنه هالنذر من نذرته

يعريس -- يجسام


--


عادت العريس تحظر ربعه وبعرسه تجد


هذا بيده ابخور يعلك واليرش ماي الورد


وهذا شمعه ايشيل تضوي بيها جاسم ينسعد


يفرح امن ايشوف ربعه حضروا وكل صحبته

يعريس -- يجسام


--


گومو عمه حسين هوه اليله متكفل الفرح


وصدر ابو فاضل الهيبه بعرس جسام انشرح


وحتى الاكبر يمه واگف گمر واحدهم صبح


وزينب اتحيي الهواشم حقها تفرح عمته

يعريس -- يجسام


--


يلله امشونه يخوتي نحظر بعرسه ونشوف


كل بني هاشم اليله امحزمّه برض الطفوف


حسين من ايحني جاسم اوياه انحنيها الچفوف


انصافحه انهنيه انبوسه يخوتي من غرته

يعريس -- يجسام


--


هذا شبل الحسن رايد يخوتي اليله الوفه


وأحنه أحباب ابو اليمه كون بينه انعرّفه


هذا نور الدنيه يطفي نوره لوباچر طفه


ويبچي عمه حسين من دم عله القاسم دمعته

يعريس -- يجسام




 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:27 PM   #7
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



35
اليوم التاسع

المستهل


--


خذت عمري خذت عمري -- يالاكبر مو خذت عمري


تظل عين أمك اربيه -- هم ترجع بعد ليّه


---


ياروح اليظل بيها النفس ياروح -- أم اتشوف ابنها امن النحر مذبوح


أشلون أسكن بعد من ونتي والنوح -- لخلي أعليك جفني امن الدمع مجروح


يمهجتها يمهجتها -- عزيز أمك يمهجتها


جفني دم جره ميّه -- هم ترجع بعد ليّه


--


غدت روحي عليك أترفرف وحنّت -- من جسمي أجت للمصرع اتعنت


يبن حسين اظن تسمعها من ونت -- الموت الموت أمك گبلك اتمنت


يلحدوني يلحدوني -- عسن گبلك يلحدوني


ولا روحي تظل بيّه -- هم ترجع بعد ليّه


--


تمنيت المنيه ولاعشت يومي -- ولاسدوه عليك البسهن أهدومي


هاي امك يالاكبر يمك أتحومي -- على امتون التشيلك بيدها تومي


على متني على متني -- اشكثر شلتك على متني


واهزك يبني بيديه -- هم ترجع بعد ليّه


--


سنين ارباك بيهن جاهدت يبني -- وسهر ليلي وتعب چبدي يشيبني


حاربني زماني ليش حاربني -- اخطفك مني ابمناحه والحزن ذبني


أخذ مني أخذ مني -- تعب عمري أخذ مني


وطفه الناظري ضيّه -- هم ترجع بعد ليّه


--


طفه ناظري وماوچد ابعيني -- وين الگه الصبر عالصبر دليني


العمرك لو يصح أشريه بسنين -- ولا عدوانك الذبحك تراويني


يصبرني يصبرني -- بعد ياهو يصبرني


وأشوفك جثه مرميه -- هم ترجع بعد ليّه


--


جثه الخيمتك ردك ابوك حسين -- وعليك اتبللت شيباته من العين


عزيز انته يالاكبر چنت اله ارياحين -- لبوك امنين اجته هالمصيبه امنين


حنه ضلعه حنه ضلعه -- على امصابك حنه ضلعه


الوّنه ابروحه مخفيه -- هم ترجع بعد ليّه


--

--

ابوذيه

---

--

مثل جده علي الاكبر من هاد

وگلب ليله ونينه اعليه من هاد

رجع لحسين من العطش من هاد

يگله العطش چن أثر عليه

--

--

صبح حنظل على امصابك شهدها

يالاكبر والدك جثتك شهدها

تعال امك عله القبله شهدها

على فگدك تنازع بالمنيه


-----

36



وين اتريد يالاكبر اريد أوياك -- سالم بس تظل فدوه التعب برباك

--

أمك وتعبت برباك من ربيت -- وصرت انته ضوه يبني وعمود البيت

وهاكبرك ينبعه من صرت سريت -- تمشي شلون لا يالاكبر اترجاك

--

أترجاك يبني أگعد أگبالي -- يازهرة حياتي ونبعة آمالي

يوليدي يالأكبر ارحم بحالي -- تعمه اعيوني يوليدي عگب عيناك

--

بيّه اشلون يالاكبر دحاجيني -- عني اتغيب لا لتغيب تاذيني

يبني مهجتي انته وضوه عيني -- من ايدي اضيعك يبني وين الگاك

--

وين الگاك يبني لو رحت يبني -- عزيز وفرگتك يبني تشيبني

جاوبني يالأكبر يلله جاوبي -- عمري والعمر ماينفع ابلياك

--

