facebook twitter youtube instagram
العودة   المنتدى الرسمي للرادود الحسيني الحاج ملا جليل الكربلائي > ~*¤ô§ô¤*~ || المنابر الأدبية و العلمية || ~*¤ô§ô¤*~ > منبر أشعار أهل البيت عليهم السلام > منبر أشعار خاصة بأحزان آل بيت محمد ص

منبر أشعار خاصة بأحزان آل بيت محمد ص يختص بالشعر الحسيني فقط

إضافة رد
 
أدوات الموضوع انواع عرض الموضوع
قديم 17-11-08, 02:35 PM   #1
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 24-08-14 (04:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
 اوسمتي
المراقب المميز المشرف المميز المسابقه المهدويه العضو المميز 
لوني المفضل : Darkgreen
Lightbulb عبرات السيد الحمامي - قصائد الخمسه الاولى من محرم



الحمد لله رب العالمين والصلاة والسلام على اشرف المرسلين سيدنا محمد وعلى آله الكرام وصحبه المنتجبين

السلام عليكم ورحمة الله وبركاته

اقترب شهر محرم الحرام
وابتدأت الاقلام الولائية
تنثر لمساتها الرائعة
وتواسي آل محمد صلوات الله عليهم اجمعين

وأحد هذه الاقلام الذهبية
شاعر اهل البيت السيد عدنان الحمامي

كلنا يعرف السيد عدنان الحمامي ومسيرته في خدمة اهل البيت عليهم السلام

وهذه مجموعة من قصائده الولائية الخاصة بشهر محرم الحرام

اللهم تقبل منه ومن كل خدام الحسين عليه السلام
هذا القليل


عبرات الحمامي - قصائد الخمسه الاولى من محرم
جدول عشرة محرم
ــــــــــــــــــــــ
اليوم الاول-المسير(خروج الحسين عليه السلام)

اليوم الثاني-للعليلة((ع))

اليوم الثالث-لِخَدَمة الحسين عليه السلام

اليوم الرابع-ام البنين((ع))

اليوم الخامس-مسلم ابن عقيل((ع))
****************************************

اليوم الاول
*******
هلالية
___

المستهل
-----

هلال الحزن لو هليت -- نايحه تخلي ابكل بيت
دم انحور-- ياعاشور
-------
هلال المآسي والحزن -- جم نايبه اتراويني

تذكرني بنحور اخوتي-- تنزف اشوف ابعيني

ماسلم بيك اليرتضع -- يهلال لتبجيني

ابجيت شكثر من الألم -- ياصورةالي اتنسيني

ياصورة ظلت بالعين --انكِطعن لخويه الجفين

وخوف اوجور --- ياعاشور

____________


يهلال ريتك لاتهل-- لاتطلع اولا شفناك


يعصرنه يهلال الهضم -- من يمر بينا طرواك

اعيون اليتامه اتهل دمع -- يهلال لا ماتنساك

واطفال اخوتي اتسحـكـَـت-- بالطف تشاهد عيناك

عبد الله لمن ذبحوه -- من دم وريده ايشربوه

مومعذور--- يا عاشور

_______

اتذكرنه يهلال الصّور-- ضيعت كل الاحلام

تذكار ظل ثوب العرس -- عدنه اويه شمعة جسام
رمله اعله ابنها ما غمض -- لحظة جفنهااولانام

يهلال ظلت تنتحب -- حرموهامنه الظَلّام

ام او ضناها مذبوح -- بالحزن ظلت والنوح

اتوج ابخور -- ياعاشور
______

يهلال والاصعب واشد -- اعلينه فكَدنه الوليان

الاكبر شبيه المصطفى -- خده انوضع عالتربان

وحسين اخويه ابمصرعه -- وعالنهر هيبة عدنان
ومابين خيل اللي اجت -- نراكض امن النيران

يهلال شتشوف العين -- ابلاراس عالغبره حسين

ابصدره اكسور --- ياعاشور

_________
خل يكبر ابروحي الحزن --- وخلي الصبر بيه ايخون
يهلال علمني الصبر -- كَلي الصبر شكله اشلون

كل اخوتي خلصوا جتل -- وفكَد الأخو لاميهون

لنصب مآتم للحزن -- والله لبجييه للكون

مايرجع المني راح -- روس اخوتي فوكَ ارماح

اكَبالي اتدور--- يااااعاشور
********
******
***
(في خروج ظعن الحسين (ع)من المدينه)
--------------------------------------
-----
---
المستهل
-----

طلعت امن الوطن يحسين --- وين اتريد بظعونك
ودِّع جدك وامك --- يبني او خل يودعونك
------------------
الزهره من كَبرهااصيح --- وين اتريديبني حسين
موهذا وطن جدك؟--- وبحظنه ربيت اسنين
اديار اهلك عشت بيها --- تظعن بالحرم لاوين؟
او مكه ليش عايفها؟
بجت يبني مشارفها --- ولو نشدت مضايفها
عنك يبواليمه اشلون؟--- وحشه اديارهادونك
--------------------
وحشه اديارها ظلت --- يبني حسين ماتنراد
عازم عالمسير اليوم --- جنكم عني صرتوا ابعاد
هيجت الالم يحسين --- وبضلعي الألم يزداد
يبني وين منواكم؟
وين الصوت ناداكم --- حرم واطفال وياكم
ماشي والطريق ابعيد --- خاف اعداك يولونك
--------------------
خاف اعداك يبني حسين --- كَبل ماتوصل ايغدروك
وانته اطفال هاي وياك --- كلها ابعازتك يردوك
الحراير ياهو يرعاها --- لو كل اخوتك عافوك
يمن عايف وطن جدك؟
باجر لو صرت وحدك --- ولاناصر يظل عندك
ابزينب بعد من يهتم ---وعنهاغمضت اعيونك
---------------------
زينب من عكَب عينك --- ياهو اللي يباريها؟
ولوراح الأخوعباس --- يبني اعداك توليها
عزيزة فاطمه امك --- زينب عينك اعليها
يحسين الأخو هيبه
اتفكَده اكبر مصيبه--- امنين الها اخو اتجيبه؟
اختك تصبح بياحال--- لوشافت يسلبونك

