جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد لذكرى وفاة السيدة زينب(ع)
قصائد لذكرى وفاة السيدة زينب(ع)
07-07-2009 09:44


قصائد في ذكرى وفاة مولاتنا زينب عليها السلام رزقنا الله بالدنيا زيارتها وبالاخرة شفاعتها

اللهم صل على محمد وال محمد وعجل فرجهم واحفظ خادمهم


وحشة زينب


للشاعر جابر النجفي


زينب لفاها الموت وبديرة أغراب == تتمنه يمها أحسين ويهيل التراب
ــــــــــــــــــــــــــــــــــــــــــــــــــ ـــ
هاذي العقيله الضاع منها عمرها == بالهم كضه أو آلام يصعب ذكرها
معروفه زينب زين عالي صبرها == واليكصد الها أينال أجره ولحساب
ــــــــــــــــــــ
رادت أخوها أحسين يحضر دفنها == وياه يجي العباس يغمض جفنها
وبشوفة الاحباب ميظل حزنها == تحله المنيه اليوم بوجود الأحباب
ــــــــــــــــــــ
ياشيعه أبجوا اليوم زينب غريبه == يبجي أجاها الموت لجل المصيبه
بديار أميه اليوم هاي الحبيبه == وافاها ملك الموت منها الكلب ذاب
ـــــــــــــــــــــ
أكصد لأرض الشام زور العقيله == منها تشوف الجود ماكو مثيله
يتلكه وجهك نور هاي الأصيله == وتشم عطر فواح وبكل كتر هاب
ــــــــــــــــــــــ
يم زينب الحوراء صلي يزاير == وأدعي أله الكون ربي يقادر
أكشف همومي أو زيل عني المخاطر == ترجع قرير العين مو زينب الباب
ــــــــــــــــــــــ
لجل العقيله اليوم ننصب مآتم == هنياله كل من صار للعتره خادم
منها ينال الخير للجنه غانم == ياخذ هديته الفوز من داحي الباب


العقيلة زينب


للشاعر علي الخزاعي


كبل لاكول زينب ابدي بسم حسين
ابسمل لازم وبعدين اقراهه
سوره ومن لغز حيدر كتبهه ابنور
وبس حيدر يفسر شنهي معناهه
وعلى بيت الستر صارت ستر للناس
وبماي الذهب بجفوفه خطاهه
وحدد خارطه بكل خطوه للحوراء
وعلى ادروب المصايب امس دلاهه
وللطف علماهه اشلون وي حسين
توكف مثل ابوهه الوكفته الطاهه
زينب للحزن صارت ملاذ وبيت
وبجفوفه الحزن صعبات غذاهه
وي ظلهه المصايب رافكتهه اسنين
وخطوه با ثر خطوه المحنه وياهه
كامت عالصبر زينب تصبر بيه
وايات الصبر للصبر تقراهه
زينب صح مره بس تسوه كومه ارجال
وجدمهه اخشوم ياما شكثر داساهه
اذا عندك مصيبه اتعنى ليها وروح
هاي ام المصايب فرج ملكاهه
بت حامي الحمه ونسخة علي الكرار
وتلوذ ابحيدر امن اتلوذ بحماهه
ماشافت بشر تلميذة الزهراء
واتحدى اليكلك بشر شافاهه
اذا ظل العقيله امحجب اعله الناس
جاكلي الحقيقه اشلون تلكاهه
فارس بت علي ومن اشجع الشجعان
ومو بالسيف تذبح من تحداهه
سيف امن السوالف خطبة الحوراء
وكص روس الزلم والزلم بجاهه
زينب بالمزامط خذت من عباس
من صار المزامط روحه عافاهه
من شاف العقيله اتصيح ياعباس
كلب روس الزلم نسوان سواهه
شوصف بالعقيله اشتنعد الميزات
اذا جبريل حار ايعد مزاياهه
طف الوحده يسمه للحوراء
بسمهه وكل وقت ينقام ذكراهه
واخيرا راح اكلك ليش اجت للشام
وليش اهنا كبرهه وكل بقاياهه
لان تدري احنه باجر هم سبايا نروح
تعزب بينه باجر لو كصدناهه


نسألكم الدعاء

تعليقات 0 | إهداء 0 | زيارات 934


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
8.51/10 (9 صوت)