ابلياك العمر وحشه لياليه -- لو شمسك بعد ماتطلع اعليه

اوليدي والأمل گلت أگعد ابفيه -- كل يوم اندعيلك يالولد يرعاك

--

يرعاك الالاه الصورك ادعي -- لو مهموم اشوفك ينطوي ضلعي

ماترضه يالاكبر من يهل دمعي -- الموت الموت أهون يبني لافرگاك

--

لا فرگاك أحمل يبني شيحمله -- ماشوفك ييمه أعليه مو سهله

ليّه اتعود سالم اظل متأمله -- تنساني ييمه لاتظن انساك

--

هم انسه اليالي البيها باريتك -- يانور اليشع لمن تطب بيتك

هاي اسنين تكبر يبني تانيتك -- تحرمني يالاكبر ياسبب دنياك

--

37
--

گعده

--

المستهل

--

يازينب الاكبر وين -- راح وبعد مارجع

ودعته ظامي وعطشان -- لمن نزل للميدان

راح وبعد مارجع

--

صار مصباح النزال او ودع حسين الحبيبه

وصار بس الموت يمشي ويعثر بارض المصيبه

ياشباب اليوم رايد يختم ابدمه مغيبه

اول فتى الساحه نزل -- والموت من يمه جفل

هذا ابن خير العمل -- للنصر رايد يجيبه

ألأكبر شبيه المختار -- شمرة علي شمرته

سمعوه يرتل القرآن -- لمن نزل للميدان

راح وبعد مارجع

--

گبل ميودع حسين الاكبر العماته ودّع

وصوت مكسور وحزين ابخيمة أمه منها يسمع

يبني ياول شباب الرايح ابهمّته المصرع

ياعلي الاكبر انتظر -- ميدان حربك هالخطر

خليني أشمك واصطبر -- وروح سالم يبني ترجع

حظنت الاكبر بالروح -- وبمنحره قبلته

ودعته الزين الشبان -- لمن نزل للميدان

راح وبعد مارجع

--

مشه الساحات الكرامه ابصارمه تحدي المنيه

آنه الاكبر صاح بيهم جدي حماي الحميه

وينكم هل من مبارز دمه أشربه للوطيه

شبل الحسين آنه هتف -- تعرفني ساحات الشرف

من عنده كل فارس رجف -- وخذل كل عسكر أميه

يبذل الدينه العمر -- ويه الابو ابنهظته

امنور بنور الايمان -- لمن نزل للميدان

راح وبعد مارجع

---

ساعه لن يرجع الاكبر يلتهب بيه عطش چبده

راد من حسين رويه بلچي ماي ايشوف عنده

حسين من العطش ظامي بيش چبد أبنه يبرده

لاماي ظل بمخيمه -- واطفال كلها بالظمه

صبّره حسين وكلمه -- وخله خد أبنه اعله خده

جدك محمد يرويك -- يوليدي من الظمه

رد للمنيه عطشان -- لمن نزل للميدان

راح وبعد مارجع

--

رجع للميدان ظامي تلتهب جمرة دليله

وراح للخيمه الحسين اوگال ياليله اندعيله

رفعت ايديها يربي گلبي برّد له غليله

سالم الاكبره عوّده -- وتحرسه من كيد العده

وتحفض الاهي والده -- وهم البروحي تزيله

يالرجعتله اليعگوب -- يوسف بعد غيبته

لأبني ترد يارحمن -- لمن نزل للميدان

راح وبعد مارجع

--

ظلت أمن الخيم تربي عين الحسين اعله دربه

ابو يتنطر اوليده عالابو هالحاله صعبه

بلچي الاكبر يرذ سالم للحسين ايسر له گلبه

مارجع طاح ابحومته

اسيوف الاعادي اتولته

اعيون الحسين الشافته

راح الاكبر يبو اليمه گبل دمك ضحه دمه

38


للميدان ايطب بعزمه

الأكبر راوه الموت الخصمه

طش العسكر سيفه ولمه

أعليهم كرّة حيدر من كرّ

صاحوا حيدر حيدر حيدر

--

كرّة حيدر من كرّ بيهم

بالسيف أمن أيميل اعليهم

تتراجف منّه ايخليهم

صاح آنه ابن حسين وكبّر

صاحوا -- حيدر -- حيدر -- حيدر

تتعثر عدوانه أگباله

وفرت كل ذيچ الخياله

وعيون حسين التبراله

وأمه أمن الخيمه تتفكر

صاحوا -- حيدر -- حيدر -- حيدر

--

تتفكر أمه وتدعيله

ابلا معصب بالخيمه وشيله

وحسين اينادي ياليله

چبدي اعله الاكبر يتفطر

صاحوا -- حيدر -- حيدر -- حيدر

--

يتفطر چبدي اعله اوليد

من ايديچ راح ومن ايدي

ياليله لونينچ زييدي

بالميدان ابدمه اتعفر

صاحوا -- حيدر -- حيدر -- حيدر






 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:32 PM   #8
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