-------
ارجع للوطن يحسين ---وخله سالمه اعيالك
الكوفه وحش منبتها ---ومنها الغدر يدنالك
غدرت كَبل بالكرار --- وبيها اليوم جتالك
الكوفه صدكَ مابيها
الباطل سيطر اعليها --- ماهو ابعيدماضيها
نكثت عهد داحي الباب --- وخلافه يطلبونك
--------------------
---------
----
في حق الحسين (عليه السلام)
**************
******

المستهل
----
عازم يحسين اعله المسره

"""""""""""""""
يالظاعن بأهلك وعيالك
شبّان اوياك واطفالك
عن مكه لو غاب اهلالك
كَلب الكعبه اشراح ايصبره؟
"""""""""
يحسين اوجدّك ودعته
بآلامك والهم احملته
ودمع العين ابحركَه اذرفته
من مرّيت ابكَبر الزهره
""""""""""""
كَبر امك ودعته اشلونك؟
حسين ابدمعات اعيونك
كَلتلها الكوفه يردونك
وبصدرك تتلاهب جمره
""""""""
كَاصد يحسين الياديره؟
وكَلب اختك زينب بالحيره
امصيبتها اتعاينهااجبيره
باجر يادم يجري اتنظره؟
""""""""
صبّرها الزينب صبّرها
ياخوها او طيّب خاطرها
يحسين بهالرحله اخبرها
او كَلهاالدين ايريد النصره
"""""""
يريد النُصره الدين بدمي
وياي انتي يابت امي
وهمِّج يابت حيدر هميِّ
ادري اخلافي ابخدج عبره
"""""""""""
""""""""
""""

اليوم الثاني
"""""""
في حق العليله ((ع))
***********************
عليله اوياكم اخذوني---وراكم يِعمن اعيوني

يهلي اعليه ميهون---عن عيني تغيبون

--------------

بويه حسين تعال اهناه---وسط الدار ظل يمي

اخوتي اوياك هم يرحون---بويه اوياك حته امي

بلجي ايظل علي الاكبر---وابوفاضل يظل عمي

يولا عالسفر ناوين---واحير بعلتي اوهمي

نحيلة مرض تدروني---اشلون الكم تعيفوني

ابظعنكم وين تردون؟---عن عيني تغيبون

-------------

وحدي مااظل بالدار---طفله اشلون اظل وحدي

عليله والألم بيّه---ودمعي يحفر ابخدي

وآنه ابغيركم يحباب---بالدنيه اشيظل عندي

عكَب اعيونكم ياريت---يهلي نايمه ابلحدي

اذاصرتوا ودعوني---تجرح الدمعه بجفوني

بعد شتشوف العيون---عن عيني تغيبون
--------------
بويه حسين حاجيني---عكَبك بيش اتصبّر

عليله والفراكَ النوب---شحمل بعد مااكَدر

بعدني ازغيره عالشوغات---بعدني ازغيره واتمرمر
يبويه اومن اظل بالدار---وحدي الحالتي اتصّور

احمل ظيم تردوني---ابسفركم لا تعذبوني

روحي تصبر اشلون---عن عيني تغيبون؟
----------------
سفرتكم طويله هاي---يولاانتظرجم يوم؟

اتنطر ابّاب الدار---وهذااغيابكم ميدوم

يهلي اوماتظل العين---جفنهاامن الوسن محروم

ودار اللي خلت منكم---يبويه الحزن بيها ايحوم

يهلي انكَطعت اظنوني---بخوتي من يودعوني

اعله اختكم ماتحنون---عن عيني تغيبون

----------------

يدار الخلت من اهلي---ماريدج بعديادار

شنهوا مضيفني اليوم---عندج لوهلي خطاار

ابغفله عنج ايرحلون ---اشعدهم جانت امن اعذار؟
سارواوالمسيرابعيد---ومنهم ماتردني اخبار

عليكم من ينشدوني---اكَول احبابي ينسوني

الوطنكم هم تعودون--- عن عيني تغيبون

-----------------

ظعن اهلي مشه اوظليت---وسط الدار محتاره

عيني عالدرب والباب---بلجي اتدكَها خطاره

بلجن طارش امن اهلي---يجيني اوحامل بشاره

يكَلي ظعن ابوج حسين---سالم عاد لدياره

ولومرّه تفرحوني---كّبل ماميته تلكوني

ومينفع بعد تبجون--- عن عيني غيبون

*******************
********
**
ابوذيات
*****
يادار
**
عليله اشلون اسكن الدمع يادار
مايرحم زماني عكس يادار
اصّبْرالروح بيمن بعد يادار
ومشوا اهلي ويخون الصبربيه

****
**
*
ظلماي

دار الخلت من حسين ظلماي
من عنده حرمني الوكت ظلماي
بجيت اولا بعد بالعين ظلماي
عله اهلي الدارهم ظلت خليه

