جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
قصائد لذكرى الاربعين
قصائد لذكرى الاربعين
14-02-2009 08:05



قصائد متعدده لعدة شعراء لذكر الاربعين ومواساة لمولاتنا زينب عليها السلام

اللهم صلِ على محمد وال محمد وعجل فرجهم واحفظ خادمهم


قصائد لعدة شعراء لذكرى الاربعين


(( حل أربعينك ))

الشاعر سعد مطلوب الخفاجي

حــــــل أربــــعينـــــــك يحسيـــــن .... مشــــــــايــــــه الك متعنيـــــــن

***********

مشايـه ياأبن الهـــادي جينــه لكَبــرك .... مـن كَل كَتر نتعنى لجل أنصرك

نتحـــدى كلمـــن يعتـــدي ونحضــرك.... ترخص دمانا ليك ياأبن الطيبيـن

***********

نسير بخطانه نسابك هبــوب الريح .... ويه الوكَت نتلاوه ما نخشى نصيح

مــن العقيلـــه خـذنـه هذا التصريح .... تبقى المأتـــم عامره بـــكل سنيـــن

***********

أشـــواط نكَطــع ليك ياأبــو الأكبــــر .... ماهمنه كَل ذاك البــرد وي الحـر

شبـــان وي شيــب ونســـاء التحضر .... لزيارتــك كلنـــه بعـزم متوجهين

***********

نتعنـــه يحدينــا العشــــكَ واللهفــــه .... وكَلوبنـــه تهيــــم بــودادك تغفــــه