39

اليوم العاشر


امساهره اعيون الرباب امساهره -- ايلوج عبد الله وعليه متحيره

--

امساهره اعيون الرباب اعله المهد -- طفل ظامي اشتنتظر منه بعد

اتفارگه باچر لون حان الوعد -- لوتشوفه ابنبله گطعوا منحره

--

ليل موحش والرباب اشتنتظر -- اشلون ليل الفرگه لو طرله فجر

اتخاف عنها ايغيب عبد الله البدر -- وبالمهد مذبوح من تتصوره

--

جف صدرها بعد بيش اترضعه -- اتحظنه ساعه ابمهده ساعه اترجعه

وگامت امن اليل هيه اتودعه -- اتلولي وتهز المهد وتناطره

--

اشلون أم اتشوف ابنها ابها الوضع -- وگام ببهام المنايا يرتضع

هاك اخذ نادته يوليدي الدمع -- وطفي جمرات الظمه المتوجره

--

هاك ماي اعيوني واروي چبدتك -- بلچي من اظماك تبرد مهجتك

ميته ريت ولا أشوفن حالتك -- ولادمع حزني عليك اتفجره

--

آه يبني المارحم حاله القدر -- ولارحمني بيك يوليدي الدهر

تعبي راح او راحت ايام السهر -- وبعد گلبي لو رحت شيصبره

--

40


المستهل


--


لحسين خلي انودعه -- طول يليل الفاجعه


باچر ميادين ودمه -- ينذبح ضنوة فاطمه


--


من جفن سهران ليله دمعة أموادع يصبها


من چبد ظامي ورهبته زينب أو ونة گلبها


اتشاهد أخوتها المسيه وباچر ابساحة حربها


بس جثث برض المصارع المن اتوجه عتبها


الاكبر تشوفه منصرع -- الجسام يطفون الشمع


وغيمة احزان امخيمه -- ينذبح ضنوة فاطمه


--


أتوادعت كل الحراير ويه ولياها المسيه


بدمع العيون اليهامل تنتظر فجر الرزيه


هاي التودع ابنها والجفن دم يجري ميّه


وهاي التصبر اخوها وللصبر متحمله هيه


بعمارهم ليله بقت -- ويه اخوها اتوادعت


ومن تجزي ليله المظلمه -- ينذبح ضنوة فاطمه


--


چم گلب هاليله دامي وكل مرضعه جف لبنها


وحده يم مهد الرضيع اتهزه وتنوح اعله ابنها


ساعه من مهده تشيله اتناغي وتوسده بحظنها


روحك اتگله اشكبرها يبني وشتحمل محنها


تبچي وتنوح اعله الطفل -- يبني الظمه ماينحمل


ماينطفي جمر الظمه -- ينذبح ضنوة فاطمه


--


زينب بخيمة صبرها حسّبت بعيال اخوها


رادت اخوتها النشامه اتسولف اوياهم يجوها


حتى من ليل المخاطر للعقيله ايطمنوها


لحظه لن عباس اجاها سولفت ويه ابن أبوها


هاليله تحمي العايله -- وباچر اطفال اموجله


بقسوة الناس المجرمه -- ينذبح ضنوة فاطمه


--


گلها يازينب تطمني من يجي او يوصل خيمكم


ياهو يتجاسر يزينب وآنه أخوچ الهيبه يمكم


باچر اتشوف النواظر يالعقيله كون اسركم


أحصد بسيفي الرگاب شحده لو ناظر نظركم


تتعثر الخيل ابزلم -- بسيفي اطشرها والم


ونتي يزينب عالمه -- ينذبح ضنوة فاطمه


--


راحت ابلهفة گلبها يم الحسين او تنشده


خويه هم عندك وصيه وهذا ليل الوحشه بعده


گلها يازينب أخوچ الينگطع بالرميه چبده


باچر وسلاب يسلب ثوبي يازينب يجرده


وبساعة اللي انصرع -- هالخيل تكسر كل ضلع


وجسمي گبل متهشمه -- ينذبح ضنوة فاطمه


--


--


عمت عيني اعله راس منشال


بطرف الرمح ريته انعاب منشال


وعسى ايمين الگطع خنصره منشال


ويشل كلمن رمه سهم المنيه

41


يشيعه لوشربتو الماي أذكروني -- انه ابليه ذنب عطشان ذبحوني


--


