جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد في ذكرى استشهاد امير المؤمنين(ع)
قصائد في ذكرى استشهاد امير المؤمنين(ع)
08-09-2009 05:21





قصائد لشعراء اهل البيت في ذكرى إستشهاد أمير المؤمنين عليه السلام

اللهم صل على محمد وال محمد وعجل فرجهم واحفظ خادمهم



بلوعتي يا بالحسن قصيده لستشهاد امير المومنين ع


بلوعتي يا بلحسن قصيده لستشهاد امير المومنين ع


بلوعتي يا بلحسن جيتك اشرحلك محن 
ونته حماي الجار يا حيدر الكرار 

**************************************************
اجيتك ياعلي والحسره تجويني ياكهف اليتامه دهري ماذيني 
صوبني الدهر بسهامه راميني اريد اليله يا مولاي تنجيني تعلم انته بحالتي ونته تكشف بلوتي ونته حماي الجار ياحيدر الكرار *************************************************
كل شيعي ينادي وسجب العبره ويقسم ياعلي بحق فاطمه الزهره 
تظل جمرة مصابك بينه مستعره ما ننساك والله وزينب الكبره ما تنسي ضربتك وتبكه تندب شيعتك ونته حماي الجار يا حيدر الكرار ************************************************** ********
يا حيدر مصابك هيج احزاني وليوم القيامه تبكه نيراني 
يا مولاي انته ذخري ويماني وحبك للحشر يا حيدر عنواني حبك يجري بشرياني ونته حاشا تنساني ونته حماي الجار يا حيدر الكرار ************************************************** ****
دخلت لحضرتك وبكلبي حسراتي وما غيرك يحيدر يطفي جمراتي 
احلفك بلظلع لن تقضي حا جاتي ونته بلحشر انته نجاتي انته يا خير العمل بلحشر انته الامل ونته حماي الجار يا حيدر الكرار ************************************************** ***ايات الكتاب بلوعه تتحسر صدك راسك يبو الحسنين يطبر 
ونته ياعلي انته بطل خيبر وكل فارس يهابك ياعلي حيدر انته ليث الموزمه تحمي كل الغامنه ونته حماي الجار يا حيدر الكرار ************************************************** *
نشوف بكربله شنهو الجره والصار تهاوت علارض يابلحسن انوار 

راس احسين ابو السجاد والانصار وبو فاضل سليل النور ولايثار من وكع هامة هلي ناده ياحيدر علي ونته حماي الجار يا حيدر الكرار


طاح الوصي بمحرابه


للشاعر سعد مطلوب


طاح الوصـي بمحرابـه .... دم هامه صار اخضابه
نـاده جبريـل بـــونيـن .... أتهـــدمت أركان الديـــن
دم هامه صار أخضابه 
************
فجـــر المصيبــه مــن لاح طـوح علينــا باحــــزان
والديـــــن نــاده بهـاليــــوم طاح العمـــــد والأركان
ونصـــدع چبـــد الاســـلام لمصاب داحي البيبــــان
لمصاب سيــد الكونييــن ... أتهــدمت أركان الديـن
سـيف الغدر من صابــه ... دم هامه صار خضابه
************
بعـــدك يامولاي الديـــــن ينعـــى مصـــاب الاحكام
وأنفجـع طــــــه وجبريـــل ونثلم ديــن الاســـــــلام
نـاحـت بـابـك أمــلاك ويـا الرسُــــــــل والايتــــــام
من طحت ياأبو الحسنين ... أتهدمت أركان الديـــن
هتـز العرش لصـوابــــه ... دم هامه صار خضابـه
************
ياعلي وأنت المغـــوار شــــلون المــرادي صابــــك
يالألك ترضـــخ الأبطال وكل الفحـــــول تهـــابــــك
تاليهـــا يـابـو الفرســـــــــان تتخضب بمحــــرابـــك
ردد النــــاعي التأبيــن ... أتهـدمت أركان الديــــــن
نـاح الملك عــد بابــــه ... دم هامه صار خضابــــه 
************
ماتمم الوالــي صيـــام سيــف الغــــدر طـرهامـــه 
وأنفجــــــع بيــــه القرأن طاح الحفظلــه زمامـــــه
مهضـــوم يبچي وينعــاه محرابـــــه ويصمصامـــه
بضربت الباغي اللعيــن ... أتهـدمت أركان الديـن
ودع اليـــوم أحبابـــــــه ... دم هامه صار خضابه
************
الأيتـــــــام كلهـا أتعنـتك ياعلي وتنشـــد عـالحــال 
شــــلون الوصي بمحرابــه وتغتـالــه أيــد النـــذال
راح الذي عنـــا يــذود وچــان الســــــند بالأهوال
طاح الذخــر للطيبين ... أتـهـدمت أركان الديــــن
عين المُحب سجابـــه ... دم هامـه صـار خضابـه
************
ياعلي ومصــاب اليـــوم مامثلــه بالدنيـــا مصـاب
منطحت ياأبو الحسنيـــن وتخضبت بالمحـــــراب
ناحت عليك الافـلاك كَلب الرسُــــل بيك أنصــاب
غالوك يابو الحســنين ... أتهــدمت أركان الديــــن
والعـدل طاح نصابــه ... دم هامـه صار خضابــه


