جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
مظلوم الحسن يا ناس
مظلوم الحسن يا ناس
27-02-2013 02:49


قصيدة لشاعر اهل البيت ابو تراب الأحسائي لذكرى استشهاد كريم آل البيت عليهم السلام
مولانا الإمام الحسن عليه السلام

اللهم صلِ على محمد وال محمد وعجل فرجهم واحفظ خادمهم


عظم الله اجورنا واجوركم


 


عن ﮔبرك و عن ﮔبري خليها ناري بصدري


يبني الحسن مظلوم من ضلعي المهشوم خليها ناري بصدري




دليلك يا الحسن مجروح آنه ادري


من يوم الشفت بسماري بصدري


شكثر شايل دليلك يا بعد عمري


مالومك شفت هم سطرتي وعصري


من لامك الله يلومه شفت أمك المظلومه


ادري اشكثر مهموم من ضلعي المهشوم خليها ناري بصدري




الله يلوم كلمن يا الحسن لامك


طفل و الطغمه كسرت ضلعي جدامك


و أدري الوكزه بيه زادت آلامك


بسبب كل هذا يبني امكدّره ايامك


والهسه جمرة روحك مستعره بيها اجروحك


تزيد المحن كل يوم من ضلعي المهشوم خليها ناري بصدري




ظلاماتك ﭼـثيره وأصعب الحاضر


مهدوم الـﮔبر و يهيج الناظر


و الحسرات يبني بـﮕـلب كل زاير


يـﮕول الله ، وين الـﮕبر و الحاير


ذاك الـﮕبر والحضره ضاع اويه ﮔبر الزهره


ظل ﮔبرك المهدوم من ضلعي المهشوم خليها ناري بصدري





اليزورك يبني أنظر حيره بعيونه


متلهف يجيك و روحه محزونه


لـَوَن ﮔـال السلام اعليك ايمنعونه


و لو هلت دمعته الـﮕوم ايكفرونه


بس بالإشاره ايزورك و انته اللي ظاهر دورك


حقـّك وسف مهظوم من ضلعي المهشوم خليها ناري بصدري




عليك اتسلم الزوار خلف السور


و كلمن يبني ﮔلبه بالصدر مكسور


واليجرحني ﮔبرك بس تحفه صخور


يحتار الذي يبني يجيك ايزور


زوارك و زواري ما تدري عن آثاري


دلالك المالوم من ضلعي المهشوم خليها ناري بصدري




واليجرح ﮔـلب كل وافد أيـﮕصدك


بعيد ايشوف ﮔبرك عن ﮔبر جدّك


ما كفه الزلم من ﮔطـّعوا ﭼبدك


مظلوم انته من مهدك إلى لحدك


مو كافي هدموا ﮔبرك زادوا مواجع صدرك


كل هذا يا مسموم من ضلعي المهشوم خليها ناري بصدري




بعد مو كافي سمّك و الـﭼبد معطوب


سهم الماضي عوّد بالحقد هالنوب


تصوّب نعشك و هسه الـﮕلب مصيوب


هسه الناس تحـﭼـي اعليك بالمـﮕلوب


حـﭼـي الجهل والغفله عوّد يزيد العله


ما رحمتك هالـﮕوم من ضلعي المهشوم خليها ناري بصدري




لشاعر اهل البيت ابو تراب الاحسائي

تعليقات 0 | إهداء 0 | زيارات 974


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
5.01/10 (18 صوت)