مــحبـــوب انتـــه ولليحبـــك ملفــــه .... زوارك أحنه بحضرتك متحصنين

************

يـحسيـن بهواك المحب ضل مفتون .... مـــوعابــس لوحده بغرامك مجنون

مــليـون عابـــس لوردت يصطفون .... شيعه ونرخص الروح ليك وللــدين

************

نــرفـــع ألك رايــات ياأبــن الزهـره .... تـنادي وتريــد الثار لجل النصـره

ونـجـــدد أمصاب الجره علـه العتره .... وعله العهـد ويـاك نبقى بـكل حين


*


وين اهل الحميه -- جيت الهم سبيه --------------------ابوذيات للاربعين


للشاعر السيد عدنان الحمامي


وين اهل الحميه -- جيت الهم سبيه


--



عگبهم مامثل همي تراهم


حزن گلبي ودمع عيني تراهم


اخوتي ومابعد عيني تراهم


ولاترجع ليالي العّز اليه


---


خويه حسين عشت الظيم بعداك


عزيز انته وعليه الموت بعداك


عسى انخسفت يخويه الارض بعداك


ولا للشام مشوني سبيه


----


انهدم صبري وبعد مايصح من حال


وحبل اليسر للشا مات منحال


يعباس وعليك الحال من حال


تبچي لوشفت ظيم العليه


---


يزينب شلّي لجروحچ ولمي


لون عرفوا هلي ابحالي ولمي


لايوم ابهنه آنه ولمي


عليها الصار هم رد صار بيه


---


صحت والصوت من صيحي بحيلاي


اريد اشكي الك همي بحيلاي


يعباس اثر افراگك بحيلاي


وجفن عيني عليك ايسيل ميه


---


الجره اعليه لونّه ابجبل چاون


ودموعي من تهل جمرات چاون


يعباس اوعدتني الوعد چاون


عفتني للعدو يشتمت بيه


----


انذهل عگلي يبو فاضل ورايه


اشوف اشلون چتالك ورايه


سيف الچان يحميني ورايه


طاحت واصفگت وسفه بديه


*


ومضات في حب الحسين عليه السلام-- للاربعين


للشاعرة ايمان الكوفي


هذا حال حسين بالطف دمه من نحره يفوح

نزف كل موضع ابجسمة امن المصايب والجروح


تلومنه الوادم ابحبه حكنه لو نبجي اوننوح

اونضل طول العمر نلطم ننسه لو زينب نست

--------------------------------------------

انا ابحب حسين رادود اوكصيدة الناس منه اتعلمت

انا ابحب احسين كل اظلوع صدري من النياح اتورمت

اومن يمر صرحة اعله عيني عافت الدمعة اودمت

وانا ابحب حسين خليت المشانق بالركاب اتوهمت

---------------------------------------------

تراب الحوه جسمة نضل نرويه بالدم والدمع

وافكارنه ماغيروه ابموت لو حبس اوقمع

والي رحل صار اعله درب حسين قنديل اوشمع

وارواح احبابه ترفرف على الوادم لو مشت


(( يحسين يحسين ))


للشاعر كريم فليح


جيتك خويه بدمعه تغرغـر * بالعيـن بالعيـن




أرد أشكيلك ضيمي وهمي * يحسين يحسين





يبعـد أهلـــي * ألي كعدلــي




ــــــــــــــــــــــــــ




على الناكه يخويه ولن أشم عطـــرك * يريحـة خـوتـك جابتني يَــم كبــرك




أجيت وصبري رايد يشتكي الصبرك * أجيت وأرد أرد راسـك لعد نحـــرك




جيتك خويه أحا يبــن أمــي * يحسين يحسين




أرد أشكيلك ضيمي وهمي * يحسين يحسين




بدمــع عينــي * أيا حسينـــي * يحسين يحسين * يحسين يحسين




ــــــــــــــــــــــــــــــــــ




أجيتك خويه من يسري بكلب مالوم * اريدك لحدك تشكه واليــــه تكـوم




يَمك خويه أرد أكعد وأبت لهمـــوم * وأشكي اشصار بعدك بينه يالمظلوم




أنه أختك زينب هاي أنـه * يحسين يحسين




جيت أشكيلك هــم بلوانـه * يحسين يحسين




بكثر صبـري * حملـت يسري * يحسين يحسين * يحسين يحسين




ـــــــــــــــــــــــــــــــــ




يخويه بس طحت فوك الأرض دامي * وشفت شمر الذبح نحرك يهالضامي




لهمي ولليسر شديت أنه حزامــــي * وردت أوصل ألك بس ثكلت جدامـي




من شفتك عالغبره مطبـــر * يحسين يحسين




كــل سـاع أبممشاي أتعثـر * يحسين يحسين




نحنه ظهـري * وحرت بامـري * يحسين يحسين *يحسين يحسين




ــــــــــــــــــــــــــــــــ




علينه حركو خيمنه يبعد الروح * أطفال ونسه وما ندري وين نــروح




ضجت بالبواجي كربله وبالنوح * وبصوت النحيب أعليك يالمذبـــوح




هَجــت بالبر كــــل أطفالــك * يحسين يحسين




وتصرخ من الرَهبه عيالــك * يحسين يحسين




ويشتمونه * ويضربـونـه * يحسين يحسين *يحسين يحسين




ــــــــــــــــــــــــــــــ




تطب للشام ترضه أختك يسلواهه * مجتوفه الأدين و لا ولي وياهـه




وبسوطه الشمر خويه يتولاهــــه * ولا يمهه الكفيل ولنتـه ترعاهـه




راسـك عـالـزان ويبرالــــي * يحسين يحسين




وراس الكافل يبجي الحالـي * يحسين يحسين




نسه أجفوفه * وسهم شوفـه * يحسين يحسين *يحسين يحسين




ـــــــــــــــــــــــــــــ




علي صَبت مصايب حايره احجيهه * تهــد الدنيه خويه وكل رواسيهـه




تلاويوني المصايب وأنه الاويهــــه * تتغلب علي وأتغلب أعليهــــــــه




الوكفه كبال يزيد بقصـــــره * يحسين يحسين




خلت من كلبي يشت صـبره * يحسين يحسين




وأجيت أشكي * بدمع يجري * يحسين يحسين * يحسين يحسين


*


*


*


*


نسألكم الدعاء

تعليقات 0 | إهداء 0 | زيارات 696


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.44/10 (10 صوت)