يشيعه حسين آنه والنبي جدي -- يشيعه وآنه جبرائيل هز مهدي


صوبوني بسهم بيه ينگطع چبدي -- طلبت الماي ضامي اعداي خلوني


--
خلوني بعطش والدم بده يجري -- من سهم المثلث طلع من ظهري


وآنه أعله المهر لن طحت من مهري -- بسيوف ورماح العده اتولوني


--


أتولوني ولني بالحجر مرمي -- طاح ابجبهتي واعله الوجه دمي


اتمنيت ابو فاضل كون لو يمي -- يمسحلي الدمه اللي جره اعله اعيوني


--


عله اعيوني الدمه بيهن بعد ماشوف -- ناس ابحجر ناس ارماح ناس اسيوف


ولا واحد الخاطر جدي رد معروف -- وريحانة الهادي الي ايعرفوني


--


يعرفوني آنه ابن النبي المختار -- والتموا عليه امنين ما اندار


أخوتي أمذبّحه ومذبحه الانصار -- وآنه أنزف دمه اعله الترب شافوني


--


شافوني بعد لا أمل ظل بيه -- وچتالي اعله صدري يصعد اعليّه


وحز راسي ويگطعه وجثتي مرميه -- ابحر الشمس ذاك الظهر عافوني


--


عافوني جسد والنزف من نحري -- عله التربان ياشيعه بقه يجري


وعشر اخيول أجتي وكسرت صدري -- ابحوافر خيلهم وبقسوه سحگوني


--


42
هاك اشرب يعبد الله دمع عيني

شح الماي يبني بينك وبيني


------

شح الماي اجيب الماي گلي امنين

يبني ومابقه غير الدمع بالعين

ريت البين يعبد لله خذاني البين

بيدي اتموت هالدنيه تراويني

-----

تراويني الدنيه اتنازع بهل الحال

يازهرة حياتي ونبعة الامال

جمر اظماك يحرگ يبني بالدلال

يچويني احس اظماك يچويني

-----

يچويني وأعاين حالك برهبه

وعينك بس على امك يالولد تربه

راح عصر اعيوني المايهن شربه

وأخذ شريان گلبي اللي يغذيني

-----

يغذيني القهر يبني وأنين الروح

وأهز مهدك ييمه بالالم والنوح

مو هينه يعبد الله امن اديه اتروح

بثياب الحزن يبني تخليني

-----

تخليني ابحزني وحسرتي وروعي

ويظلن كل وكت دم تهمل ادموعي

تسع تشهر مهد صارتلك اضلوعي

ييمه ومن اناغيلك تسليني

-----

تسليني چنت سلوه يبعد امك

يشمامه وچنت كل لحظه اشتمك

ليل انهار اناطر گاعده يمك

أعاين وجهك الهمي ينسيني

-----
تنسيني اهمومي من اعاين ليك

اعيوني افراش الك وجفونها اتغطيك

لو من الهوه يبني اخاف اعليك

والياذيك احس يوليدي ياذيني

-------

شلون اليوم عني تبتعد عني

وليش ام المنايا اخذتك مني

يعبد الله برحيلك ينگطع ظني

وايامي بعد مدري اشتراويني

------

43
المستهل


--


ماگلت رايح وين -- آه ياخويه


فراگك صعب يحسين -- آه ياخويه


اخت او لخوها اتريد -- بعد البچي شيفيد


--


خويه ودعتك عساني وعت جثتي ابلحدها


هيه زيب بعد غيرك والي ماظل بعد عدها


سالم اتريدك وضحت الك يحسين ابولدها


انته رفعت راس الها ونته خيمتها وعمدها


يحسين اخذني اوياك -- آه ياخويه


اشلون اصبر ابلياك -- آه ياخويه


شوفتك عندي عيد -- بعد البجي شيفيد


--


هاك اخذ يحسين عمري ويظل سالم خويه عمرك


اتشوف اخوتك كلها صرعه عفيه خويه اشكبره صبرك


ردت واحد من يعينك ردت ناصر من ينصرك


وآنه بالخيمه يخويه أمن البعد حاير انظرك


كل أخوتك عافوك -- آه ياخويه


ابوسط العدو خلوك -- آه ياخويه


من شفتك انته اوحيد -- بعد البچي شيفيد


