جديد الأخبار

جديد الصور

جديد الفيديو

جديد الصوتيات

المتواجدون الآن


تغذيات RSS

الأخبار
الأدب الحسيني
عيد الغدير الأغر
عيد الغدير الأغر
15-02-2008 11:52



قصائد لشعراء اهل البيت السيد عدنان الحمامي وكريم النجفي

تجدد العهد بولاية امير المؤمنين عليه السلام

اللهم صلِ على محمد وآل محمد وعجل فرجهم واحفظ خادمهم


 



 


قصائد في ذكرى عيد الغدير الأغر لنجدد العهد بولايتنا لأمير المؤمنين عليه السلام


لشعراء أهل البيت عليهم السلام


السيد عدنان الحمامي


وكريم النجفي



 


ياحيدر علي الكرار



 


ياحيدر علي الكرار === ياسيف أو محه الاشرار

ـــــــــــــــ

حبك ياعلي وسط الكلب أنوار

من يوم الغدير البي حجه المختار

حقدو ياعلي أعليك العده الأشرار

وأحنه أعلى العهد نمشي عزم وأصرار

ما عفنه العهد لليوم === نلعن كل بغي مذموم

تبقه ياعلي المغوار === ياسيف أو محه الاشرار

ــــــــــــــــــ

بيت الله أنفتح لمك غشاهه النور

دخلت فاطمه للبيت بيه أدور

صرت أنت الوليد البيه مكه أتنور

نورك هالمله كل النفوس أسرور

هز مهدك نبي الاسلام === ياحيدر علي الضرغام

ياسيف الهدى البتار === ياسيف أو محه الاشرار

ـــــــــــــــــ

نفس الغار ضمك ياعلي مولاي

ويه النور أحمد ياسديد الراي

وأنت اللي شفت وحي السمه من جاي

يخبر أحمد الهادي بده بالآي

أختارك هدى للناس === باري الكون يانبراس

ياعارف مدى الاسرار === ياسيف أو محه الاشرار

ــــــــــــــــــ

على أفراش النبي بات الوصي حيدر

والاحقاد تملي أكلوب تتفجر

رادت تكتل الاسلام تتضور

أنخذلت مضت بالعار والمنكر

أحلام الكفر ماتت === بالخذلان من لاذت

وبفضلك مضت أخطار === ياسيف أو محه الاشرار

ـــــــــــــــــــ

من طه النبي جمع كلوب أذهان

أختار النبي حيدر علي أبأيمان

ياحيدر صرت أنت الأخو أمن الآن

بالنص النزل من خالق الأكوان

من صار الأخو حيدر === صار المايحب بي شر

من روحك تشع أنوار === ياسيف أو محه الاشرار

ــــــــــــــــ

صرت أنت الوزير الماخلف وعده

للهادي محمد للبنه مجده

مو مثل البشر زودك عله سعده

طاولت الكفر سيفك نهه أو ارده

ما ثنيت ضربة سيف === زودك زال ظلم أو زيف

شخصك واجه الاشفار === ياسيف أو محه الاشرار

ــــــــــــــــــــ

نزلت بيك تمدح شخصك الآيات

زكيت النفس وأعطيت بالركعات

من باهل محمد حقق الغايات

بيكم ياأهل بيت النبي مرضات

رحمات الخلق رضوان === ألكم ياعظيم الشان

وأنت اللي حميت الجار === ياسيف أو محه الاشرار

ـــــــــــــــــــ

من جمع محمد أمته أبأعلان

من يوم الغدير الصار بي رضوان

بغضوك الكفر شالو ألك أضغان

لاجن ياوصي صيتك غزه الأذهان

من يوم الغدير الصار === شيعه أحنه العلي الكرار

والمبغض ألك محتار === ياسيف أو محه الاشرار


ــــــــــــــــــــــــــــــــــــــــــــــــــ


 شاعر أهل البيت / جابر النجفي


 



بخٍ يحيدر -- بخٍ نادتك -- أمة محمد -- كلها هنتك


 


منصب ويحله -- الشخصك ياعلي


للمسلم انته -- تتعين ولي


فرحي يدنيه -- فرحي وهلهلي


ابحب الولايه -- كل هم ينجلي


ابنور الشفاعه -- تضوي غرّتك -- أمة محمد -- كلها هنتك


----


ابتنصيبك اليوم -- فرحت كل نفس


مسروره الاملاك -- والجن والانس


عيد الولايه -- صار الهم عرس


والگمر يرگص -- وفرحانه الشمس


لمن محمد -- يرفع يمنتك -- أمة محمد -- كلها هنتك


-----


وصه النبي وگال -- نلتوا الغانمه


تمت النعمه -- بحماي الحمه


كل محب باچر -- صك ايسلمه


وتتشفع أوياه -- الكم فاطمه


هني الزجيه -- وأعلن فرحتك -- امة محمد -- كلها هنتك


---


يالچفك اشراع -- ومغطي القطب


كل غزوه بيها -- حيدر من تطب


ترهب الفرسان -- ابساحات الحرب


فرجّت عالدين -- كل هم وكرب


متثني وحده -- حيدر ضربتك -- أمة محمد -- كلها هنتك


----


يابطل صفين -- ياهيبة بدر


منك كتايب -- ياحيدر تفر


تنصر الهادي -- ناذرله العمر


ياحلم حلمك -- صبرك ياصبر


تطعن برمحين -- وتدوي رايتك -- امة محمد كلها هنتك


----


شاعر اهل اليت السيد عدنان الحمامي



 


