المساعد الشخصي الرقمي

مشاهدة النسخة كاملة : يا جرح داحي الباب...منه الدليل انعاب؟؟لجرح الامام علي (ع) اقول؟؟


ابو علي السعيدي
24-09-08, 09:16 AM
بسم الله الرحمن الرحيم
السلام عليكم ورحمة الله وبركاته
لجرح الامام علي (ع) اكتب؟؟
ياجرح داحي الباب....منه الدليل انعــاب
ناده جبريل بهتافه...... انهدم ركن الخلافه
ياجرح داحي الباب



بيوم جرحك ياولينه..... عيني ماتقبل تنــام
نزلت الدمعه عل خدي....وصوبت كلبي السهام
من ابن ملجم غدرنه......هاي افعال اللئــام
طبر الكون ونكبنه....وياصعب ضرب الامام

ناده جبريل السماء ....يله لبو هل النداء
ياجرح داحي الباب

انهدم سور النجــاة .....هذا صوت المرسلين
بيه طاحت الامامــه.... طاح سيد المتقــين
الشيعه ندبت ياولينـه...وصاح صوت الحسنين
الجرح بويه البيـنه.... يبقى خالد بالسنــين

ناده جبريل الجليل... اجتمع خل وخليل
ياجرح داحي الباب

اليوم جرحك ياعليـنه..... بجه اركان الملـه
الطبيب الفحص شخصه.... يشرح القصه لهله
ناده بلغ بالوصــيه........وصي انته العايله
سيدي ومولاي جرحك.... يصعب الداء الاله

ناده جبريل وخجول.... انتكل سيد الفحول
ياجرح داحي الباب

قبلوه وصلو اهلـــه.... وصاح يابويه الحسن
ريت عمري من حياتك.....صعبه يابويه الاجن
صعب فكدك ياولينـه......وريت ذني ينعمـن
انت يانوري وحياتي....وانت ياسور المحــن

ناده جبريل بشجون.....انت قالع الحصون
ياجرح داحي الباب

الحسين الناجه ربــه...... وصلى وباس الفحل
انهدم ركن الديانــه.... ....انهدم خير العمـل
اهتزت اعروش الطغاة......وطاحت انوار الامل
للحسين انبرت دمعه..... تملي اجفونه ومقــل

ناده جبريل الطغاة..... انكتل سيد الولاة
ياجرح داحي الباب

زينب وتندب وليهـــــه......وتبجي وصارت يتيمه
بويه انت ذخـــــــري.... تنكتل والله هظيمــــــه
انصبت من زغري بامي....وهسه انت ياعظيمه
اتحمل امصاب الليالي.... من بعد عزي ونعيمه

ناده جبريل وسألهه.....يبجي ايواسي بطلهه
ياجرح داحي الباب

الكمر ناده اخـــوته...... من فكد سيد البريه
ليت عمري بعدك انت..... سيدي حامي الحميه
ريت طبراتك ياحيدر.....ريت بويه اتصير بيه
ارتضي ابدل حياتك......وارتضي اشيل المنيه

ناده جبريل لولاته..... بالامام احسن صفاته
ياجرح داحي الباب


اخوكم
ابو علي السعيدي

عدنان الحمامي
24-09-08, 01:05 PM
بسمه تعالى

ابو علي السعيدي سلام عليكم

عظم لله اجوركم واجورنا بمصاب امير المؤمنين

عليه السلام

احسنت ووفقت انشاء لله

اساله لك ولنا الفوز بشفاعته والنجاة من النار بمحبته

الله ايبارك فيك

تحياتي

عاشقة زينب ع
24-09-08, 02:22 PM
عظم لله اجوركم واجورنا بمصاب امير المؤمنين

عليه السلام


طيب الله انفاسكم
ووفقكم الله

نور من نور
24-09-08, 02:38 PM
اخي الكريم و شاعرنا ابو علي السعيدي
سطرت ابيات خرجت من حنايا الأضلع
سطرت لنا بقلمك النوراني مصاب سيد الكون
اسئل الله ان يتقبله منك بخير قبول
و طيب الله انفاسك الزكيه
تقبل تحياتى والف شكر
والف تحيه لشخصكم الكريم

الجعفريه ,,,

ابو علي السعيدي
21-10-08, 07:14 PM
الاخ والشاعر المبدع
السيد عدنان الحمامي المحترم
مروركم اسعدني وكلمات الاطراء جعلها الله مع سيد الشهداء وعند فاطمة الزهراء(ع)
تحيات
اخوكم
ابو علي السعيدي

ابو علي السعيدي
06-08-12, 09:42 PM
الاخت الفاضله
عاشقة زينب المحترمه
مروركم اسعدني وكلمات الاطراء الجميل وفقم الله لل خير
تحيات
اخوكم
ابو علي السعيدي