*************************************

في حق فاطمة الصغرى ((ع)) *العليله*

****
المستهل
---


الوين ابهالظعن ماشين مثواكم----عليله اوما اظن اكَدر بلياكم
-----


عليله اولو مشيتوا من يظل يمي ---خلّيه الداراحيرابدمعتي او همي
يبويه اوياك تمشي لو تظل امي---لوكل اخوتي يرحون وياكم؟

*******
اخذوني يبويه اوياكم اخذوني---عليله والدمع لوالف اعيوني
اعيش شلون بويه شلون تردوني---وكَلبي مابعد بيه حيل فركاكم

*********
حيل امنين الي بضعونكم ماشين---زغيرونه العمر خوتدري خمس سنين
وآنه ابهالزغروحدي اظل يحسين---لابويه اخذني والله يرعاكم

******
ليش ابقه ابحزن بالدارواتنطر---وعيني للدرب يحسين تتفكر
اجيب الصبركَلي امنين واتصّبر---ولابيه ادوّرحتى الكَاكم
********
الكَاكم صدك يولا بعدهيهات---اوأليه مابعديرجع زمان الفات
روحي امنين تحمل هاكثر شوغات---لومن شوفكم تحرمني دنياكم

********
عمري لابعد بويه عشت يومه---ولاعكَبك اظل ابداري مهظومه
مالومه الدمع يحسين مالومه---وحكَي لورحت يابويه انعاكم

******
وين ابهالسفر والسفر جنه ابعيد---وآلامي عليه لو رحلتوا اتزيد
ماريدالعمر من دونكم ماريد---چنه الكربله هالصوت ناداكم
*****
ناداكم الصوت الكربله تمشون--- شصبر امن اودعك والوداع ايهون
اذكروني عليله بويه لاتنسون---اتعودون ابسلامه بويه ارجاكم

*****************************************

للعليله*ع*

وزن ميمر
--------

------

المستهل
-----

راح الضعن بيه اشلون -- وبلعتي اتخلوني

-----

راح الظعن وآنه عليله بياحال؟
بين الألم ومابين دمعي الهمّال

وكَلبي ميحمل هالفراك الجتّال
ويه الأهل راحت جميع الآمال
اعزازوعليه ايغيبون
تنكَطع مني اظنوني

******
وياكم بهذا السفر وياكم
طفله وعليله يصعب ابلياكم

عني مشيتوا بعدوين الكَاكم
تبعدكم عني بياسبب دنياكم
عالصبركَلبي ازغيرون
وين الصبر دلوني

******
دلوني وين الصبر حته اتصّبر
بالدار اظل وحدي اودليلي امحّير

يحسن بويه اعله المحن مااكّدر
شتكول اعيش اخلافكم تتصّور؟
فراكَ الاحبهم ميهون
لوغابوا امن اعيوني

******

تعيفوني ترضه ياهلي امروتكم؟
ويه الحزن تردون اظل غايتكم؟

مسروره عيني جانت ابلمتكم
موعيني تعمه انجان ماشافتكم
يهل الرحم من تمشون
الظعن الحرم ودوني

******
ويه اخوتي ابظعن النشامه الطيبين
وبحظني عبد الله واناغيه كل حين

وبعلي الاكبرتظل مسروره العين
يحسين بويه اوياك اخذني يحسين
ابحالي عليله تدرون
اشلون الكم اتعيفوني

*******
وياكم الله يالمشيتواعني
اتعودون ليه لوكَطعتواظني؟

حيل البكَلبي راح يهلي مني
ابقه ابمراره وشوغتي وابوّني
اعليه بعد متنشدون
لورحتوا لاتنسوني

*******************************

في حق العليله (ع)

----
--

المستهل

----

وياك ابضعنك يالوالي
---

وياكم يابويه اخذوني
طفله اوميصيراتخلوني
شيصبر لورحتوا اعيوني
وابجي اعليكم دمعي الغالي

*****
يابويه حسين ابممشاكم
بس جسمي يظل روحي وياكم
يالغياب اووين الكاكم
مترحمون اشلون ابحالي
********
يالعاقدعزمك والينه
ياهو يحن يابويه اعليه
علّه اوآلامي اتظل بيه
والموت ايظل بس اكَبالي

******
يابويه اشلون انسه احبابي
اتنطرابقه الغيّابي
بويه اعذرني اوياك اعتابي
موحش دارك لو ظل خالي

*******************************

اليوم الثالث
------------

لخدام الحسين((ع))