--


خويه بعيونك تشاهد ذبحوا الشبان كلها


وبچت عينك عله الاكبر دمعتك لجله تهلها


وصّبرت رمله اعله ابنها صبري يارمله تگلها


أوحيد وراح امن اديها لا امل ظل بعد الها


علگت شمع وبخور -- آه ياخويه


يم جثة ابنها اتدور -- آه ياخويه


ابدمه تحني الايد -- بعد البچي شيفيد


--


والاشد واصعب اعاين دمعتك يحسين تجري


من سمعتك صحت خويه انكسر ياعباس ظهري


وآنه مذهوله عليكم وانهدم ساعتها صبري


أختك وعندك عزيزه ابعزتي يحسين تدري


للمشرعه امن امشيت -- آه ياخويه


يمه الچفوف الگيت -- آه ياخويه


همك عليك ايزيد -- بعد البچي شيفيد


--


خويه واليرتضع طفلك سهم بيه گطعوا وريده


ذبح نحره ودمه ينزف طلع امن اگماطه ايده


رحت ترويه رجع ميت هالطفل لمّه تعيده


ونظرت لعبد الله امه امطوگه هالنبله جيده


بس الجسد لاروح -- آه ياخويه


بالنبله رد مذبوح -- آه ياخويه


مذبوح من الجيد -- بعد البچي شيفيد


--


ونته بالميدان خويه بالحجر صوبوا جبهتك


وبالسهم رمايه يگطع من رمه خويه چبدتك


والشمر نحرك يحزّه أمن الگفه يذبح رگبتك


بعد بيها اشظل يخويه زينب ابياحاله أختك


ماظل بعد وليان -- آه ياخويه


هذا الامل ماچن آه ياخويه


ماسلم الها اوليد -- بعد البجي شيفيد

44

--


المستهل
--


منو يرويك منو يرويك -- يعبد الله منو يرويك


أمك هم چبد ضامي -- وعسكر طوگ اخيامي


--


يعبد الله العطش ماينحمل طبعه


ولاصدري بعد بيه لبن وترضعه


بيش ارويك يبني گلبي لتگطعه


بجفن أمك تراهي يابسه الدمعه


ألأمر ل لله ألامر ل لله -- يوليدي الامر ل لله


يشاهدني ابجفن دامي -- وعسكر طوگ اخيامي


--


يربي يالاه الناس شوف الحال


ضامي يحتظن ضامي وصريخ أطفال


وظلت كل مرضعه اتعيش هالاهوال


چتال العطش لليرتضع چتال


وين الماي وين الماي -- كلها اتصيح وين الماي


وذاك النهر جدامي -- وعسكر طوگ اخيامي


--


أخاف أمن الرمات اعليك يوليدي


واخاف اتروح يروح الروح من ايدي


ياشمعة اعيوني ويافرح عيدي


سالم جيدك ايظل هاك أخذ جيدي


حزن گلبي حزن گلبي -- على گلبك حزن گلبي


وسوده صارت أيامي -- وعسكر طوگ اخيامي


--


اهزم مهدك يضامي من أخذني البين


ولا لمّك يعبد الله شبحت العين


جف صدري وحليب امنين اجيب امنين


من الموت اظمك وين يبني وين


أنه بحيره أنه بحيره -- على حالك أنه بحيره


أمشي ويعثر اجدامي -- وعسكر طوگ اخيامي


--


ماعدهم رحم عاليرضع ابمهده -- ولا واحد الخوف امن الله هم عنده


ولاگالوا طفل والمصطفى جده -- وهاي الخيل لزمت للنهر حدّه


آنه أشبيدي آنه أشبيدي -- تظل ظامي آنه أشبيدي


أخاف ايصوبك الرامي -- وعسكر طوگ أخيامي


--


صدگ صار الأخاف اللي چنت منه


وأبني بماي يروه أگطع الظنه


سهام النايبات أوليدي رضعنه


الموت الموت يبني الموت اتمنه


شلي بعمري شلي بعمري -- بعد عمرك شلي ابعمري


يروحي بهل اللّحد نامي -- وعسكر طوگ اخيامي







</b></i>



 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:35 PM   #9
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



