جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصيدة في حق مولانا الحسين (ع)
قصيدة في حق مولانا الحسين (ع)
24-07-2009 06:01


قصائد لشعراء أهل البيت (ع) في ذكرى ولادة الامام الحسين عليه السلام

اللهم صل على محمد وال محمد وعجل فرجهم واحفظ خادمهم


نـــــــــور ولادة الحسيــــــــــن ع


للشاعر جابر النجفي


نور الولاده أنتشر --- بالكون هل أو ظهر
رمز المعالي صار --- سبط النبي المختار
ــــــــــــــــــــــــــــــــــــــــ
نور الحسين اليوم هل أو عله == فرحوا يشيعه اليوم نادوا هله
هنوا علي الكرار يستاهله == هذا الوليد الكون بيه أنمله
نور أو فرح يعتلي --- نادوا يشيعة علي
هذا أبو الاحرار --- سبط النبي المختار
ـــــــــــــــــ
هذا الحسين اليوم نوره سطع == رب الجلاله أنطاه أسمه أو رفع
والكون غطاه الفرح من سمع == صوت البشاره للولاده ركع
والنور من فاطمه --- غطه الارض والسمه
والكون بيه أحتار --- سبط النبي المختار
ــــــــــــــــ
جاب الاسم جبريل من السمه == الله العلي هو الذي علمه
سمي الوليد أحسين بيه النمه == هني الوديعه فاطمه العالمه
هني علي يانبي --- بحسين هذا الأبي
وأحسين نور أو دار --- سبط النبي المختار
ــــــــــــــــــ
نرفع تهاني اليوم للمنتظر == يلمهدي هذا اليوم نوره ظهر
مولد أبوك أحسين ذاك الأغر == وأحنه تبعنه اليوم ذاك الأثر
بيه أبفرح نحتفل --- والمايحب ينهمل
وأحسين دايم ثار --- سبط النبي المختار
ــــــــــــــــــ
يحسين أنت المرتجى سيدي == أهواك من يوم الحصل مولدي
مصباح بيك المعتني يهتدي == يمشي أعلى دربك للشفه يرتدي
وأينال خير أو أجر --- يفني أبمحبتك عمر
وأينال خير أو دار --- سبط النبي المختار
ــــــــــــــــ
أنت سفينه للنجاة أو ظفر == واليركب أبهاي السفينه عبر
وأينال جنه ينعتق من سقر == يروي ظماه أبماي من الأغر
يرويه حيدر علي --- ما يبقه هم ينجلي
لحسين يصبح جار --- سبط النبي المختار




ألف بوسة وسلام لگبة حسين


للشاعر مازن الزبيدي


مـن أبعيد صوبك وجهت أيـــدي ــــــ ياروحي ودمــــاي التجري بوريدي
بسمك كل وكت مولاي ترديــدي ــــــ ذكرك ما يفارگ بالي كـــــــــل حين
ـــــــــــــــــــــــــــــــــــــ
سيل الشوگ هد أسوار دلالـــي ــــــ أتخيل ضريحك سيدي أگبـــــــــــالي
مثل الطيف وبكل لحظه يبرالي ــــــ يـــــــــــــا حالي مثل حال المجانين
ـــــــــــــــــــــــــــــــــــــ
شيعي آنه ودليل الشيعي المتيم ــــــ بيه يجري الحسين بمثل مجرى الدم
من مهـــد اللحد خادم أله وأخدم ــــــ كتـــــــــاب آنه وتوضحني العناوين
ــــــــــــــــــــــــــــــــــــ
من عهد الطفوله وبالعشگ هايم ــــــ شوگي بكل زمـــــــان أمواج تتلاطم
وي صوت اليحبك صوتي يتناغم ــــــ نصيـــح بصيحة تسمعهه الملاييــــن
ـــــــــــــــــــــــــــــــــــ
ذكرك ماي منه الــــروح مرويه ــــــ يعذيبي الهــــــــــوى التتنفسه الريه
حبــــك من حليب أمي أنتقل بيه ــــــ وضل يكبر معــــــاي أبمر السنيـــن
ــــــــــــــــــــــــــــــــــــ
شوگك حــــلم بــالغفوة يباريني ــــــ وبـــــــــالصحوة مثل جمر بشراييني
ريت الريــــح تحملني وتوديني ــــــ ومن شوفت ضريحك أملي هــــالعين
ـــــــــــــــــــــــــــــــــــ
صورة الله ماأعظمهه من صورة ــــــ صورة هــــــالضريح أبگبته وسوره
من جنة البـــــاري تنفح أعطوره ــــــ الورد يتباهه بيهه والريــــــــــاحين
ــــــــــــــــــــــــــــــــــــ
ألف كلمة سلام وميـة ألف بوسه ــــــ من گلبي المحبتك بيـــــــه مغروسه
واليضدك يغالي أجدامـنه تدوسه ــــــ دمـــــــــك علمــــــانه ننصر الديــن



نسألكم الدعاء

تعليقات 0 | إهداء 0 | زيارات 380


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)