المستهل

----

دوم اوياه -- ماننساه --- حب حسين بالشريان

------------
حبنه مامثيله حب---واحنه الهالحبيب انذوب

حب حسين بالشريان---يسري ايغذي حبه اكَلوب

حبينه بصدق واخلاص ---حبينه اعز محبوب

ولآخر نفس وياه---بالدم هالعهد مكتوب

يبقه حسين -- وسط العين -- اجمل صورة للأيمان

***********
يحسين الكَلب واحد--- ابداً مايسع لثنين

وانته بالكَلب ساكن ---ابغيرك مارضه يحسين

چيه انته الهوه والماي --- النه وهالضوه للعين

من عندك تعلمنه ---درس التضحيه للدين

ابعزم صبرك -- ابدمه نحرك -- للثائر صرت عنوان

**************
يحسين اليحب يسخي ---ولايبخل يظل ايجود

واححنه لجلك الغالي --- نبذلك اعّز مجهود

بالمال او بنين اودم---اعلينه يشهد المعبود

مآتمنه يبو السجاد ---لمصابك تظل اشهود

يوالينه -- جرح بينه -- اعليك وكل محب حزنان

***********
يحسين بمآتمنه ---نخدم كل وكت كل عام

وجرح امصابك الهاليوم ---ينزف بينه مايلتام

انته منهج الهالدين --- انته كل شرع واحكام

وانته مشعل الايمان ---يبقه ايضوي للأسلام

للمظلوم -- اسمك دوم -- شعاره ايصير عالطغيان

***********
يحسين الدمع من دم ---لومرّ اسمك وطاريك

واحنه ابهالخدمه هاي --- اشنبذل بيمن انجازيك؟

امك فاطمة الزهرة --- وريحانه النبي امسميك

وجبرائيل هزّ مهدك ---يتباها ابخدمته ليك

الك خدام -- وبكل عام -- دمنه انقدمه قربان

**************
نبقه اعله العهد يحسين --- ابخدمتك هالعزم بينه

واحنه امن الزغر خدّام --- على الخدمه تربينه

وبدرب الخدامه هاي ---رغم اخطارها امشينه

قرابين اشكثر لجلك --- اشكثر شبّّان ضحينه

يظل رسمك -- يظل اسمك -- يلهج بيه كل السان

************

في حب الحسين (ع)

----

حسيني امسجله يحسين عنواني ______ مثل عابس غرامي بيك تلكَاني
------

مثل عابس عهدنه انجدده كل حين--- حبيناك لجنها محبة بسوادين

فدوه الروح شنهو الروح ينور العين--- واحدنه ابمحبتك دوم متفاني

ــــــــــــــــــــــــ
متفانين عنك مامنعنه الخوف--- وعيون التضدك يبو اليمه اتشوف

شلون افواج جنه بالضريح انطوف--- رغم الطاغيه الي جان عدواني
ـــــــــــــــــــــــ

رغم الطاغيه واشكَد كَصه بينه--- وحملنه الظيم منه ومن شياطينه

خاب وماكَدريحسين يثنينه--- لإن حبك فرض وينصه قرآني

_______

قرآن االينص حبك فرض عالناس--- واجب طاعتك يحسين والعباس

بس اللي ابصدره يعشعش الخناس--- جنسه موبشرها لجنس شيطاني

ــــــــــــــــــــــــ

شيطاني اليضدك والتجّبروين --- مثل الكَال انته حسين وانه حسين

هم عنده كَبرجاكَبره صايروين --- لوعنده كَبر جا شخص دلاني

ــــــــــــــــــــــــ


هذه عاقبة كلمن تحرش بيك --- وإيده تنكسر يحسين اليلاويك

جم سلطان كَبله جانوا امجربيك --- هلكوا وانّسوا واحد وره الثاني

****************

في حب الحسين(ع)
---
اعگيلي
--


يحسين ابحبك نتفانه

***********

نتفانه ياسور العالي --- اشما انجودبحبك منبالي

كلشي ارخيص اوانته الغالي --- انضحيلك يحسين ادمانه

______

انضحيلك مهما ضحينه --- منوفيلك يابو سكينه
يلمن عزمك عزم البينه --- يمخرس للطاغي السانه

_______

يالصوتك عالظالم دوّه --- واجعلت امن النوم الصحوة

وازرعت ابكل نفس النخوه --- ياطود االشامخ بنيانه

________

يالهدّيت اعروش الظالم --- وبنحرك ظل دينك سالم

يامرجع للأمه اوعالم --- يالصنت الدين او اركانه

______

نوّرت الاحرار ابفكرك --- والاجيال اتظل اتذكرك

تتعلم واتطالع درسك --- ياثائر للحكَ عنوانه

_________

والينه اووالي الكل مسلم --- كلمن بيك اتمسك يسلم

واليجهل ثاراتك يندم --- جاهل مو كامل ايمانه

______

يالنورك ظاهر مايخفه --- والعلّه امن اتراابك تشفه

والبي نار وزارك تطفه --- بترابك الله عافانه

_______

يخسر كلمن جاهل فضلك --- والعادانه ابحبك يهلك

يحسين اوماغيرك مسلك --- الرحمه اوندخل بجنانه

______

بجنان الباري الي يودك --- يحسين او بالنار الضّدك

ذاكرها شجم مره جدك --- مني حسين ومنه آنه

_______

رد كَال الي يحبه يحبني --- والي يبغضه شكَد يبغضني؟

يالأمه اورد كَلهم ابني --- حسين الهاديكم ريحاانه

________

ريحانه بلسان الهادي --- نفسه من نفسي وينادي

كَال العاداه ليه ايعادي --- والباري ايخلده ابنيرانه

_________

واحنه ابكَول الهادي اعملنه --- وصار حسين المنقذ النه

لو حانت ساعة محشرنه --- حاشاه اهناك او ينسانه

****************************************

نسألكم الدعاء

ساعد في نشر والارتقاء بنا عبر مشاركة رأيك في الفيس بوك


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 17-11-08, 02:37 PM   #2
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 24-08-14 (04:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: عبرات السيد الحمامي - قصائد الخمسه الاولى من محرم



اليوم الرابع

************
لأم البنين (ع)

****************

اولادي يطيبين --- اوصيكم بالحسين

وانتم اربع ابطال
تهتزمنكم اجبال
اوصيكم بالحسين

______

اوصيكم وصيه ولدي سمعوني

مهج انتم اليّه اونور لعيوني

تعب ارباي اريده بيه تجازوني

لحسين ابوفاكم كحّلوااعيوني

انتم نور العيون --- ادريكم توفون
انجوم ثلاثه وهلال
تهتز منكم اجبال
اوصيكم بالحسين