اليوم الحادي عشر
ليلة الوحشة

45




المستهل


--


مذبوح يم مذبوح -- يابويه وين انروح


ليل أهدعش خيم -- بس الجثث والدم


--


ياعلي خلصت زلمنه ضامي ذبحوه ويه ضامي


وآنه لاخيمه العليّه للستر حرگوا خيامي


صوتي بح أمن المصيبه والجفن يابويه دامي


چم طفل خيل وتسحگه ابلا رحم وبلا محامي


يابويه گوم وشوف -- موت وظمه وبخوف


ماظل لنا أمخيم -- بس الجثث والدم


--


انفض اترابك يحيدر الكربله أتگوم وتجينه


وحدي مابين المصايب ردتّك الحالي تعينه


هذا مجرم بويه شفته وراس الحسين ابيمينه


وهذا واحد گلي طفّوا بالسهم عباس عينه


ردتك تجي وياي -- وتردها خيل اعداي


ابخيله العدو اتقدم -- بس الجثث والدم


--


بويه والذبحوا أخوتي للخيم بالنار أجونه


فرهدوا أول خيمنه ابلا رحم ويسلبونه


وآنه بس أدفع وأشاگف بالسياط ايضربونه


بويه شتموني أمن أگلهم حيدر الكرار أبونه


بس أنخه بويه بيك -- ولا أگدر اوصل ليك


صار النهار اظلم -- بس الجثث والدم


--


هوه لو عباس أخويه ياعلي حي باقي يمنه


من گدر يوصل يحيدر يجسر او يحرگ خيمنه


گطعت أچفوفه المنيه الچانت اچفوفه التلمنه


ياعلي او عينه رماها الرامي وبسهمه هظمنه


ابصرخة گلب عطشان -- ردنه گمر عدنان


ابحال الحرم يهتم -- بس الجثث والدم


--


ياعلي ايتامي كلها اتطشرت ياهو اليلمها


بويه هاي اهناك طفله بحافر الخياله دمها


بويه هاي اهناه رضيعه نايمه يم جثة امها


بويه واطفالك يحدير عين للجود وعلمها


كلها عطاشه وعين -- اتصد بويه للچفين


رادت يجيها العم -- بس الجثث والدم


--


بويه والحرگوا خيمنه وذبحوا القاسم والاكبر


همه سلاّبه اجونه والحرم تلگاها بالبر


جيب ماي وخيمه النه من تجي يمنه يحيدر


ترضه أدري لا مترضه بين أجانب تبقه خدّر


شگ الضريح وگوم -- وخلصنه من هالگوم


ليش ابمناحه وهم -- بس الجثث والدم


--


--


ابوذيه


--


أبونه علي وغيره الشمس من راد


ظلم هذا الظلم يحسين من راد


احسان أمن النبي ياناس من راد


يگوم ويدفن ابن امي الزجيه


--


فضلنه ملك للعالم وساده


أعله ابو اليمه أشجره وسفه وساده


ثلث تيام ما واحد وساده


جسم لا راس مرمي اعله الوطيه


--



46

المستهل

--

حيدر -- حيدر -- حيدر -- حيدر

--

ياهو أيلم يابويه اطفالك

لاخيمه الظلت لعيالك

يابويه هم چان أبالك

صدر حسين بخيل اتكسر

حيدر -- حيدر -- حيدر -- حيدر

---

بالميدان حسين أبدمه

وعبد الله الذبحوه هم يمه

يابويه وحرگوا لخيّمه

بين النار وخيل أتعثر

حيدر -- حيدر -- حيدر -- حيدر

--

بالمصرع چم جثه العدنه

والخيل اللي وصلت حدنه

أنهض يابويه وساعدنه

وخلصنه من گوم اهل الشر

حيدر -- حيدر -- حيدر -- حيدر

--

لاحامي العدنه ويحمينه

ماظلت عين اتبارينه

لارايه اترف بويه اعلينه

عباس اعله الشاطي اتگنطر

حيدر -- حيدر -- حيدر -- حيدر

--

لا جسام ولا ولياني

والاكبر راح وخلاني

ماتنهض بويه شمتاني

للطف اگصد لاتتعذر

حيدر -- حيدر -- حيدر -- حيدر

--

ياحامي الجار انهض لينه

أشلون بهل المحنه اتخلينه

ماظل غيرك ياوالينه

ابشدتنه بها الساعه ويحظر

حيدر -- حيدر -- حيدر -- حيدر

--


47


المستهل

--

علي علي علي -- ذبحوا اهالينه

علي علي علي -- بالغربه ظلينه

وليه انولينه -- بويه انسبينه

بالغربه ظلينه

---

ياعلي انخاك ياعقد الوله -- ليله وحشه ابخوف كل العايله

والاطفال ابرهبه بويه اموجله -- گوم يابا الحسن گوم الكربله

علي علي علي -- لاولي ظل عدنه

علي علي علي -- بس حرم وحدنه

جاروا علينه -- بويه انسبينته

بالغربه ظلينه

--

انفض اتراب الگبر يابو الشدد -- اشتنتظر يابويه متگلي بعد

لا أخو وأنخاه لاظل لي ولد -- بويه ذبحوا حتى طفل البلمهد

علي علي علي مو ضربوا أمتوني

علي علي علي -- يابويه شتموني

لوتدري بينه -- بويه انسبينه

بالغربه ظلينه

--

بويه بيّه اجروح ياجرح الاروف -- بس جثث بالمصرع اعيوني تشوف

وهاي جثة حسين گطعتها السيوف -- صفه هذا الحال بينه بالطفوف

علي علي علي -- تسمع بواچينه

علي علي علي -- لو صرخة سكينه

ويمته تجينه -- بويه انسبينه

بالغربه ظلينه

--

امراجف امن الخوف ياخير العمل -- تجي هذا الصوت لو يمك وصل

تعتذر لا بويه ماظل كل امل -- حزمة أخوه راحوا ومحد يظل

علي علي علي -- عافوني خواني

علي علي علي -- وفگدت شباني

ونصفگ بدينه -- بويه انسبينه

بالغربه ظلينه

--

نصفگ الراحات من غاب الگمر -- سهم صابه وطفه من عينه النظر

والعمد بالراس والراس انشطر -- لو تجي اتشوفه يبويه اعله النهر

علي علي علي -- شتشوف چفينه

