جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد في ميلاد عقيلة بني هاشم (ع)
قصائد في ميلاد عقيلة بني هاشم (ع)
18-04-2010 08:51





قصائد لشعراء أهل البيت عليهم السلام في ميلاد الحوراء زينب عليها السلام

اللهم صل على محمد وال محمد وعجل فرجهم




لمولد مولاتي زينب ع



للشاعر رحيم الحسناوي


الدنيه بيج انتخت يرباة الدين .. يا بت حبيب المصطفى وروح حسين 
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ 
اليوم در نور الزجيه ونور .. والكون بالوان العقيله تعطر 
مدللة حيدر زينب وضبيه بر .. والصبر يم صبرج يحره تكسر 
فضلج يبنت الحيد ما يتقدر .. ولا تكدر اهل العاجله تردلج دين 
ابتشرت يصبر حسين بيج الزهره .. وصدر الامام اليوم يسجب عبره 
جرح بكلب عباس انتي وحسره .. وجمره لمصابج مو مثل كل جمره 
ماهمته سيوف التولت نحره .. همه الخدر واجناب دارت صوبين 
يا زينب العباس ما دار العين .. عنج ولا فاركت روحه اسم حسين 
ضل يلهج بجلمة اوفي انه الدين .. لابن الزجيه وروحي اله تصير ثنين 
صح مني وسفه اليوم طاحن جفين .. بس روحي يم الحره بنت النورين 
عباس يا زينب بصوبج روحه .. ضلت تهم وتناسه كل جروحه 
الركبه منه مكطعه ومذبوحه .. ودمومه بسهام الغدر مسفوحه 
والرايه صح يم النهر مطروحه .. بس روحه صارت رايه وترف لحسين 
الدنيا يا حوراء تنعى لحالج .. وضيم النوايب والهضم يبرالج 
بت حيدر انتي وماكو حره عدالج .. وصبر الصبر دنك الراس كبالج
 
يالما خطر ون الطفوف ابالج .. تبقين مدرسة الصبر للكونين 
تبقين رايه تصيح وين ابن امي .. افديك خويه بنور عيني ودمي 
هنا يالغريب اليوم لاوح همي .. لا بو الفضل والكوم تفتر يمي 
يحسين ريت الموت كبلك دكني .. ولاشوف بعيوني دواليب البين



زينب نبعة حيدره


للشاعر جابر النجفي



بِتْ أمير المؤمنينْ == آية الذكر المُبينْـــــــــــــــــــــــــــــفرحتْ الدنيه إو بزغ نور القمرْ == صاحتْ الاطيار منْ فوق الشَجَرْ
يا هَلَه إو مية هَلَه إبّنت الأغَرْ == فرحتْ الزهره إو فرح سيد البشرْ
بالوليده أخت الحُسينْ == بِتْ أمير المؤمنينْ
ـــــــــــ
فرحوا ياشيعة علي هنّوا الرسولْ == بالوليده الطيبه هنّوا البتولْ
والأبو هنّوه طلبوه القُبولْ == يقبل الفرحه علي طيب الأصولْ
بالعقيله أم الحنينْ == بِتْ أمير المؤمنينْ
ــــــــــ
بِتْ علي الكرار نبعة حيدره == بالمعالي والمكارم عامره
منْ علي بيها العلم يمشي إو جَرَه == زينب الحرّه العقيله إمْخَدّرَه
جدها مولانا الأمينْ == بِتْ أمير المؤمنينْ
ــــــــــ
الله إنطاها الأسم بِتْ فاطمه == عالمه إو منْ حيدره مِتْعَلّمَه
صوت يصدح يوصل الحد السمه == والمايصلي إعلى النبي إيصيبه العَمَه
صوت ينطق باليقينْ == بِتْ أمير المؤمنينْ
ــــــــ
هَزّتْ الأركان زينب بالخطابْ == ما قدر واحد يِرِد إلها الجوابْ
صوت أمها الناطق إيْذِل الرقابْ == منها أخذتْ هالفصاحه الماتهابْ
صوت هَز الظالمينْ == بِتْ أمير المؤمنينْ
ــــــــ
صارتْ الحوراء منبر للكلامْ == غاضتْ الأعداء بِتْ أشرف إمامْ
رسمتْ الأهدافْ للوالي الهُمامْ == كشفتْ الزيف إو وُضح غدر الظلامْ
كشفتْ الباغي اللعينْ == بِتْ أمير المؤمنينْ


نسألكم الدعاء

تعليقات 0 | إهداء 0 | زيارات 426


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
4.35/10 (15 صوت)