________

يشباني البساله من علي عدكم

اسد يوم الحرب لو صار واحدكم

المثل هاليوم هوه الجان رايدكم

فرحوني يولدي اوفرحوا والدكم

ابدمكم لاتبخلون --- يولادي تضحون
بيكم اعقد آمال
تهتز منكم اجبال
اوصيكم بالحسين

______

يولادي الشهامه بيكم والنخوه

رباكم اسدوالرّضعت لبّوه

كل واحد لخيّه ايصيراله تجوه

اعزيزحسين عندي يهل المروه

كل ليله اشمه--- وبروحي اظمه
وهم العندي ينزال
تهتز منكم اجبال
اوصيكم بالحسين

______

يلبيكم عزم من حيدر وصبره

عهد عندي يولدي امعاهده الزهره

تباروها لختكم زينب الكبره

واريد حسين سالم بس يظل عمره

اسمعني يعباس --- وانته شيلة الراس
عدل الحمل لومال
تهتز منكم اجبال
اوصيكم بالحسين

_______

يعباس الوصيه امن امك اسمعه

تحلفك بالربه واتعاب مرضعها

عهد منك تريد اوروح ودّعها

وادري امن الاسد كل خصله جامعها

راية بدر بيدك --- مييله العضيدك
وخلي المثل ينكَال
تهتزمنكم اجبال
اوصيكم بالحسين

********************************
في حق ام البنين(ع)

يشباني نذر عندي
اوفي الفاطمه ابوعدي
عاهدوني
عاهدوني

ــــــــــــــــــــــ
يشباني انه الربيتكم وشكَيت
وسهرت الليالي واشكثر لوليت
وصرتولي ضوه العيني اوعمد للبيت
ماضاع الربه واتعابي من ربيت
تراووني ثمر جهدي
اوفي الفاطمه ابوعدي

عااهدوني
عاهدوني

ــــــــــــــ
يولادي الامل كل الامل بيكم
يرفعة راس لمكم والأهاليكم
ادري ينكسر جفه اليلاويكم
لجن صوت الوفه اسمع يناديكم
لحسين العهد ولدي
اوفي الفاطمه ابوعدي

عاهدوني
عاهدوني

ــــــــــــــــــ
لحسين المناحر لجله لتبخلون
وبسوح المنايازلزلوه الكون

للزهره عزيزاعضيدكم تدرون
سالم بس يظل ويولادي كلشي يهون
اوياكم مهجتي افدي
اوفي الفاطمه ابوعدي

عاهدوني
عاهدوني

ـــــــــــــــــــ
عرفتوا غايتي وعرفتوا هالتوضيح
ادريكم نشامه اومايهزكم ريح
تموج الكَاع منكم والجبال اطيح
باراكم علي ابتكبيره والتسبيح
وعاهدته انه ابعهدي
اوفي الفاطمه ابوعدي

عاهدوني
عاهدوني

ــــــــــــــــــــ
يبو فاضل وصيتي اليوم بحسينك
اي يبني اعله عمره انثر اسنينك
افدي مهجتك وافدي نظر عينك
ومن ازنودك ابذل يبني جفينك
وفدوه جبدك او جبدي
اوفي الفاطمه ابوعدي

عاهدوني
عاهدوني

************************

لأم البنين(ع)

هاي ام البنين اشعندك انخاها
ابكل شده وحكَ عباس تلكَاها

*******
هاي ام البنين امجربيهاالناس
هاي الحيدراوللزهره رفعت الراس
تكَضي حاجتك بس كَلها يم عباس
بالزهره عليج وسولف اوياها

********
وياها تسولف حاضره الحره
والله ام البنين الخاطر اتجبره
عدها جاه عند الخالق شكبره
دنيه وآخره مهيوبه خلاها

*********
مهيوبه وأبد مافشلت واحد
شمايطلب طلبته ايحصل اوزايد
اطلب يالموالي اطلب اشرايد
جم طلبه الكَضت بالعين شفناها

********
هاي ام البنين الطلب مترده
انجان ابضيج انته وطايح بشده
انخاها وحكَ اللي حجه بمهده
اجبال ام البنين اتزيل دعواها

*********
تدري ام البنين الواست الزهره
ولحسين اربعه ضحت فده العمره
يبني اتصيحله بس اتنظره
ولمن فكَدته دم بجت عيناها
*********
هاي ام البنين الدوّه الكل علّه
بلسم للجرح كل مشكله اتحله
كلشي ارخيص عدها وطلبتك سهله
وتحب الذي بحسين واساها

********************************

في حق ام البنين(ع)

بس تنخاها بس تنخاها
حرّه اوماتبخل يمناها

******
انخاها وجرّب فدمره
ام عباس الهيبه الحّره
كَلبك لابد والله اتسره
كرّمها الباري اوعلاها

********
كرّمها الباري او ايّدها
شبان اللي كُرمت يدها
جم شاره ام عباس العدها
شافتها الناس او شفناها
********

شفنه المُعجزمنهاواكثر
أطلب منها ماتتعذر
متخليك الحره امحير
مافشلت واحدناداها

********
ناديها يالطحت ابشده
واليطلب خايب مترده
اقسم بيها باللي اتعبده
وعِلّه ابجسمك عافاها

******
بالمعبود اتوسل بيها
وللحاجه اطلب من راعيها
اشكَد ناس الحره امجربيها
متقصر من تترجاها

********
اربع شبّان الضَحتهُم
وطيّبه اوللزهرةكرمتهم
اينصرون حسين بخوتهم
بس لحسين اتهل عيناها

****************************
اليوم الخامس
*****
مسلم ابن عقيل
____________


في حق حميده بنت مسلم(ع)