علي علي علي -- لو سهم البعينه

لحگ ولينه -- بويه انسبينه

بالغربه ظلينه

--

48



--


المستهل


--


ليله -- ليلة أوداع أويه الاهل ليله


أخت وتودع اخوتها -- ماتنوصف حالتها


--


ليله ماشافت مثلها زينب او مرّت عليها


جفن سهران ودمعها هيّج الاحزان بيها


اتشاهد أخوتها أو تفكر صبح باچر من يجيها


كل أخو هيبه اتشاهده -- يحرسها من كيد العده


لوحان باچر موعده -- مايظل كل أخو ليها


باچر -- من يظل الها امن الاهل باچر


والتنفگد هيبتها -- ماتنوصف حالتها


---


عين زينب يم خيمها وعين لبدور الهواشم


أتدور من خيمه اعله خيمه أتفگدت حال الفواطم


لاطفل بالخيمه شافت امن الظمه ابحظن أمه نايم


كل ام ولدها اتودعه -- لا لبن عدها اترضعه


وهاليل ليل الفاجعه -- كل طفل باچر ميسلم


حيره -- المن تصبّر ياگلب حيره


كل مرضعه الشافتها -- مانوصف حالتها


--


اخت يم الاخو اتودعه او كل خليل احتظن خلّه


هذا اليصبّر بأخته وأخته هم اصبر تگله


شلون واحنه ازغار باچر لو فگد كل واحد أهله


لو كل اهلنه اتذبحت -- والخيل لينه لو أجت


بيّه وبيك وسحگت -- وفرهدوا للخدر كله


عمنه -- من يگطع أچفوفه القدر عمنه


تروح الحرم عزتها -- ماتنوصف حالتها


--


هالخيم بيها عطاشا وخوف والرهبه خذتهم


وحزمة الأخوه النشامه اعيونهم تربي لختهم


همه بس هاليله عرفوا زينب أمأمنه اببختهم


ايشوفوها متحيره بأمر -- ومتحزمه ابطود الصبر


لو باچر وطرله فجر -- وخيل ظلام الولتهم


المن -- باچر تحشم يا أخو المن


واعله النهر رايتها -- ماتنوصف حالتها


--


اليله هيه ابصبر اخوها زينب اتعاضد صبرها


مابقه بس يوم واحد تنظر حسين ابعمرها


والظهر باچر يخطفه الموت متشوفه بنظره


اسيوف وتشوف اتولته -- ويگطع امثلث مهجته


وخياله تسحگ جثته -- چم مصيبه التنتظرها


يغمض -- ياجفن زينب مابعد يغمض


ويه القدر سهرتها -- ماتنوصف حالتها


--


حسين وصاها يزينب باچر اتشوفين دمي


وينذبح عبد الله ضامي وجثته اتشوفيها يمي


انتي لعيالي كفيله وبالحرم يختي توزمي


وعباس اخوج اعله النهر -- چفين متظل ونظر


ويداهم اعيالي الخطر -- وبالصبر لعيالي لمي


عينچ -- من تصد يختي الجثتي عينچ


خياله لوسحگتها -- ماتنوصف حالتها


--


ودعت عباس زينب وأجت ودعت علي الاكبر


وباست القاسم ابعينه وتخفي دمعتها متگدر


وسكتت عبد الله يبچي أمن الظمه حاله تغير


ماعادت أمه اترضعه


گامت ابمهده اتودعه


باجر تحل الفاجعه


لاطفل لاخيمه تسلم من تجي اشرار اميه


--





 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-12-09, 01:40 PM   #10
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 09-10-14 (03:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: وللحمامي عبرات في عاشوراء((قصائد جديدة))



49
قصائد دفن الاجساد


ياهو الدفن جسم حسين عندي امناشده وياه

صدگ من المرض نحلان عيلل ومبتلي ابلواه

صدگ من رايد ايدفنه حسين امن النحر حاچاه

على صدري الطفل خليه ابدمه وعالصدر خلاه

وفوگ الطفل حط ايدي تشوفه فاطمه وتنعاه

هم دور اصبعه وشاف من چفه انگطع يلگاه

وضلعه المنفصل منه شاله وچم ضلع ينساه

غسل جسم ابو اليمه يولا غسله بدماه

ولمن نزله ابلحده اظن بلا چفن واراه

جاب الراس وين الراس للكوفه العدو وداه

چاعالترب نحره ايصير الف وسفه والف ويلاه

------

50

ياعلي السجاد عمه وتبچي زينب نادته -- أشلون لبن أمي دفنته امگطعه چانت جثته


--


زينب بلوعة حزنها الونّه منها تنسمع -- أشلون ياعمه دفنته اتنشده وتهل الدمع


آنه أدري ابصدر اخويه الخيل ماخلت ضلع -- أجت عشر أخيول شفته ابمصرعه من سحگته


يامظلوم -- يمظلوم -- يمظلوم


--


أدفنت أبوك شلون عمه او راس ماكو بالجسد -- والشمر راسه يگطعه من على صدره صعد


وشال چفه او گطع خنصر سلّب أهدومه بعد -- وعالرمح راسه يرفعه ودمّه خضب شيبته


يامظلوم -- ايمظلوم -- يامظلوم


--


عمّه لميت الضلوع المنّه كلها أمكسره -- وعالتراب ابدال خده وسدتله منحره


آنه بعيوني شفتها الجثه كلها امطبره -- أشكثر بيها اسهام جثته بچت عين الشافته


يامظلوم -- ايمظلوم -- ايمظلوم


--


عمّه يالسجاد أخوك اليرتضع وين أندفن -- عمّه بهدومه دفنته عمّه لفيته ابچفن


والسهم منّه شلعته لو بقه ابنحره اظن -- أحنه من امشينه عنه ابنحره ظلت نبلته


يامظلوم -- ايمظلوم -- يامظلوم


--


عن ابو فاضل انشدك بينه من راح وگطع -- السهم ظل ابعينه نابت للسهم محّد شلع


أدفنت چفه اوياه يعمه أمن الزند چفه انگطع -- ومن اجيت الجود وينه وما جبتها الرايته


