جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد لذكرى عاشوراء الحسين (ع)
قصائد لذكرى عاشوراء الحسين (ع)
17-12-2009 06:14







قصائد في رثاء سيد الشهداء عليه السلام لشعراء أهل البيت عليهم اسلام 

اللهم صل على محمد وال محمد وعجل فرجهم


 للابد باقي عهدنه اومن دمانه انوقعه --- ولائيه في حق الحسين ع


للسيد عدنان الحمامي


عالعهد يحسين نبقه ومن دمانه انوقعه -- والذي ابحبك تمسك هذا طيب مرضعه




للابد باقي عهدنه أمن الازل عدنه عهد -- وشوف يحسين الموالي بخدمتك أخلص وجّد


ياسفينه او للنجاة أيأمن البيها صعد -- وبالحشر صك بيده ياخذ من أبوك اموقعه


--


يبو اليمه امقصرين أوياك شنهو انقدمه -- بالبنين او مال نقسم الك نبذل والدمه


انته ريحانة محمد انته روح الفاطمه -- يبن نون وقاف انته او هل اتى والواقعه


--


جدك ل الله حبيبه ونته للهادي حبيب -- لو دعه الداعي ابضريحك الله للداعي يجيب


مايخيب العنده حاجه وگصد يمك مايخيب -- ومايرد مهظوم ضيفك لو ابشباچك دعه


--


الله خصك بالشفاعه وانته تشفع للمحب -- وبيك يغفرله الذنوب ايروح مغفور الذنب


ومن يزوغ البصر باچر علي يروينه العذب -- لأن أحنه ابكل فريضه امن الصلاة انبايعه


--


يظل شلال المحبه يروي بينه كل نفس -- ياحسين أنته الامان وكل موالي بيه يحس


تظل غالي يبو اليمه او خصمك ايظل البخس -- وينها أگبور الخصوم ابها البريه ضايعه


--


او گبرك انشاهد ضريحه صار كعبه لليطوف -- ناس تتعنه ابجدمها ناس تتعنه زحوف


وهالملايين التزورك يبو الاكبر مو ألوف -- كلها لبّت للنداء لأمر جدك طايعه


--


بيك من وصه محمد گال ريحانه الي -- بيوم من كان ابصلاته وعله ظهره تعتلي


واحنه بالاصلاب صحنه يارسول لله بلي -- لأن أمه الزهره هيه الكل موالي شافعه


(( ننطي دمانه ))


للشاعر سعد مطلوب


بأســـــمك نقســــم يامولانـــه ... يوم الشـــــده ننــطي أدمانـــه
::::::::::::
ننطي دمانـــه وما نتــــــأخـر ... ولبن الهادي أنرخص المنحر
يالحُبــه يســـــــري ويلأبهــر ... والنـور الي يضــوي ســـمانه
::::::::::::
ننطي دمانــه نواسي الزهــره ... بمصاب حســـين ويالعتـــره
من طـاح الظامي عله الغبــره ... أتصــوب دين الله أوقرآنــــه
::::::::::::
ننطي دمانه وأحنــه الشــــيعه ... حُب حيـــدر غالي أومنبيعـــه
أول يبقــــه بنَص البيـــــــــعه ... وبخـم بي أحمـــد وصــــــانه
::::::::::::
ننطي دمانـه أبطبـــــر الراس ... بقامه وســـيف أنشـج بحساس
ميهمنه شــتحچي الأرجــــاس ... هالمبـــداء زينـــب عنـــــوانه
::::::::::::
ننطي دمانه وربنـه الشــــاهد ... ذلينـــه النــــاصب والحـــــاقد
للمذهب نبقى أحنــه أنجـــاهد ... ونّخَضِـــع كَلمــن عادانــــــــه
::::::::::::
ننطي دمانه وصـوت أتسـمعه ... ماتگـــدر هالصـــوت تمنعـــه
عبر الأكوان أحنـــه أنرفعـــــه ... أتكـــون بلأصـــلاب ويـــــانه




أم البنيــــــــن ينبــــــوع الوفــــــــــــــــه


للشاعر جابر النجفي


عباس ينبوع الوفه والأقدام == إسمعْ يكــــــــــرار
أم البنين الغَذّته الماتنضــام == إسمع يكــــــــــرار
غاب إنكسف هذا القمر == بس الوفه نادى إنتصر
إسمـــــــعْ يكـــــــــرار
ــــــــــــــــــــــــــــــــــــــــــــــــــ ــــــــ
أم البنين الطاهره == ضربت مثل بالأيثار
رَبّتْ ولدها إعلى الوفه == أدَّت وصية الكرار
غَذّتهم الحب للسبط == للحُرّه بنت الكرار
صارت رمز طيب إو وفه = أم البنين العارفه = سبط الرسول المصطفه
هزها إو عله صوت القدر == إسمعْ يكرار
ــــــــــــ
أم الشباب الأربعه == خازن قلبها الآمال
آمال عدها إو تنتظر == تمشي ولدها الأهوال
بيهم أخوهم ينتخي == والهم بديهم ينزال
عباس أخوهم يعتلي = ويعيد صولات الولي = وإحسين همه ينجلي
وإتنادي عباس الظُفَر == إسمعْ يكرار
ــــــــــــــ
رادت تواسي فاطمه == أم البنين الأحرار
بالطف تشارك بالولد == يفدون إبن المختار
وإتنال بالمحشر أجر == من فاطمه إو تنسه الصار
تنسه الدماء النازله = ذيج الرُوَتْها الكربله = وإتنال خير إو منزله
وإتنادي يوليدي الصُبَر == إسمعْ يكرار
ــــــــــــ
يوم الموادع ودّعَتْ == أربع ضياغم بالام
نادت يحيدر ياعلي == مَرّتْ علينه الأيام
أولادي ذوله الأربعه == يفدون دين الأسلام
يحسين يبني نادِتَه = شبكت ركبته إو شَمّتَه = إبن الشفيعه وَصّتَه
يذكرها عد طه الأغر == إسمعْ يكرار
ــــــــــــ
ظلت وحيده إو تنتظر == يوم التشوف الأحباب
أحلام عدها إو ترتقب == كلهم يجوها الغِيّاب
طال الوقت ما ظل صبر == وين التِسِأله الأسباب
نادت تراني إبوحشتي = يحسين وحدي إبغربتي = يوليدي صعبه وحدتي
ماتدري صاروا بالخطر == إسمعْ يكرار
ـــــــــــــــ
وبيوم من سيل الالم == سمعت منادي الأحزان
طب للمدينه بالنعي == يخبر أهلها إو ولهان
صاحت يناعي بالعجل == إخبرني عن عالي الشان
بحسين شنهو إللي جره = أخبرها عن المجزره = عباس كاللها سره
نادت يناعي شِلْخَبر == إسمعْ يكرار
ـــــــــــــ
ماهمها فقد الأربعه == صاحت يناعي الأبرار
إخبرني عن إبن النبي == بحسين شنهو الصار
ياسائله إبكي إبحزن == غاب السبط نجمه إو غار
ظل السليب إعلى الثره = تجري الدمه من مَنْحَرَه = وإخته الغريبه إمْحَيّرَه
صاحت طفح حزني إنتشر == إسمع يكرار



 

تعليقات 0 | إهداء 0 | زيارات 488


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
0.00/10 (0 صوت)