عمي حسين
مسلم وين
هم يرجع بعدلينه؟

**********
على حسين الحزن خيّم
اول نايبه اتمّربيه

واجت يمه حميده اتريد
من عمها تشوفه اشبيه

لن حسين ظم دمعه
عنها بالجفن يخفيه

خاف اتشوفه بت مسلم
من عينه الدمع يجريه
بجت يمه
كثر همه
اتكَله والدي وينه؟

******
حسين ايكَلها مسلم راح
حميده منج اومني

ومايرجع بعد هيهات
ابمسلم ينكَطع ظني

وشوفي دمعته اعيوني
الفكَدوبالكَلب وني

وهم اللي عليه صار
مايبرح بعد عني
عدنه امصاب
مسلم غاب
ياهوالبيه يواسينه؟

*******
ظلت تبجي يم حسين
دمعتها تهل جمره

يعمي حسين حاجيني
بيش الخاطري اجبره؟

وكَلبي بعد ابويه الراح
بعد ياعمي شيصبره؟

عم عينك بعد يحسين
وعيني المسلم اتنظره
هم ايعود
ليّه اردود
وعيني تنظر العينه

********
ابكَلب مفجوع تحجي اوياه
حميده والفكر محتار

يعمي الكوفه غدّاره
وجمرة للفتن من نار

غدرت من كَبل بينه
وفجعتنه بعلي الكرار

واليوم انته ليها اتريد
تمشي والدرب اخطار
لالتروح
بينه اجروح
لسامنها مشفينه

*******
كَاللهاابعزم معروف
اصلح رايد الأمه

واليسعي يريد الخير
الموت الموت ميهمنه

وعمج ياحميده اليوم
يضحي مثل ابن عمه

ودمي لونزف للدين
دمي ايعانكَ الدمه
مسلم راح
للأصلاح
ضحه من اجل دينه
**************************

في رثاء مسلم(ع)


بت مسلم حميده اتيتمت يحسين --- الكوفه غدرته للكوفه رايح وين؟

ــــــــــــــــ

مسلم من مشه يحسين للكوفه --- ودعته شكَلت هم عينك اشوفه؟
هيه بالغدر من كَبل معروفه --- نكثت عهد ابوك وباعته للدين

ــــــــــــــــــ
يحسين اوونخوك او جيت تنصرها --- وقبل كَالت إقبل كل عشايرها
ودّولك رسايل تشكي جايرها --- وجي بعيلتك للكوفه ليها اتعين

ــــــــــــــــــ
تعين الكوفه ناصر معتني ليها --- وصل الكربله اسكنت اوبواديها
ابعثت مسلم سفير ايمثلك بيها --- راح ومابعد مسلم اتشوفه العين

ـــــــــــــــ
العبن اتهل دمع من رد خبر جتله --- يحسين وفكَدته اعليك موسهله
هذا اول مصاب اتواسي بيه اهله --- وتكَل الحميده ابنيتي لا تبجين

ــــــــــــــــ
لاتبجين حكَها صبحت ايتيمه --- طفله والأبو للبت اهو خيمه
هظيمهابهالعمر من عافهاهظيمه --- زغيرونه حميده العمر خمس اسنين

ـــــــــــــــــــــ
صير الها ابو يحسين باريها --- وي سكنه اورقيه اخت خليها
حميده يبو اليمه عينك اعليها --- جانت لبن عمك ريوح ورياحين

ـــــــــــــــــــ
ارجع للوطن يحسين بعيالك --- انته ابكربله والشر تعنالك
وجتّال ابن عمك هوه جتّالك ---ضدك اصبحوا يحسين متحزمين

***********************************

في حق مسلم ابن عقيل(ع)

**********

مسلم للكوفه راح ابهمته مسلم
يصلح وضعهاالأمه
لحسين ناذردمه
مسلم للكوفه راح ابهمته مسلم

*******
مسلم ايمثل حسين ابهالمهمه الهاشميه
قلّده حسين السفاره وهالسفاره الاحمديه
راح ينقذهم امن الشر اللي طغت بيه آل اميه

وحسين لمن كلفه ---ابهاي المهمه ايشرفه
عنده الهدف والمعرفه --- ابهالشجاعه الحيدريه
صدّرمنصب سفير ايعينه صدّر
اول سفيرايقدمه --- لحسين ناذر دمه
مسلم للكوفه راح ابهمته مسلم

**********
مسلم اويه حسين عهده --- امن الوطن وياه تعنّه
بطل صنديداوفراسه --- اوبالحرب ينخاف منه

عالم اوزاهد اوعابد بالفقه يروون عنّه

عنده اجتهاد اومعرفه--- من عمه ماخذله صفه
متثني ضربة مرهفه--- والمصاعب مالونّه
فارس من عمه عنده هالصفه فارس
والموت لاميهمه
لحسين ناذردمه
مسلم للكوفه راح ابهمته مسلم

********
من علي مسلم ورثها --- كل صفاة الطيبه عنده
مايساوم مايخادع --- ينصر الحق جان جهده
ويه الحسين االمسيره --- بالنظال اوهذاوعده
لحسين مسلم طاوعه ---وقدم الصوره الناصعه
وللكوفه لمن ودعه --- مسلم اليوفيه ابعهده
واصل مسلم مسيره ابهالفكر واصل
فكر الاصلاح ايعمه--- لحسين ناذر دمه
مسلم للكوفه راح بهمته مسلم

