جديد الصور

جديد الفيديو

جديد الصوتيات

الأخبار
الأدب الحسيني
راية محمد رفرفرت لا طائفيه
راية محمد رفرفرت لا طائفيه
ميلاد الرسول صلى الله عليه وآله
10-04-2008 07:10



قصيدة منبرية لشاعر أهل البيت سيد عدنان الحمامي

بسم الله الرحمن الرحيم


راية محمد رفرفرت لاطائفيه -- قصيدة لميلاد الرسول صلى الله عليه وآله


قصيدة منبريه  -- المستهل

-----------

راية محمد رفرفت لاطائفيه


ميلاده عهد اجديد -- كل مسلم ايد ابايد


رايه -- رايه -- محمديه


----------------


رايه بسم سيد الرسل -- تجمعنه هاي الرايه


نتكاتف اخوه لافرق -- رادنه هاي الغايه


منريد تبقه بالجسد -- للتفرقه سلايه


مد چفك بحب النبي -- صافح الچف اوياي


ابحب ارسول وعترته انوحد الهويه


اترف راية التوحيد -- كل مسلم ايد ابايد


رايه -- رايه -- محمديه




-----------------


عيد النه ميلاد النبي -- وبهل الفرح نتشارك


ايدك بايدي ابمولده -- واترك جميع اعذارك


اخوه ابمحمد نقتدي -- هاليوم يوم امبارك


المسلم اخو المسلم فرض -- الحال الوطن نتدارك


اخوه يلمنه هالوطن وحده الهويه


للتفرقه منريد -- كل مسلم ايد بايد


رايه -- رايه -- محمديه



-------------------


من الظماير يعتلي -- صوت الولاء البينه


نرفه ادينه للشكر -- للرب اله صلينه


هلت انوار المصطفى -- وبالمصطفى يهدينه


درب النجاة او للرشد -- حُبه الذي ايدلينه


الله بمحمدنه رحم هاي البريه


مولد الهادي عيد -- كل مسلم ايد بايد


رايه -- رايه -- محمديه



----------------


يجمعنه حب المصطفى -- حبه الذي ايوحدنه


هوه نبينه او لانبي -- غيره بعد ماعدنه


والقبله فد قبله بعد -- ميجوز اليجاهدنه


ابعازتنه هاليوم الوطن -- انداوي الجرح رايدنه


لأبنائه ظلت هالوطن عينه ربيه


ونعمره امن اجديد -- كل مسلم ايد بايد


رايه -- رايه -- محمديه



----------------


خلي الشفايف تبتسم -- خلي الوطن يتعافه


ابهمة ابنائه انشاء الله -- من كل جرح يتعافه


كل گلب بينه يتحد -- ابحب النبي يتصافه


الارهاب باچر ينتهي -- وتشتعل كل اسلافه


ونعيش اخوه بهل الوطن عيشه هنيه


وخيره علينه ايزيد -- كل مسلم ايد بايد


رايه -- رايه محمديه



----------








لشاعر أهل البيت -ع- سيد عدنان الحمامي



القصيدة موجودة على الرابط :


راية محمد رفرفرت لاطائفيه -- ميلاد الرسول ص

تعليقات 0 | إهداء 0 | زيارات 407


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في twitter
  • أضف محتوى في facebook


تقييم
9.01/10 (10 صوت)