هالفجر آخر فجر يابا الحسن -- -- -- -- وفاة الامام علي ع


السيد عدنان الحمامي


هالفجر يابا الحسن آخر فجر


انته ساجد بالصلاة وتنطبر


واويلاه -- واويلاه


--


هالفجر ميشوم من طر ياعلي


يمن بيك اهموم دينك تنجلي


أتوزرت للموت تعلم ياالولي


هامتك تنصاب تدري بالغدر


واويلاه -- واويلاه


--


هامتك هامة الدين ومنهجه


وكل كرب عن الرسول اتفرجه


ياعلي ماچان منك هالرجه


أتعوف ابن ملجم يطبرك هالقذر


واويلاه -- واويلاه


--


شلون يمك وصل يطبر هامتك


وخضب ابدمك يحيدر شيبتك


انته چتال ابن ودها عرفتك


ساحة الموت و تجيب انته النصر


واويلاه -- واويلاه


--


يامن اتحل المشاكل والشدد


غيرك الهاي الرعيه شظل بعد


اي وحگ الذي بس هوه انعبد


عگب عينك تظل بالعوز وفقر


واويلاه -- واويلاه


--


چنت ترعاها الرعيه بكل وكت


ودمعك اعله ادموع ايتامك يكت


وغير ثوب الخشن انته ما املكت


وبوسط محرابك اختمته العمر


واويلاه -- واويلاه


--


ياعلي وكل الارامل رادتك


للضهر هاليوم تنطر جيتك


كلها ظلت يبو حسين ابعازتك


عوز والحرمان عگبك تنتظر

كرار آه ياكرار--- لاستشهاد امير المؤمنين علي ع


الشاعر شاكر الشمري



كرار آه ياكرار ماتدري بينه الصار


**********************************


مصابك ياعلي وفكدك ---------- غده بدين النبي ثلمه


وملايكة السمه ناحت------------ على مصابك يبو اليمه


يحيدر من غبت صارت---------- علينه موحشه وظلمه


وعكب شخصك يوالينه ----------- مصايبنه غدت جمه


يخيمتنه ويرايتنه----------------- يلمسير سفينتنه


بعد ماظل صبر عدنه ------------ ترى والله الفكر محتار


************************************


الدمع لجل الوصي الكرار-------------- يشيعه خل نصبه بدم


بمصابه انفصمت العروه -------- ولان ركن الهدى تهدم


صدك محنه يشيعتنه ------------- علي صوم الشهر ماتم


وصدك للباري هذا اليوم --------- علي والله النفس سلم


كلف ياسيدي شعظمه ------------- مصابك والله عالامه


ويظل وسط الحشه جرحك -------- توكد بينه جمرة نار


************************************


على فكدك يبو الحسنين --------- تنوح الانس والجنه


وغيابك سيدي ومولاي --------- ترك وسط الكللب ونه


والك جمرة حزن بينه ---------- وتظل تجري مدامعنه


ويظل جرحك فلا ننساه -------- وابد مابيهه كل ضنه


صدك ياداحي الابواب --------- يخضب دمك المحراب


يروح المصطفى الهادي ------- يبو الكلفه يحامي الجار


************************************


جروح مخزنه بآهات ---------- ولامنهن جرح هل طاب


جرح جبد الكضه مسموم ------- وجرح كبله الضلع والباب


وعلينه زادت الويلات --------- تراهي عملة المحراب


وجرح وبكربله لليوم --------- يظل جمره وتوج عطاب


مصابك زيد الالام ----------- وفجيعه الهدت الاسلام


ولمن ماغربت شمسك ------- بظلام اتوشحت كل دار


************************************


بعد منهو اليظل النه ---------- عكب عينك يوالينـــــهالفقير المن بعد ينشد --------- وبعد منهو الذي يعينــهومنو ظل لليتيم اليوم -------- وينشفله دمــــع عينــــهومنو عكبك يزيح الهم ------- بعــد لو جلجل علينـــه


علي يمداوي المجروح ------ يلمسير سفينة نوح


يعصاة النبي موسى -------- وبرد لجلك هذيج النار


************************************


تهدم والله ركن الدين ------- الملك ظل بالسمه ينادي


يموت المرتضى الكرار ----- وهو نفس النبي الهادي


يطيح مخضب بدمه --------- حسافه بسيف المرادي


وعله زينب يويلي الهم ------ الحزن هل واضح وبادي


تنادي عله الحسن وحسين ---- وتفجر منهه دمع العين


يحماي الحمه خلافك ------- سده اللي ماسده ولاصار

نسألكم الدعاء

تعليقات 0 | إهداء 0 | زيارات 1035


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)