**********
راد بالكوفه الضماير تصحه واتراجع وضعها
والطريق الرشد تسلك راد تخلص من بدعها
وتلتزم نهج القويم الدين لتبيعه ابطمعها
ابدرب المهالك لاتزل --- وتسير بدروب العدل
وتعاهد ابكَول وفعل --- والغدر ميظل طبعها
حيدر من كَبل هيه غدرته حيدر
للشمل راد ايلمه --- لحسين ناذر دمه
مسلم للكوفه راح ابهمته مسلم

**********
بعدماللكوفه يوصل نكثت الكوفه ابعهدها
بايعت هيه اليزيدوخانت ابلحظه وعدها
مسلم المصلح اجاها ---مااجه للكوفه ضدها
بس وصل ليها اتواكحت --- سيوف اورماح اتسلحت
كل الدلاله توضحت --- للظلاله تمد يدها
يدها بالغدرهيه املوثه يدها
بيد الطغاة اتسلمه --- لحسين ناذر دمه
مسلم للكوفه راح ابهمته مسلم

**********************************

ابوذيات
*************
بحور امودتك يحسين ماجن
وجن ليل الولاء وغيره ماجن
عابس لوله حبك جان ماجن
مثل عابس غرامك صار بيه

********
حب حسين شرد اوصف وشحلي
إسمه موّسم ابكَلبي وشحلي
للمحشر ولوماشمله وشحلي
انجمع واشكيله حبه شعمل بيه

**********
يبو اليمه وحكَ مسلم وهاني
احبك لاتظن حبك وهاني
للمحشر سعيد آنه وهاني
شفيع انته يبن سيد البريه

**********
عمت عينه عله راس حسين منشال
بطرف الرمح ريته إنعاب منشال
وعسى يحسين انكطع خنصره منشل
ويشل كلمن رمه سهم المنيه

**********

رقيه وعَلي سيف الحزن يرد
الأبو خيمه البناته دوم يراد
رجعت وراس ابوي وياي يراد
من شفته ابطشت جتني المنيه

*****************************





 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 19-11-08, 10:36 AM   #3


الصورة الرمزية الاحسائي
الاحسائي غير متصل

بيانات اضافيه [ + ]
 رقم العضوية : 2510
 تاريخ التسجيل :  Feb 2008
 أخر زيارة : 12-01-11 (10:38 AM)
 المشاركات : 82 [ + ]
 التقييم :  10
لوني المفضل : Cadetblue
افتراضي رد: عبرات السيد الحمامي - قصائد الخمسه الاولى من محرم



الأخت ( عاشقة زينب ) اششششششششكركم جزيل الشكر على نقل هذه القصائد الرائعة

للشاعر الكبير والقدير ( السيد عدنان الحمـّامي ) حفظه الله تعالى من كل مكروه

وانا من المتشرفين كثيراً بقراءة معظم ابداعات قلمه السـيّال في محبة وظلامة أهل البيت (ع)

الشكر الكبير والكثير لسماحة السيد عدنان على ما اجاده علينا نحن خدام خدام الحسين (ع)

والشكر موصول لكم اختنا ( عاشقة زينب ).


 
 توقيع : الاحسائي

( الاحســـائـــي )

عـلـي مليون چـف چـفـه وچـفـه
وعلي فاض وطفح حده وچــفــه

الناس ايمــانــهـا ابچـفه وچــفـه
العلي ابوحده ورجح قاطات ميه
(فاطمة الخزاعي)


رد مع اقتباس
قديم 19-11-08, 03:01 PM   #4
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 24-08-14 (04:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: عبرات السيد الحمامي - قصائد الخمسه الاولى من محرم



الله يبارك بيكم اخي

موفق ان شاء الله


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 22-11-08, 09:30 AM   #5
شاعر حسيني



الصورة الرمزية كريم فليح
كريم فليح غير متصل

بيانات اضافيه [ + ]
 رقم العضوية : 2972
 تاريخ التسجيل :  May 2008
 أخر زيارة : 03-11-12 (11:18 PM)
 المشاركات : 892 [ + ]
 التقييم :  39
لوني المفضل : Cadetblue
افتراضي رد: عبرات السيد الحمامي - قصائد الخمسه الاولى من محرم



بســــــــــــم الله الرحمن الرحيــــــــــــم


الأخـــت المواليـه والغاليـه والطيبــــه

.... ((( عــاشقـــة زينب (ع) )))....

الســلام عليــكم ورحمــة الله وبركاته

أنتي هـكذا دائمــاً متميـزه فـي خدمــة

أهل البيت ( عليهم السلام) ، تبحثيـن

عن هذهِ الخدمه أينما كانت لتكونـــي

خادمه ومواليه لهم . فهنيـأً لـــــــكِ

هنيـــأً لـكِ وتقبـل الله أعمالـــــــــك

و وفقـكِ وســدد خطــاك ورحــــم

والديـك برحمتـه الواسعــــــــــه.

دعـائـي لـكِ بالتوفيـــق.

