جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد لذكرى استشهاد مولانا باب الحوائج(ع)
قصائد لذكرى استشهاد مولانا باب الحوائج(ع)
17-05-2013 09:33


قصائد لذكرى استشهاد مولانا باب الحوائج موسى بن جعفر الكاظم عليه السلام لشعراء أهل البيت عليهم السلام

اللهم صل على محمد وال محمد وعجل فرجهم واحفظ خادمهم


الله اكبر ------- موسى ابن جعفر


للشاعر شاكر الشمري


الله اكبر--------- موسى بن جعفر

حياشيعه ابجو لشدته ------ مو هينه والله مصيبته

***************************************

عله الكاظم يشيعتنه -------- اله ننصب عزه بهاليوم

لان قاسه شكثر من ضيم ------- وعليه صارت جثيره اهموم

ومدامعنه نفجرهه ---------- يشيعه مو دمع بدموم

ونجر حسره باثر حسره ---------- ونصيح الكاظم المظلوم

ولهالرزيه --------- ياجعفريه

والكللب زيدو ونته --------- مو هينه والله مصيبته

****************************************

يشيعه مادريتو الصار --------- عله سابع ضوه العتره

لان ظلم الذي شافه ----------- نبي ماشافه وبكثره

يظل وسط الحشه جرحه ---------- ويظل يدي فلا يبره

جمر يلهب يظل جانون ---------- وصدر يتفجر بحسره

نوحو لمصابه ---------- وشدة عذابه

وياشيعه اذكرو غربته ---------- مو هينه والله مصيبته

*****************************************

عجيبه اللي جهل شخصه ---------- هذاك ومايعرفه شلون

عله الكاظم تعده وجار ----------- وتماده ابن الرجس هارون

بطوامير الظلام ارماه ---------- وكضه عمره بسجن مدفون

جهول وماعرف قدره ---------- لان فاجر وابن ملعون

لهاي الفجيعه ----------- نوحو يشيعه

ماتنوصف لا حالته ------------ مو هينه والله مصيبته

*****************************************

ملايكة السمه ناحت ------------ عله موسى ابن جعفر

وتنوح الزهره لمصابه ------------ وبجه طه ويون حيدر

ودمع كل شيعي هذا اليوم ----------- اكيد عله الوجن حدر

مصيبه والله يالمسموم ----------- الكللب ياسيدي تفطر

هلو المدامع ------------ لهاي الفواجع

بالسجن صارت موتته ------------ مو هينه والله مصيبته

*****************************************

صدك ياشيعه ابن جعفر ----------- نعش مرمي بجسر بغداد

يظل ومحد يشيله ------------ عجيبه وتشهد الاشهاد

اله ماكو اهل ياناس ------------ عشيره وما اله اولاد

لجن والله المحب من شاف --------- النعش شاله ونحيبه زاد

وهل ظل ينادي ----------- رغم الاعادي

مات ابن جعفر صيحته ---------- مو هينه والله مصيبته

****************************************

الامام الحجه هذا اليوم ---------- يشيعه لازم تعزوه

ونكله جدك الكاظم ---------- بحقد اهل الغدر سموه

ونذكره بكربله وحسين ---------- لمن نحره العده كطعوه

يمهدي ونصرخ بكل صوت ---------- يشيعه ولازم تندبوه

اطلع يغايب ---------- شوف المصايب

غايب تظل لليامته ----------- مو هينه والله مصيبته


ياقمة الصبر


للشاعر جابر النجفي


يامن على الجسر --- ياقمة الصبر
قد صرت عنوانا لنا --- بالصبر واجهت الخنا
ياقمة الصبر
ــــــــــــــــــــــــــــــــــــــــــــــــــ ــــــــ
ياسيدي أنت العلا فيك أرتسم == لم تنحني للباغي قد كنت الاشم
منك أستقينا الصبر لانشكو الالم == نهواك ياموسى أماما ما سأم
نهواك يامجدا هدى --- رغم المآسي والردى
مولاي ياعمري --- ياقمة الصبر
ــــــــــــــــــــ
ياسيدي جأناك نرجو أن نرى == فيضا لنور منك يعلو للذرى
أنا وجدنا النور في زهو سرى == نلنا الشفاء المرتجى فينا جرى
كانت أمانينا الظفر --- في رؤية النور الأغر
لانخشى من غدر --- ياقمة الصبر
ــــــــــــــــــــ
ياسابعا من عترة الهادي النبي == معصوم من كل الردى هذا الابي
نور له طول المدى لايختبي == نهواه موسى رغم كيد الناصبي
نهواه مولانا التقي --- في الحشر يلقانا النقي
في ظلمة القبر --- ياقمة الصبر
ـــــــــــــــــــــــ
ياكاظما للغيض ما يوما ضجر == في سجنه لاقى المآسي والخطر
لكنه بالخير والتقوى ظفر == في طاعة المولى قضى ذاك السفر
مولانا موسى ينتظر --- أمر الجليل المقتدر
أمر العلا يجري --- ياقمة الصبر
ــــــــــــــــــــــــ
ياشامخا في زهوه ياسيدي == أهواك يامولاي منذ المولد
واللعن مني يعتلي من يعتدي == في خسة بالشر يأتي يبتدي
بالشر يأتي ناصبي --- لايعرف الهادي غبي
بالحق لايدري --- ياقمة الصبر
ــــــــــــــــــــــــــ
فلينهض الباغي يرى شمس الهدى == والقبة الشماء تشدو للندى
ما مات موسى بل هوى ذاك الردى == زوار موسى تعتلي طول المدى
زواره لاتنتهي --- تأتي الى النور البهي
نور شدى يسري --- ياقمة الصبر

وين الكاظم وبيه ياهو دلانه


للشاعر عدنان الحمامي


وين الكاظم وبيه ياهو دلانه -- ابيا سجن انسجن مانعرف امچانه
--
ياهو البيه رحم والعنده خوف الله -- وياهو ملة الاسلام اله ملهيدلينه اعله سجنه انچان يندله -- يولا للسجن ينطينه عنوانه--ياهو اللي اجر من النبي رايد -- ويعمل خير ولله عالعمل شاهدياخذنه المچان الزاهد العابد -- بس لا بالحديد امقيده سجانه--ليش ابلا سبب ومغيبه هارون -- ولا اهله وعمامه ابحالته يدرونوهاي اخمسطعش عام ابسجن مسجون -- مو حته الفرج قفلها بيبانه--ياباب الفرج يمته الفرج يايوم -- ليش ابلا جنايه ولاسبب مظلوممن سجن السجن ويكابد ومهموم -- لو يحچي السجن چا ينطق السانه--ينطق هالسجن ويسولف العنده -- عالكاظم وظيمه وعن هظم چبدهلاجرم وذنب لا من شهد ضده -- ذبه هالعباده ويتلي قرآنه--ساجد راكع ويتلي كتاب الله -- مو ثاير اوسيفه اعله المُلك سلهبني العباس صاروا عالبشر علّه -- واحدهم بغيض وباع ايمانه

نسألكم الدعاء وماجورين


تعليقات 0 | إهداء 0 | زيارات 1376


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
5.01/10 (16 صوت)