جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
السيدة رقيّة ع
السيدة رقيّة ع
31-01-2009 05:49



قصيدة لشاعر اهل البيت عمر البدراوي لذكرى استشهاد مولاتنا الصغرى رقية بنت الإمام الحسين عليه السلام

 اللهم صلِ على محمد وال محمد وعجل فرجهم واحفظ خادمهم


 



يا حبيـبي يـا حسين ... أيـن أنـت الآن أيـن؟




أتغيـبُ عنّي ... يـانـور عيني

أين أنت الآن أين

***

عادتِ اظعون الهواشم ... من بعد ضيم اليسر

للطفوف وهذي زينب ... يجري مدمعهـا جمر

گابلت گـبر الحسين ... بگلب ذايب منكسر

تگلّه بالأيتام اجيتك ... خويـه منّـك أعتذر

رحنه يا مظلوم عنّك ... ويّـه ابن سعْد وشمر

عدنه لكن عفت طفله ... سلّمـت ضيها الگبر

بَعـدَ حـزن وعذاب ... وأنــينٍ ومصـاب

طــال التأنّي ... يـانـور عيني

أين أنت الآن أين

***

بالخريبه شصـار تعلم ... مـن مصيبه بعيلتك

من بعد نوح وبواچي ... لَنهـا نامت طفلتـك

بين لحظه وأُخره فزّت ... يا حُسـين ونـادتك

بويه وينك ليش غايب ... جنت هسّه بحضرتك

بيدك دموعي امسَحِتها ... أمَّـنتـني بجيّـتك

ليـش يا بويه اترَكتني ... وروّعتـني ابغيبتك

آهِ يا سبـط الرسول ... ليت عمـري لا يطول

خيّبـتَ ظـنّي ... يـانـور عيني

أين أنت الآن أين

***

آه يـا مظلوم وينك ... فـرگتك ما تنحِمِل

گلبي مجروح ابغيابك ... والجـرح ما يندمل

طفله مني اتريد ابوها ... هذا مطلب مو سهل

يا حُسين منين اجيبك ... وانت طايح منچتل

صَرخـةِ الطفله رقَيّه ... خلّـتِ المدمع يِهِل

روْعتِ اللي بالخريبه ... الشيخ منهم والطفل

ما عسـانا أن نقول ؟ ... كلُّنـا رهـن الذُهول

والصـبر فـنّي ... يـانـور عيني

أين أنت الآن أين

***

بالقصر هالصرخه دوّت ... وِصلتِ لحجرة يزيد

گال اعلموني بخبرهم ... ليش هالصرخه تزيد

گالوا الطفلـه رقيّـه ... يعـود ابوها الها تريد

گلهم اخذوا الراس الها ... خَلها من شوفه تهيد

جابـوا الظـلام إلها ... بالطشت راس العميد

وگعت اعله الراس تنحب ... آيمـحزوز الوريد

أبـتـاه يـا ذبيـح ... كيـف لي أن أستريـح

أخـذوكَ مـنّي ... يـانـور عيني

أين أنت الآن أين

***

بويه خبّـرني شجـرالك ... يا ذنب منّك سدر

بيا ذنب هالساع اشوفك ... منـذبح من النحر

منهو خضّب هذا شيبك ... بالدمه وراسك طبر

صوّبك سيف المـرادي ... هذي لو ضربة حجر

عميه عينيّه بغيـابـك ... ما تجي اترد لي النظر

شلّي بالدنيـا بغيابك ... عمري لا طال وگصر

ليتَهـا تقـضي الحياة ... أمَلـي أمـسى الممات

ضـاع التمـنّي ... يـانـور عيني

أين أنت الآنأين

***

يا حسـين الطفله ظلّت ... تنحـب بلوعه وشجن

شابگه الراس اوتريـدك ... آه مـن ظلـم الزمن

لنها فوگ الراس طاحت ... والنحب والون سكن

وابنك السجـاد گـلّي ... آيبـنــة امّ الحسن

مـاتت الطفلـه رقيّـه ... بالغـرب عـنّ الوطن

وآنه بيديّـه احْمَـلتها ... وجـهّزت إلهـا الچفن

بعـد نـوح وانتـحاب ... دَفَـن الحُلـمَ التـراب

وودَدْتُ دفـني ... يـانـور عيني

أين أنت الآن أين

***

تعليقات 0 | إهداء 0 | زيارات 347


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)