جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد في ذكرى استشهاد شيخ الائمة عليهم السلام
قصائد في ذكرى استشهاد شيخ الائمة عليهم السلام
13-10-2009 06:39





قصائد لشعراء اهل البيت عليهم السلام في ذكرى وفاة الامام الصادق عليه السلام 

اللهم صل على محمد وال محمد وعجل فرجهم واهلك اعدائهم



الصـــــــادق رمــــــز الحضــــارهللشاعر جابر النجفي


رمز الحضاره المغوار --- كوكـــب حواها الأنوار
ودع حياته إو مسموم --- غاب الولي إبهذا اليوم
كوكب حواها الأنوار
ــــــــــــــــــــــــــــــــــــــــــــــ
رمز الحضاره والعلم == جعفر أمل كل الناس
كوكب بزغ نوره إو طلع == يكشف مهاوي الأرجاس
ما خاف من باطل أبد == ويذم عديم الأحساس
حاور أساطين الفكر == ماهادن الكل من قاس
صادق هوت شخصه الروح --- أصبح ولينه المذبوح
وياه راحت أسرار --- كوكب حواها الأنوار
ـــــــــــــ
واجه زنادقة الكفر == وأقنعهم إبفكره إو نال
عالي المراتب سيدي == كل ملحد إبفكره إنزال
أسس مدارس للفكر == صار الأمل للأجيال
آلاف طلاب العلم == غيرهم الأحسن حال
يسلك طريق الأقناع --- أينع جهاده إو ماضاع
منهج رسم للأبرار --- كوكب حواها الأنوار
ــــــــــــــــ
ياصادق العتره الأبي == محد عرف قدرك ذاك
علمك ورثته إمن الاهل == من حيدره العلم الجاك
فاز المشه إبدربك حظه == راح إنتهى بيك الشاك
وإحنه مشينه إعلى الدرب == نلعن حقود العاداك
نلعن نواصب هاليوم --- كل مجرم إو كل مذموم
ياصادق العتره البار --- كوكب حواها الأنوار
ــــــــــــــ
سادس إمام إبن النبي == مامر رجس بي معصوم
واجه طغاة إو ماخضع == عاش إبحياته مهضوم
هضموا حقوقه إو مارعوا == نكروا مقامه المعلوم
خافوا نزوره المعتلي == هدموا ضريحه المظلوم
كل ملحد إو كل دجال --- حرمونه منه الأنذال
راسم طريق الأخيار --- كوكب حواها الأنوار
ــــــــــــــــ
نصبوا المآتم عالولي == ياجعفريه إبهل يوم
عزوا الوديعه فاطمه == عزوا علي بالمسموم
فتحوا المدارس للعزه == شوفوا العلم ظل مهموم
جعفر مضه اليوم إو رحل == والدين أصبح مضيوم
ذوله النواصب أقزام --- نكروا ولينه المقدام
نكروا وريث الكرار --- كوكب حواها الانوار
ـــــــــــــــــــ
ياسيدي لمته الفرج == يلمهدي أنهضلي إو كوم
لأرض البقيع أو بالحزن == نمشي إو على الترب إنحوم
آهات نسمع ياشهم == فوق الأرض تمشي أتكوم
وياك نبني الأضرحه == وإنزور أهلك كل يوم
ننطر ظهورك نتناك --- وإنجدد العهد إوياك
وإنشوف وجهك ياثار --- كوكب حواها الأنوار



لطميه للامام الصادق (ع) مع نزله عكَيليه (الصادق سمّه المنصور)


للشاعر زكي الياسري


إنحب يالعــندك دمعهالصادق سمه المنصورشمعة عــمره الطفـّوهه ... شرعة جـده الهدموههالصادق سمه المنصور

....1....


تاج العــلــــــم والديـن تــاج الايـــــامصادق العتره وباني صـرح الاســـلاممدرسة حيدر حامي جاره الــضرغاموسـفه الدهـــــــــر دار و رماه ابـآلامباني الدين و عامودهطايح وسفه ابلا روحبيــد الحاقد عالأمُــه ... مات المسموم وسـمهالصادق سمه المنصور


....2....


هذا الامام الصادق ابــــن الاخيــــارجده النـــبي او والده حــــماي الجارو امـه البتول الزهــــره بنت المختارسمــّــــــــه الدوانيقي الزنيم الغداريادين ايحلل هذيينسم حماي الدينانشد شنهيه اذنوبه ... جبده ابحر سم مصيوبهالصادق سمه المنصور


....3....


حاقد عله الدين الديــــن وتترجم حقدهبسم الامام الحـــــــامي دينه و مجدهصوَّب زعـــــــــيم الطائفه وفت جبـدهمثل الحســــن من كَوّض ابسم جعدهنفس الكَوم الغدارهغدرت شبل الكرارضل يلوج ابآلامه ... ضلت بالنوح ايتامهالصادق سمه المنصور


....4....


كَال الامام وكَــُـــــوله اعــــظم حكمهماي البحر هالدنيه .. خلنـــــــــفتهمهشما تشــــرب الوادم تره شما تضمهويخسر البيهه يحط منــــــــاه او همهايام الدنيه اكَصيرهخل ناخذ منهه الخيرميدوم إله الباريهه ... ويهلك كل ظالم بيههالصادق سمه المنصور


....5....


شيعتـــــنه كَال الي تطــيع البـاريوالتبغض اهل المعــــصيه انصاريوالي يودني ويعـــــــمل ابأفكاريبالجنه يصــــبح لا محــــــاله جاريانه ابن الباقر علمهمن جـــــــده المختاروارث موسه وهارونه ... تاليهه الكَوم اتخونهالصادق سمه المنصور


....6....