كفةّ علي عالخلك رجحت بخُم مالها


من حيث الها كفو وغيره كفو مالها


قرآن وضح بعد آيات اله مالها


والباري لليستحق هذا الامر سالمه


كل چف حظر بيعته انمدله ابشرف سالمه


وبيه امست امن الفزع جن وانس سالمه


بس الذي بغظته غير الخزي مالها


----


--


ابوذيه


بغديرك ياعلي ابهاماي ماظن


وعهدي امجدده أمن اسنين ماظن


متحضرني امن اموت ابهاي ماظن


تحظرني اعتقادي اويه الزجيه


---


الفلك لولاك يابا الحسن مندار


وثديي الوالده امحبتك مندار


ارحمها يربي اتفوز مندار


هيه او والدي ابجنه زهيه


---

شاعر اهل البيت
سيد عدنان الحمامي


 



يــــــــوم الغديــــــــــر






هو اليوم يوم الأنتصر موسى == بيه أعلى العله فرعون وتجبر

بيه النار بردت من أله الكون == طلع منهه الخليل أو ما جزع كبر

بي موسى وضع بعده الوصي يوشع == وضع عيسى وصي شمعون بي بشر

سليمان النبي بعده وصي آصف == هاليوم أنوضع صار الولي النور

بين المسلمين آخى رسول الله == بهذا اليوم صارو أخوه أو أكثر

بهذا اليوم عيد كل نبي أو مرسل == أعظم عيد هذا اليوم بي عنبر

يفوح أو بي تشع أنوار والينه == علي الكرار صار ألنه الولي حيدر

أسمه بالسمه يوم العهد معهود == أسمه بالأرض ميثاق وتسطر

أو وين الجنت أحضر لعد حيدر == بهذا اليوم زوره أو من علي أتعطر

ذنوبك تنغفر كلهه أو ترد ناجح == تسلم من لظه النار أو ترد أطهر

علي أبيوم الغدير أصبح أمام الكل == الله النصبه مو أحمد الأمر

الله الكال ياأحمد وجب لازم == تبلغ منطلب منك علي الكوثر

علي البعدك ولي لازم يطيعونه == علي البعدك أمام أو بي علم أزهر

وذا ما بلغت ياأحمد الهادي == رساله ناقصه أتكون أو عمل يخسر

ــــــــــ

علي هو النبأ ذاك العظيم الشان == علي الآمن بزغ نجمه ولاتأخر

علي الصدك رسول الله ولاعافه == علي الجاهد ولاخاف الكفر طشر

علي العابد بكه المخلص يخاف الله == علي الماهزته الدنيه ولاتأثر

أمام المؤمنين أو قائد الأبرار == علي الوارث علم طه العله أو أبحر

علي هو الأمين أعلى الشرع والدين == علي هو الخليفه للخلك جوهر

صدع طه أبأمر الله ولي أنت == أخذ منهم ألك بيعه علي أو أجهر

لعنه أعلى النكث بيعة علي الكرار == لعنه أعلى النقض عهد النبي أو أنكر

علي هو الوفه عهد الأله أو ظل == على عهده أبد متغير أو قصر

علي الناداه باري الكون بالقرآن == أستبشر علي أبيعك عمل أثمر

علي هو الأقام الحك ولا هزه == أبد باطل حدود الله أقام أو سر

وجه طه أو مسح من صدره أهمومه == وبسيفه عساكر للكفر دمر

علي نال الرضا من باري الأكوان == علي صادق على ما عاهد أو قرر

علي مولاي ما أكدر ألم بيهه == جواهر شخصك المهيوب ما أكدر

لون أكضي العمر أكتب فلا أوصل == عشر معشار فضلك ياأبو شبر

عذري الحب مله كلبي ولا أكدر == أعافن للقلم مولاي يا سكر

وذا عفته ترد أيدي أله أبلهفه == تسطر للمناقب عنك أو تكبر


ــــــــــــــــــــــــــــــــــــــــــــــــــ 


 شاعر أهل البيت جابر النجفي




 



 


نسألكم الدعاء


 

تعليقات 0 | إهداء 0 | زيارات 402


تعليقات الفيس بوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)