يمظلوم -- يمظلوم -- يمظلوم


--


او جاسم ادفنته يعّمه اوياك ماجبت الدرع -- اعمامته ظلت وثوبه للعرس ظل والشمع


ردنه نتهنه ابزفافه والزفاف اصبح دمع -- اهدعش عام العمر هوه او طفوا عمره وشمعته


يمظلوم -- يمظلوم -- يمظلوم


--


الاكبر اويامن دفنته ويه الحسين ابگبر -- عمّه لو وحده اخوك ابلحد وشعندك صبر


ضاعت آمالي يعمه وضاعت اسنين العمر -- مابقه العمتك بنين او لاشباب او لافته


--



51


-- البحر الطويل

--

-

يدفان اللحد وسعه -- وبعد اتوسعه البابه

على مهلك اخويه حسين -- بعده ينزف اصوابه

--

يدفان ادفن ابن امي -- بهيده اتنزله ابلحده

شوفه بس جسد عاري -- اخويه وراس ماعنده

وماتنعد جروحه البيه -- چم اصواب اللنعده

رماي النبل صابه -- ويگطع بالسهم چبده

يمه امذبحه الشبان -- كلها امذبحه ولده

وراسه اعله الرمح مرفوع -- وشيبه بالدمه اخضابه

---

يدفان العزيز ايكون -- العشيره هيه التشيعه

وكل اهله وعمامه اوياه -- وأخوته وصحبته وربعه

ليش ابن امي عالتربان -- ظل ابجثته المگطعه

ليش او لابواچي اعليه -- ولا واحد ذرف دمعه

هذا ابن النبي المختار -- وامه فاطمه البضعه

اخويه الچانت الوادم -- كلها أتقبل اعتابه

--

يدفان وعليك الله -- بدفنه أترفگ بحاله

لتگول الجسد دامي -- وكلها امگطعه أوصاله

لتگول ابحوافرها --سحگت صدره خياله

آنه شفته لبن أمي -- وآنه واگفه أگباله

الخيل الخيل آه الخيل -- هيه الغيبت اهلاله

وعالتل اصعدت ناديت -- حاه يحسين ومصابه

--

يدفان واسولفلك -- عن اللي كفل خدري

اخويه حسين صاح بصوت -- يعباس انكسر ظهري

ظل وحده معين ايريد -- وآنه امحيره بأمري

ناس ارماح ناس اسيوف -- ودمه امن الطعن يجري

وطاح ابمصرعه المظلوم -- عساني لاعشت عمري

ادري راح اخويه حسين -- عني ايطول اغيابه

--

يدفان الطفل وياه -- عبد الله انگطع نحره

مشينه لليسر عفناه -- يم حسين وبكتره

ويه حسين ادفنه ايكون -- وتوسده على صدره

اهناك محسن ايشوفه -- اخويه اهناك ينتظره

بدمه ايروح يالدفان -- تشوفه فاطمه الزهره

عله حاله تنظره امي -- دمه بعده بثيابه


--

52

حوار بين الراس والجسد الشريفين للامام الحسين عليه السلام

اسئل لله لكم ولنا شفاعته ان شاء لله


----

---

--

راس حسين ينعه الجسم بدموعه -- وجسمه ونتّه امن النحر مسموعه

----

بده الراس ايتكلم والدموع ادموم -- ياجسمي افصلونه شالسبب هالگوم

عنك عالرمح وجهي ابضرب موسوم -- وسموني ابعصيهم حيل وبلوعه

---

يجسمي ابجبهتي بالحجر ضربوني -- ابشده والدمه ينزف على اعيوني

آنه اعله الرمح والعده اتولوني -- عسى ايمين الرمتني ابحجر مگطوعه

----

يرد الجسم حسره اتفسر الصخره -- ودمعاته يهلها من دمه نحره

يراسي اتعيفني مطروح عالغبره -- دربي اشلون اوچده وطافيه اشموعه

----

يراسي الشمر فوگ الصدر گام ايحز -- واعظامي المكسره امن الضلوع اتفز

چي لني طعين ابچبدتي وعاجز -- چبدتي بالمثلث نصها منزوعه

----

يراسي اشذنب اصبعي انگطع بالحربه -- وخيل الكسّرت صدري شنو ذنبه

يراسي والگلب مايحمل اتعتبه -- شرايينه متحمل قسوة اللوعه

-----

ظل الجسم من نحره يون وبچاه -- من دم الوريد الدمع ليه ابداه

يوميله اعله ظهره ايگله أي مناه -- يراسي النبله بين الخرز موضوعه

---

ردله الراس من ابرمح شالوني -- يالموذر عليك امشوبحه اعيوني

بچيت وحسبت ماظن يردوني -- يمك والسهام البيك مزروعه

----

ماظن نجتمع يالجسم الله اوياك -- ماشي ابعيد عنك شايليني اعداك

منهو اللي يردنه أو وين چا الگاك -- ياجسمي البصدره امكسره اضلوعه

----

سيد عدنان الحمامي








 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع



Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
support : Tasaaheel.com


HêĽм √ 3.1 BY: ! ωαнαм ! © 2010

جميع الحقوق محفوظة لـ المنتدى الرسمي للرادود الحسيني الحاج ملا جليل الكربلائي
|

تصميم خادم أهل البيت شبكة التصاميم الشيعية