كل سيـِّـِـئه سَــيْــئه بأساس التكوينلكنهه من شيعــــتنه تصــــبح ضعفينوكل زينه تصـــــبح منهم ابـحد مرتينمن حيث الــنه بالنسب مــــــنتسبيناوصيكم يا شيعتنهاوصيكم بالاخلاقزينه البيكم لزموهه ... شينه البيكم عيفوههالصادق سمه المنصور



وهذه نزله عكَيليه بنفس المناسبه

يا رافع راية بارينه


يالصــــــادق لجلك هلمجمع
حوقل للــــــبــاري وسـترجع
وعله افراكَك يجـري المدمع


شيعه و بس بسمك نادينه


يا رافع راية بارينه


يبن الزهره ابغـــير انوارك
ضلمه الدنيه بعين انصارك
يمته القائـــــــم ياخذ ثارك


من العباسي الجاوينه


يا رافع راية بارينه


يبن الكـــــــرار اشتاكَينه
يم كَبرك نبجــــي تمنـينه
احفاد الكَــــوم امهدمينه


والغرقد هليبجي ابعينه


يا رافع راية بارينه


يالصــــــــادق لو كَبرك ينهد
بكل شيعي الافكارك مرقد
لا لا بنــــــــــــــيانك ما ينهد


ما دام الروح اتفر بينه


يا رافع راية بارينه


يوم المحشـــر بيك انجلّب
حاشه اتخلينه النار انطب
بجاهـك من الباري نطلب


للجنه وياك ايودينه


يا رافع راية بارينه




عالصادق نهل عبره


سيد عدنان الحمامي


يالغايب --- يالغايب -- حزن بينه يالغايب

عالصادق نهل عبره -- بالسم ينختم عمره


---


يالغايب حزّنه الليله من خيم


عله الصادق نصبنه للحزن مأتم


ودعها الحياته اللي گضت بالسم


وچبد المصطفى لمصابه يتألم


رسول الله -- رسول الله -- على امصابه رسول الله


عليه يتألم ابگبره -- بالسم ينختم عمره


---


مصايبكم يبو صالح فلا تنعد


ومحّد بالمصيبه ايشاركك محّد


ولا باب الحزن والنايبه ينسد


اچبود الكم يراعي الثار تتمرد


نار السم -- نار السم -- تذوبها نار السم


منهن ما چبد يبره -- بالسم ينختم عمره


---


يبو صالح ندري ابدمعك المسفوح


وبگلبك يغايبنه شكثرها اجروح


تبقه امخزّنه وتزيد لا متروح


عله اللي من گفاه أبكربله مذبوح


رضيع اوياه -- رضيع اوياه -- بسهم ذبحوه رضيع اوياه


واللي مانزف نحره -- بالسم ينختم عمره


--


ياثار الذي يبن الحسن ينعاف


كل امصاب جرحه مابعد ينراف


بني اميه وبني العباس هالاجلاف


لاعدهم ذمم لاعدهم الانصاف


جرايمهم -- جرايمهم -- تظل شاهد جرايمهم


الچبد الصادق اتغدره -- بالسم ينختم عمره


---


بني العباس ماعدهم أبد ذمه


بس أجرام واحدهم صفه همه


يا چبد الذي بحقاد متسمه


وغير اللي بسيف وحللوا دمه


ضحاياهم -- ضحاياهم -- ماتنعد ضحاياهم


بسجنه اللي گظه وحفره -- بالسم ينختم عمره


---


يالغايب الك چم عين منتظره


تبقه تنتظر لهلالك الزهره


خاطر فاطمه امك تجي اتجبره


وتاخذ ثارها البلباب والعصره


يهل يمته -- يهل يمته -- يالغايب يهل يمته


اهلالك تبقه تنتظره -- بالسم ينختم عمره



جعفر الصادق حياته ومقصده


ابو حسن الحسيني


جعفر الصادق حياته ومقصده ----- وحد الدين بعلومه الخالده
------------
جعفر الصادق ابن خير العباد------ ذخر الاسلام وسند يوم التنادمات بسموم وغدر اهل العناد------- من بني العباس اهل المفسده
-----------كل مذاهبنا الشريفه الاربعه -------- من علم جعفر كتبها مجمعهومذهب الخامس صفاته ومنبعه ------ محتوي الكل العلوم الوارده-----------للأسف من تسأل بهذا الزمان ------- محد يكَلك نعم بفصح لسانمنهو جعفر منهو جده ويا مكان ----- درس اعلومه وعليماَ مسنده-----------تأ من الناس بثقافه زايفه -------- وتعتقد جنديها مجهول اختفهتخلي اسمه اعلى النصب وتعرفه --- وكل وجه مجهول كَامت تعبده-----------مثل ما كَلنه البشر من يعتقد ------ حتى عالمجهول يحجي ويستندوعن حقيقتها الخلكَ من تبتعد ------ تصبح العوبه بأيادي الفاسده------------اسمع اسمع يالذي ما تفتهم ----- شلون جعفر من اجه بهذا العلمولو تعلمت الخبر هذا التزم -------- من رسول الله العلوم ومسنده-------------من العجب ثم العجب ثم العجيب -- عن محمد يصبح الصادق غريبولي ما صان الشرف صاير قريب ---- مثل ابن هند الخبيثه الحاقده





نسألكم الدعاء

تعليقات 0 | إهداء 0 | زيارات 404


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)