تقبلــي خـالـص تحيــاتــــــــــي


 

رد مع اقتباس
قديم 22-11-08, 10:36 AM   #6


الصورة الرمزية فلاح الجصاني
فلاح الجصاني غير متصل

بيانات اضافيه [ + ]
 رقم العضوية : 3173
 تاريخ التسجيل :  Aug 2008
 أخر زيارة : 18-10-13 (05:25 PM)
 المشاركات : 3,397 [ + ]
 التقييم :  148
لوني المفضل : Cadetblue
افتراضي رد: عبرات السيد الحمامي - قصائد الخمسه الاولى من محرم



ما جوره اختنا الغاليه عاشقة زينب عى هذا النقل الرائع والطيب من سطور الولاء لحب محمد وال محمد
بقلم الولائي الحسيني السيد عدنان الله يوفقه بحق الحسين للسير في هذا اطريق ونسال الله ان يحشرنا واياكم مع الحسين ع


 
 توقيع : فلاح الجصاني


نقرتين لعرض الصورة في صفحة مستقلة

قال الإمام الصادق عليه السلام .....
ويـل لطغاة الـعـرب مـن أمـر قـد أقـتـرب


من مواضيعي
.طرق مضاعفة نقاطك بالمنتدى والحصول على الترقيه


حصريا العملاق الالماني لتسريع النت cFosSpeed - Version 6.50



رد مع اقتباس
قديم 07-12-08, 06:56 PM   #7


الصورة الرمزية بنت الهدى 1
بنت الهدى 1 غير متصل

بيانات اضافيه [ + ]
 رقم العضوية : 2836
 تاريخ التسجيل :  Apr 2008
 أخر زيارة : 13-01-10 (12:47 AM)
 المشاركات : 170 [ + ]
 التقييم :  10
لوني المفضل : Cadetblue
Thumbs up أســـــــــــــأل اللهـ أنــ يحفظك يا سيد عدنان ..



ماسلم بيك اليرتضع -- يهلال لتبجيني نقرتين لعرض الصورة في صفحة مستقلة
ابجيت شكثر من الألم -- ياصورةالي اتنسيني
ياصورة ظلت بالعين --انكِطعن لخويه الجفين

.
.

يعمي حسين حاجيني
بيش الخاطري اجبره؟

وكَلبي بعد ابويه الراح
بعد ياعمي شيصبره؟



"" سيد عدنـــــــــــــــــان ""

تنحني الأقــــــــــــــلام أمام كلماتك .. نقرتين لعرض الصورة في صفحة مستقلة

ماذا عسايَ أنـــ أقـــول ..؟؟

دوما ً أراكَ مرفرفاً بالأعالي كالرايات المنتصرهـ ،،
فكن دوماً بخير ولا تحرمنا من جديدك المبهر نقرتين لعرض الصورة في صفحة مستقلة


أسأل الله العلي القدير أنــ يتقبل أعمالك ..

نقرتين لعرض الصورة في صفحة مستقلة


 
 توقيع : بنت الهدى 1


||| گلبي مـن يذكـر حبيبه تهل دمع الـ ع ـين

||| روحي ما أدريهه جابت هالوفى مـنـيـن ؟!


رد مع اقتباس
قديم 11-12-08, 02:01 PM   #8
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 24-08-14 (04:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: عبرات السيد الحمامي - قصائد الخمسه الاولى من محرم



تقبل الله منكم ومنا صالح الاعمال

ووفقكم الله جميعا

شكرا لمروركم العطر موفقين


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
قديم 02-01-09, 05:45 PM   #9


الصورة الرمزية أبو محمد
أبو محمد غير متصل

بيانات اضافيه [ + ]
 رقم العضوية : 56
 تاريخ التسجيل :  Jul 2006
 أخر زيارة : 26-01-13 (10:14 PM)
 المشاركات : 3,969 [ + ]
 التقييم :  32
لوني المفضل : Cadetblue
افتراضي رد: عبرات السيد الحمامي - قصائد الخمسه الاولى من محرم



اللهم صل على محمد وآل محمد

احسنتم واحسن السيد عدنان

بارك الله فيكم

خادمكم


 
 توقيع : أبو محمد

اللهم صل على محمد وآل محمد
نقرتين لعرض الصورة في صفحة مستقلة

نقرتين لعرض الصورة في صفحة مستقلة

°•.♥.•° .:. || أجنّـــنَـي حُبــّـكَ يـا حُسَيـ ـ ـن || .:. °•.♥.•°

آه لو تنفع آهي صحت طول الدهر آه نقرتين لعرض الصورة في صفحة مستقلة


رد مع اقتباس
قديم 05-01-09, 01:06 PM   #10
عاشقة زينب عليها السلام


الصورة الرمزية عاشقة زينب ع
عاشقة زينب ع غير متصل

بيانات اضافيه [ + ]
 رقم العضوية : 1884
 تاريخ التسجيل :  Oct 2007
 أخر زيارة : 24-08-14 (04:07 PM)
 المشاركات : 8,633 [ + ]
 التقييم :  357
 الدولهـ
Iraq
 الجنس ~
Female
 مزاجي
 MMS ~
MMS ~
لوني المفضل : Darkgreen
افتراضي رد: عبرات السيد الحمامي - قصائد الخمسه الاولى من محرم



تقبل الله منكم ومنا صالح الاعمال

ووفقكم الله جميعا

شكرا لمروركم العطر موفقين


 
 توقيع : عاشقة زينب ع

اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك



رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة


الانتقال السريع



Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
support : Tasaaheel.com


HêĽм √ 3.1 BY: ! ωαнαм ! © 2010

جميع الحقوق محفوظة لـ المنتدى الرسمي للرادود الحسيني الحاج ملا جليل الكربلائي
|

تصميم خادم أهل البيت شبكة التصاميم الشيعية